The Phnom Penh Post Search

Search form




Logo of Phnom Penh Post newspaper Phnom Penh Post - អេ​មី​រ៉ាត​អា​រ៉ាប់​រួម​ សន្យា​ផ្តល់​កម្ចី​ ៥០០ លាន​ដុ​ល្លារ​ដល់​ កម្ពុជា

អេ​មី​រ៉ាត​អា​រ៉ាប់​រួម​ សន្យា​ផ្តល់​កម្ចី​ ៥០០ លាន​ដុ​ល្លារ​ដល់​ កម្ពុជា

Content image - Phnom Penh Post
លោកនាយករដ្ឋ​មន្ត្រី​ ហ៊ុន សែន និង​ព្រះ​អង្គ​ម្ចាស់ ​Amed D​almook ​Al Maktoum កាលពីថ្ងៃម្សិលមិញ​។ រូប ហ្វេសប៊ុក SPM

អេ​មី​រ៉ាត​អា​រ៉ាប់​រួម​ សន្យា​ផ្តល់​កម្ចី​ ៥០០ លាន​ដុ​ល្លារ​ដល់​ កម្ពុជា

ភ្នំពេញៈ ប្រ​ទេស​ អេ​មី​រ៉ាត​អា​រ៉ាប់​រួម​​នឹង​ផ្តល់​កម្ចី​ជា​ប្រភេទ ​Credit Line​ នូវ​​​ទឹក​ប្រាក់​ចំនួន ​៥០០​ លាន​ដុ​ល្លារ​ដល់​ប្រ​ទេស​ កម្ពុជា ​សម្រាប់​ប្រើ​ប្រាស់​ក្នុង​គោល​​ដៅ​​​នាំ​ចូល​ទំ​និញ​ពី​ប្រ​ទេស​​ស្ថិត​ក្នុង​តំ​បន់​អា​រ៉ាប់​មួយ​​នេះ​។ ​នេះ​បើ​យោង​តាម​ទំ​ព័រ​​ហ្វេស​ប៊ុក​របស់​លោក​នា​យក​រដ្ឋ​មន្ត្រី​ ហ៊ុន សែន ​កាល​ពី​ថ្ងៃ​ម្សិល​មិញ​។​

ការ​​សន្យា​នេះ​បាន​ធ្វើ​ឡើង​ក្នុង​​ជំនួ​ប​ពិភា​ក្សា​មួយ​រវាង​​ព្រះ​អង្គ​ម្ចាស់ ​Amed D​almook ​Al Maktoum ដែល​ជា​​សមា​ជិក​នៃ​រាជ​វង្ស​របស់​​ប្រ​ទេស​ អេ​មី​រ៉ា​ត​អា​រ៉ាប់​រួម​ ជា​មួយ​នឹង​លោក​នា​យក​រដ្ឋ​មន្ត្រី ​ហ៊ុន ​សែន ​ក្នុង​ទី​ក្រុង​ភ្នំ​ពេញ​កាល​ពី​ថ្ងៃ​ម្សិល​មិញ​។​

ក្រៅ​​ពី​ការ​សន្យា​ផ្តល់​​កម្ចី​​នេះ​ ព្រះ​អង្គ​ម្ចាស់ ​Amed Dalmook Al Maktoum ​ក៏​នឹង​សិក្សា​ពី​លទ្ធ​ភាព​​ផ្សេង​​ទៀត​​ផង​ដែរ​ ដើ​ម្បី​​វិ​និ​យោគ​នៅ​​កម្ពុជា ដោយ​ព្រះ​អង្គ​មាន​​ចំ​ណាប់​អា​រម្មណ៍​​លើ​វិ​ស័យ​ប្រេង​ ឧស្ម័ន ពា​ណិជ្ជ​កម្ម ​និង​ហិ​រញ្ញ​វត្ថុ​។

លោក​ អ៊ាង ​សុផ​ល្លែត ​ជំ​នួយ​ការ​ផ្ទាល់​របស់​លោក​នា​យក​រដ្ឋ​មន្ត្រី​ ហ៊ុន ​សែន ​បាន​ប្រាប់​ថា ​នេះ​គឺ​ជា​ការ​ចាប់​ផ្តើម​នៃ​​ទំ​នាក់​ទំ​នង​ពា​ណិជ្ជ​កម្ម​រវាង​ប្រ​ទេស​ទាំ​ង ២​ ហើយ​តាម​រយៈ​ឥណ​ទាន​នេះ​ កម្ពុជា​អាច​ទិញ​ទំ​និញ​អេ​មី​រ៉ាត​អា​រ៉ាប់​។

ពាក់​ព័ន្ធ​នឹង​កម្ចី​ Credit line នេះ​ លោក​នាយក​រដ្ឋ​មន្ត្រី​បាន​ណែ​នាំ​ឲ្យ​មាន​ការ​ពិ​ភា​ក្សា​ជា​មួយ​ស្ថា​ប័ន​​ពាក់​ព័ន្ធ ដើ​ម្បី​រក​ចំ​ណុច​ណា​មួយ​ក្នុង​ការ​ចាប់​ផ្ដើម​ប្រើ​ប្រាស់​ថ​វិ​កា​នេះ។

ឥណ​ទា​ន Credit line គឺ​​ជា​បរិ​មាណ​ទឹក​ប្រាក់​អ​តិ​បរ​មា ​ដែល​​ប្រ​ទេស ឬ​ស្ថា​ប័ន​មួយ​សន្យា​ឲ្យ​ខ្ចី​។ កញ្ចប់​ឥណ​ទា​ន​​ដែល​ដាក់​ឲ្យ​ខ្ចី​នេះ​នឹង​​មិន​​ទាន់​ប្រែ​​ក្លាយ​ជា​កម្ចី​​នៅ​ឡើយ​​ទេ នៅ​​​ពេល​បរិ​មាណ​ទឹក​ប្រាក់​​ណា​​​មួយ​​មិន​ទាន់​ត្រូវ​បាន​យក​​មក​​ប្រើ​ប្រាស់​​​៕LA

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។