The Phnom Penh Post Search

Search form




Logo of Phnom Penh Post newspaper Phnom Penh Post - អ៊ីរ៉ង់​ព្រមាន​អ្នក​ដែល​បង្ក​សង្គ្រាម​​​សេដ្ឋកិច្ច​​ ​ក្រោម​​ទណ្ឌកម្ម​អាមេរិក

អ៊ីរ៉ង់​ព្រមាន​អ្នក​ដែល​បង្ក​សង្គ្រាម​​​សេដ្ឋកិច្ច​​ ​ក្រោម​​ទណ្ឌកម្ម​អាមេរិក

Content image - Phnom Penh Post
រដ្ឋមន្ត្រី​ក្រសួង​​ការ​បរទេស​អ៊ីរ៉ង់ លោក Mohammad Javad Zarif។ AFP

អ៊ីរ៉ង់​ព្រមាន​អ្នក​ដែល​បង្ក​សង្គ្រាម​​​សេដ្ឋកិច្ច​​ ​ក្រោម​​ទណ្ឌកម្ម​អាមេរិក

ក្រុង​តេអេរ៉ង់ៈ ​រដ្ឋមន្ត្រី​ក្រសួង​​ការ​បរទេស​អ៊ីរ៉ង់​បាន​ព្រមាន​កាល​ពី​ថ្ងៃ​ចន្ទ​ពី​ផល​វិបាក​នៃ​ការ​បង្ក «សង្គ្រាម​សេដ្ឋកិច្ច» ប្រឆាំង​នឹង​សាធារណរដ្ឋ​អ៊ិស្លាម​របស់​លោក​តាមរយៈ​ការ​ដាក់​ទណ្ឌកម្ម​របស់​អាមេរិក ដោយ​លោក​និយាយ​ថា ការ​អនុវត្ត​ និង​ការ​គាំទ្រ​សង្គ្រាម​នេះ​​អាច​មិន​រំពឹង​ថា «មាន​សុវត្ថិភាព​» ឡើយ។

លោក Mohammad Javad Zarif បាន​ឲ្យ​ដឹង​ក្នុង​សន្និសីទ​សារព័ត៌មាន​រួមគ្នា​មួយ​​​ក្នុង​ទីក្រុង​តេអេរ៉ង់​ជាមួយ​លោក Heiko Maas រដ្ឋមន្ត្រី​ក្រសួង​ការបរទេស​អាល្លឺម៉ង់​ថា៖ «ប្រទេស​មួយ​មិន​អាច​រំពឹង​ថា​ ​សង្គ្រាម​សេដ្ឋកិច្ច​មួយ​នឹង​​បន្ត​ធ្វើ​ឡើង​ប្រឆាំង​នឹង​ប្រជាជន​អ៊ីរ៉ង់​ទេ និង​ថា ប្រទេស​​​ទាំង​ឡាយ​ណា​ដែល​​​បង្ក​សង្គ្រាម​សេដ្ឋកិច្ច​​នេះ និង​ប្រទេស​ទាំង​ឡាយ​ណា​ដែល​គាំទ្រ​សង្គ្រាម​សេដ្ឋកិច្ច​នេះ​ នឹង​មាន​សុវត្ថិភាព​នោះ​ទេ។

លោក​បន្ថែម​ថា៖ «មធ្យោបាយ​តែ​មួយ​គត់​ដើម្បី​​បន្ធូរ​ភាព​តានតឹង​ក្នុង​តំបន់ ​គឺ​ត្រូវ​បញ្ឈប់​សង្គ្រាម​សេដ្ឋកិច្ច»។ លោក​កត់​សម្គាល់​ថា ​​អាល្លឺម៉ង់ ​និង​សហភាពអឺរ៉ុប​អាច​មាន «តួនាទី​សំខាន់» មួយ​ក្នុង​ការ​ទប់ស្កាត់​​ស្ថានភាព​​នេះ។

អ៊ីរ៉ង់​បាន​ចុះ​ហត្ថលេខា​លើ​កិច្ច​ព្រមព្រៀង​នុយក្លេអ៊ែរ​​ជាមួយ​​ចក្រភព​អង់គ្លេស ប្រទេស ​ចិន បារាំង អាល្លឺម៉ង់ រុស្ស៊ី និង​អាមេរិក​ក្នុង​ឆ្នាំ ២០​១៥ ដែល​ឈាន​ទៅ​រក​ការ​បន្ធូរបន្ថយ​ទណ្ឌកម្ម​ជា​ថ្នូរ​នឹង​ការ​បញ្ឈប់​កម្មវិធី​នុយក្លេអ៊ែរ​របស់​អ៊ីរ៉ង់។

ប៉ុន្តែ​រដ្ឋាភិបាល​របស់​លោក​ ដូណាល់ ត្រាំ បាន​ដាក់​ទណ្ឌកម្ម​​នេះ​ជា​ថ្មី​លើ​​​អ៊ីរ៉ង់ ហើយ​បើ​យោង​តាម​អ៊ីរ៉ង់ អាមេរិក​​បាន​បង្ក «សង្គ្រាម​សេដ្ឋកិច្ច» ប្រឆាំង​​​ខ្លួន បន្ទាប់​ពី​ប្រទេស​មហា​អំណាច​​នេះ​បាន​ដើរ​ចេញ​ពី​កិច្ច​ព្រមព្រៀង​នុយក្លេអ៊ែរ​នេះ។

រដ្ឋមន្ត្រី​ការ​បរទេស​អាល្លឺម៉ង់ ​ដែល​បំពេញ​ទស្សនកិច្ច​នៅ​​អ៊ីរ៉ង់​​ថ្លែង​ថា អាល្លឺម៉ង់​​​នឹង​ធ្វើ​ការងារ​ឲ្យ​បាន​ខ្លាំង​ក្លា​ដើម្បី​ធានា​ថា ភាព​តានតឹង​​មិន​កើន​ឡើង​៕ AFP/KC

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។