ទីក្រុងហ្សាការតាៈ សេដ្ឋកិច្ចដែលទទួលរងការវាយប្រហារពីវីរុសរបស់ឥណ្ឌូនេស៊ីបានធ្លាក់ចុះក្នុងត្រីមាសទី ៣ ឆ្នាំនេះបានធ្វើឱ្យសេដ្ឋកិច្ចប្រទេសនេះធ្លាក់ចុះជាលើកដំបូងចាប់តាំងពីប្រទេសប្រជុំកោះនេះត្រូវបានជាប់គាំងដោយសារវិបត្តិហិរញ្ញវត្ថុអាស៊ីកាលពីជាង ២០ ឆ្នាំមុន។
ភ្នាក់ងារស្ថិតិបានឱ្យដឹងកាលពីថ្ងៃព្រហស្បតិ៍ថា សកម្មភាពសេដ្ឋកិច្ចដ៏ធំរបស់ប្រទេសក្នុងតំបន់អាស៊ីអាគ្នេយ៍នេះបានធ្លាក់ចុះ ៣,៤៩ ភាគរយក្នុងត្រីមាសទី ៣ ឆ្នាំនេះធៀបនឹងរយៈពេលដូចគ្នានៃឆ្នាំមុន ដោយសារការធ្លាក់ចុះយ៉ាងខ្លាំងក្នុងវិស័យទេសចរណ៍ សំណង់ និង ពាណិជ្ជកម្ម ក្នុងចំណោមវិស័យដែលទទួលរងគ្រោះ។
ទិន្នន័យនេះបង្ហាញឱ្យឃើញពីការធ្លាក់ចុះ ២ ត្រីមាសជាប់គ្នាបន្ទាប់ពីការធ្លាក់ចុះ ៥,៣ ភាគរយក្នុងត្រីមាសទី ២ នៃឆ្នាំនេះ។
ប្រទេសឥណ្ឌូនេស៊ីធ្លាប់ធ្លាក់ចុះសេដ្ឋកិច្ចចុងក្រោយក្នុងឆ្នាំ ១៩៩៩ អំឡុងពេលវិបត្តិរូបិយប័ណ្ណតំបន់ដែលជួយបង្ខំការលាលែងពីអំណាចផ្តាច់ការអស់រយៈពេលដ៏យូររបស់ប្រធានាធិបតីលោក Suharto នៅមិនដល់ ១ ឆ្នាំមុននោះ។
រដ្ឋាភិបាលនៅជុំវិញពិភពលោកបាននិងកំពុងតស៊ូដើម្បីគ្រប់គ្រង វីរុសកូរ៉ូណា នៅពេលជំងឺឆ្លងដ៏ផ្តាច់ផ្តិលនេះបង្ខំឱ្យបិទផ្នែកជាច្រើននៃសេដ្ឋកិច្ចសកលលោក។
ធនាគារកណ្តាលរបស់ប្រទេសឥណ្ឌូនេស៊ីបានកាត់អត្រាការប្រាក់ជាច្រើនលើកនៅក្នុងឆ្នាំនេះជាកិច្ចប្រឹងប្រែងដើម្បីជំរុញសេដ្ឋកិច្ចស្ទើរងើបឡើងវិញ ខណៈរដ្ឋាភិបាលបញ្ចេញនូវកញ្ចប់ថវិកាជំរុញសេដ្ឋកិច្ចច្រើនជាង ៤៨ ពាន់លានដុល្លារ ដើម្បីជួយប៉ះប៉ូវផលប៉ះពាល់បណ្តាលមកពីវីរុសដែលបង្ខំឱ្យបិទប្រទេសទ្រង់ទ្រាយធំ ដែលនាំដល់ប៉ះពាល់កំណើន។
ប្រជាជនឥណ្ឌូនេស៊ីជាច្រើនលាននាក់ត្រូវបានគេកាត់ផ្តាច់ ឬបោះបង់ចោលជាបណ្តោះអាសន្ននៅលើប្រទេសដែនកោះដែលមានប្រជាជនជិត ២៧០ លាននាក់ឱ្យជម្នះនឹងវិបតិ្ត។
ទោះបីជាយ៉ាងណា ការឆ្លងជំងឺកូវីដ១៩ នៅតែបន្តកើនឡើងដោយករណីឆ្លងបានកើនដល់ទៅ ៤២០ ០០០ នាក់ជាមួយអ្នកស្លាប់ជាង ១៤ ០០០ នាក់ បានធ្វើឱ្យប្រទេសឥណ្ឌូនេស៊ីស្ថិតក្នុងចំណោមប្រទេសទទួលរងគ្រោះបំផុតក្នុងតំបន់អាស៊ី។
ទោះបីជាយ៉ាងណា ទំហំពិតនៃវិបត្តិនៃការឆ្លងវីរុសត្រូវបានគេជឿយ៉ាងទូលំទូលាយថា មានទំហំធំជាងនេះក្នុងប្រទេសឥណ្ឌនេស៊ីដែលមានអត្រាធ្វើតេស្តរកវីរុសទាបបំផុតក្នុងសកលលោក។
លោកប្រធានាធិបតី Joko Widodo ទទួលរងការរិះគន់យ៉ាងខ្លាំងជុំវិញការដោះស្រាយចំពោះការរីករាលដាលរបស់រដ្ឋាភិបាលរបស់លោក ពេលដែលខ្លួនចាប់ផ្តើមធ្វើអាទិភាពចំពោះវិស័យសេដ្ឋកិច្ច។
ការរុញច្រានកំណើនប្រចាំឆ្នាំលើស ៥ ភាគរយជាអាទិភាពសំខាន់សម្រាប់លោក Widodo ក្នុងអាណត្តិទី ២ របស់លោកដែលបានចាប់ផ្តើមកាលពីចុងឆ្នាំមុន។
កាលពីថ្ងៃចន្ទលោកប្រធានាធិបតីបានចុះហត្ថលេខាលើច្បាប់គាំទ្រដល់វិស័យធុរកិច្ច ដែលមានបំណងកាត់បន្ថយឧបសគ្គ និងទាក់ទាញការវិនិយោគបរទេសច្រើនបន្ថែមទៀតនៅពេលដែលលោកកំពុងជំរុញគោលនយោបាយផ្តោតលើហេដ្ឋារចនាសម្ព័ន្ធ។
ប៉ុន្តែច្បាប់ដ៏ចម្រូងចម្រាសនេះបានបង្កើនការតវ៉ាយ៉ាងខ្លាំងក្នុងទីក្រុងទូទាំងប្រទេស ពេលដែលសកម្មជនតវ៉ាព្រមានថា វានឹងក្លាយជាគ្រោះមហន្តរាយសម្រាប់ការការពារពលកម្ម និងបរិស្ថាន៕ RR