The Phnom Penh Post Search

Search form




Logo of Phnom Penh Post newspaper Phnom Penh Post - Beeline នឹង​ដាក់​ឲ្យ​ប្រើ​សេវា 4G ឆ្នាំ​នេះ​

Beeline នឹង​ដាក់​ឲ្យ​ប្រើ​សេវា 4G ឆ្នាំ​នេះ​

Beeline នឹង​ដាក់​ឲ្យ​ប្រើ​សេវា 4G ឆ្នាំ​នេះ​

20140409_12
ការចុះផ្សព្វផ្សាយពាណិជ្ជកម្មរបស់បុគ្គលិក Beeline កន្លងមក ភ្នំំពេញ ប៉ុស្តិ៍

ភ្នំពេញៈ ​ក្រុម​ហ៊ុន​ផ្តល់​សេវា​ទូរស័ព្ទ​ Beeline​ បាន​ប្រកាស​កាល​ពី​ថ្ងៃ​ចន្ទ​ថា ​ក្រុម​ហ៊ុន​គ្រោង​​នឹង​ផ្តល់​បច្ចេក​វិទ្យា 4G​ ដល់​អតិ​ថិ​ជន​នៅ​ចុង​ឆ្នាំ​នេះ​។​

លោក​ ហួត​ វ៉ាន់​ថន​ ប្រធាន​ក្រុម​ហ៊ុន​ Sotelco​ ដែល​ផ្តល់​សេវា​ទូរស័ព្ទ​ Beeline​ បាន​ឲ្យ​ភ្នំពេញ​ប៉ុស្តិ៍​​ថា ​បច្ចេក​វិទ្យា ​4G​ នេះ​​នឹង​ត្រូវ​ដាក់​ឲ្យ​ប្រើ​ប្រាស់​នៅ​​ភ្នំពេញ​នៅ​អំ​ឡុង​ចុង​ឆ្នាំ​នេះ​ ហើយ​ក៏​បាន​សន្យា​នាំ​មក​ជា​មួយ​នូវ​សេវា​បណ្តាញ​ទូរស័ព្ទ​ប្រសើរ​ជាង​មុន​ ដើម្បី​ឈរ​ជើង​ក្នុង​ទីផ្សារ​។ លោក​ថ្លែង​ថា​៖ «​យើង​គ្រប់​គ្នា​សុទ្ធ​ តែ​ដឹង​ហើយ​ថា ​ទីផ្សារ​ទូរគម​នាគ​មន៍​កម្ពុជា​មាន​ភាព​ចង្អៀត​ខ្លាំង​ណាស់​នា​ពេល​ បច្ចុប្បន្ន។​ សង្គ្រាម​តម្លៃ​ និង​ការ​បន្ថែម​ទឹក​ប្រាក់​សន្ធឹក​សន្ធាប់​បាន​ក្លាយ​ជា​រឿង​ធម្មតា​ទៅ​ហើយ ​»។​

លោក​បន្ត​ថា​៖ «​ជំនួស​ដោយ​ការ​រត់​តាម​គូប្រជែង​ យើង​កំពុង​​រៀបចំ​មូលដ្ឋាន​គ្រឹះ​​សម្រាប់​សេវា​ទូរស័ព្ទ​ប្រ​សើរ​ និង​គួរ​ឲ្យ​ទុក​ចិត្ត​បំផុត​នៅ​ក្នុង​​ប្រទេស»​។ លោក​បញ្ជាក់​ថា ​ពេល​នេះ​ក្រុម​ហ៊ុន​កំពុង​ព្យាយាម​បញ្ចប់​ការ​ដាក់​ពង្រាយ​ហេដ្ឋា​រចនា​ សម្ព័ន្ធ​ដើម្បី​ដំណើរ​ការ​ប្រព័ន្ធ​បច្ចេក​វិទ្យា​ 4G​។​

Beeline​ មិន​មែន​ជា​ក្រុមហ៊ុន​ទូរស័ព្ទ​តែ​មួយ​ទេ​ដែល​ព្យាយាម​ទាក់​ទាញ​អតិថិជន ​ដោ​យ​​ការ​ផ្តល់​ប្រព័ន្ធ​បច្ចេក​វិទ្យា​4G​​ ។ ក្រុម​ហ៊ុន​ Smart ​ជា​ក្រុមហ៊ុន​សេវា​ទូរស័ព្ទ​ធំ​ទី​ពីរ​នៅ​កម្ពុជា​ក៏​បាន​ដាក់​ឲ្យ​ប្រើ​ប្រាស់​ប្រព័ន្ធ​បច្ចេក​វិទ្យា​4G​ របស់​ខ្លួន​រួច​ហើយ​កាល​ពី​ដើម​ឆ្នាំ​នេះ​។​

លោក ​Thomas​ Hundt​ នាយក​ប្រតិបត្តិ​​ ​Smart​ ​ឲ្យ​ដឹង​ថា ​លោក​​មិន​ប្រាកដ​ថា ​តើ​ ក្រុម​​ហ៊ុន​ផ្តល់​សេវា​ទូរស័ព្ទ​ Beeline​ អាច​ផ្តល់​ប្រព័ន្ធ​បច្ចេក​វិទ្យា​ 4G ​ដល់​អតិ​ថិ​ជន​បាន​ឆាប់​កម្រិត​ណា​នោះ​ទេ។​ លោក​​ថ្លែង​ថា​៖ «​ការ​បំពាក់​ប្រព័ន្ធ​បច្ចេក​វិទ្យា​ 4G​ នេះ គឺ​ជា​គម្រោង​ដែល​មាន​ដំណើរ​ការ​ស្មុគ​ស្មាញ​ និង​ចំណាយ​ពេល​វេលា​ច្រើន​»។ លោក​​​បញ្ជាក់​​​ថា ​ម​កដល់​ពេល​នេះ​ S​mar​t អាច​ផ្តល់​ប្រព័ន្ធ​បច្ចេក​វិទ្យា ​4G ​ដល់​អតិថិ​ជន​នៅ​​តាម​តំបន់​ខ្លះ​​នៃ​ ទី​ក្រុង​ភ្នំពេញប៉ុ​ណ្ណោះ។

លោក ​Kevin​ Der​ Arslanian​ អ្នក​វិភាគ​លើ​វិស័យ​ទូរគមនា​គមន៍ ​និង​ជា​ដៃ​គូនៅ​ស្ថាប័ន​ប្រឹក្សា​យោបល់ ​China ​Metrix​ ដែល​មាន​មូលដ្ឋាន​នៅ​ទីក្រុង​ ស៊ាង ​ហៃ ​បាន​និយាយ​នៅ​ក្នុង​បទ​សម្ភាសកាល​​ពី​ខែ​មករា​​ថា ​ការ​ផ្តល់​ប្រព័ន្ធ​បច្ចេកវិទ្យា​ 4G​ ដល់​អតិ​ថិជន​នៅ​កម្ពុជា​គឺ​ជា​ជំហាន​ធំ​មួយ៕

អត្ថបទគួរចាប់អារម្មណ៍