.jpg)
ភ្នំពេញៈ ក្រុមហ៊ុនគ្រប់គ្រងមូលនិធិឯកជន Belt Road Capital Management (BRCM) មូលដ្ឋាននៅទីក្រុងភ្នំពេញបានប្រកាសការវិនិយោគ ៤ លានដុល្លារ លើវិស័យទូរគមនាគមន៍នៅអាស៊ីដែលរួមទាំងកម្ពុជាផងដែរ។ នេះបើតាមសេចក្ដីប្រកាសព័ត៌មានរបស់ក្រុមហ៊ុនកាលពីម្សិលមិញ។
ជាមួយនឹងការទទួលស្គាល់ពីឱកាសក្នុងការរារាំងដល់ទីផ្សារសេវាហៅទូរស័ព្ទក្រៅប្រទេសតម្លៃ ៤ ពាន់លានដុល្លារ BRCM បានបង្កើតការវិនិយោគជាយុទ្ធសាស្ត្រលើ Unnitel ជាទិន្នន័យជំនាន់ក្រោយ និងជាក្រុមហ៊ុនផ្ដល់ដំណោះស្រាយចល័តដែលទទួលបានការទាក់ទាញរួចហើយនៅក្នុងទីផ្សារនេះជាមួយនឹងអ៊ីនធឺណិត WeRocket របស់ខ្លួន។
លោក Alex Odom ប្រធានផ្នែកវិនិយោគនៅក្រុមហ៊ុន BRCM បានថ្លែងថា៖ «នេះគឺជាការវិនិយោគលើកដំបូងរបស់ BRCM នៅក្នុងវិស័យទូរគមនាគមន៍។ យើងរំភើបយ៉ាងខ្លាំងក្នុងការធ្វើការងារជាមួយប្រតិបត្តិករទូរគមនាគមន៍មានបទពិសោធ»។
លោក David Milroy ប្រធានប្រតិបត្តិក្រុមហ៊ុន Unnitel បានថ្លែងថាវានឹងក្លាយជាក្រុមហ៊ុនដំបូងក្នុងការធ្វើដៃគូជាមួយ BRCM។ លោកបន្តថា៖ «ពួកគេយល់ដឹងឆាប់រហ័សពីរបៀបដែលយើងកំពុងចាប់ផ្ដើមដំណើរការបច្ចេកវិទ្យា»។
Unnitel និងលក់ផលិតផលរបស់ខ្លួនដោយផ្ទាល់នៅកម្ពុជា ហើយក៏នឹងស្វែងរកដៃគូទូរគមនាគមន៍ក្នុងស្រុកផងដែរ។
លោក Alex និយាយថា៖ «មូលនិធិនេះនឹងត្រូវប្រើប្រាស់ជាការិយាល័យលក់ប្រចាំតំបន់ថ្មី ហើយភ្នំពេញជាសក្តានុពលមួយ»៕LA
