.jpg)
ធនាគារ ABA គ្រោងនឹងប្រមូលមូលនិធិ ១០០ ពាន់លានរៀល (២៥ លានដុល្លារ) តាមរយៈការចេញមូលបត្រសាជីវកម្មលើកដំបូងរបស់ខ្លួននៅទីផ្សារមូលធនកម្ពុជា។ ភ្នំពេញ ប៉ុសិ៍្ត
ភ្នំពេញៈ ក្រុមហ៊ុនផ្សារមូលបត្រកម្ពុជា (CSX) បានសម្រេចឯកភាពជាគោលការណ៍ លើពាក្យស្នើសុំពិនិត្យលទ្ធភាពលក់មូលបត្របំណុលរបស់ធនាគារវឌ្ឍនៈអាស៊ី (ABA) នេះបើយោងតាមសេចក្តីប្រកាសព័ត៌មានកាលពីថ្ងៃម្សិលមិញ។
បន្ទាប់ពីទទួលបានការឯកភាពពី CSX ធនាគារ ABA ត្រូវទទួលការយល់ព្រមឲ្យបោះផ្សាយលក់មូលបត្របំណុលជាសាធារណៈពីគណៈកម្មការមូលបត្រកម្ពុជាបន្តទៀត។
ធនាគារវឌ្ឍនៈអាស៊ីលីមីធីត (ABA Bank) ដែលសមាជិករបស់ធនាគារជាតិកាណាដានឹងក្លាយជាគ្រឹះស្ថានហិរញ្ញវត្ថុទី៣ ដែលនឹងបោះផ្សាយមូលបត្របំណុលក្នុងផ្សារហ៊ុនកម្ពុជា បន្ទាប់ពីធនាគារនេះបានទទួលការយល់ព្រមពីធនាគារជាតិនៃកម្ពុជា (NBC)។
ធនាគារ ABA គ្រោងនឹងប្រមូលមូលនិធិ ១០០ ពាន់លានរៀល (២៥ លានដុល្លារ) តាមរយៈការចេញមូលបត្រសាជីវកម្មលើកដំបូងរបស់ខ្លួននៅទីផ្សារមូលធនកម្ពុជា។
មូលបត្របំណុលនេះនឹងមានរយៈពេល ៣ ឆ្នាំ ជាមួយនឹងអត្រាការប្រាក់ប្រចាំឆ្នាំពី ៧ ភាគរយ ដល់ ៧,៧៥ ភាគរយ។ ប្រាក់ដែលបានមកពីការចេញមូលបត្របំណុលនេះ នឹងត្រូវបានប្រើប្រាស់សម្រាប់ការចំណាយលើប្រតិបត្តិការ ក៏ដូចជាបង្កើនកម្ចីសម្រាប់អាជីវកម្មផ្ដល់ផងដែរ។ នេះបើយោងតាមធនាគារ។
សេចក្តីប្រកាសព័ត៌មានរបស់ធនាគារបានឲ្យដឹងថា៖ «ប្រាក់នេះ នឹងគាំទ្រដល់អាជីវកម្មខ្នាតតូចបំផុត សហគ្រាសធុនតូច និងមធ្យម ដែលរួមទាំងសហគ្រិនភាពស្ដ្រីនៅក្នុងប្រទេស កម្ពុជា ផងដែរ»៕LA
