.jpg)
ក្រុមហ៊ុន Didi Chuxing នឹងកាត់បន្ថយបុគ្គលិក ១៥ ភាគរយនៃបុគ្គលិកសរុប។ AFP
ក្រុងប៉េកាំងៈ ក្រុមហ៊ុន Didi Chuxing ដែលជាក្រុមហ៊ុនផ្តល់សេវាហៅតាក់ស៊ីជិះធំបំផុតក្នុងប្រទេស ចិន បានឲ្យដឹងកាលពីចុងសប្តាហ៍មុនថា ក្រុមហ៊ុននឹងកាត់បន្ថយបុគ្គលិក ១៥ ភាគរយនៃបុគ្គលិកសរុប ឬប្រហែល ២ ០០០ នាក់នៅឆ្នាំនេះ។
ការកាត់បន្ថយបុគ្គលិកនេះ គឺជាផ្នែកមួយនៃវិធានការជំរុញទូលំទូលាយឆ្ពោះទៅរកការផ្តោតការយកចិត្តទុកដាក់លើអាជីវកម្មហៅតាក់ស៊ីជិះសំខាន់បំផុតរបស់ខ្លួន ខណៈដែលបិទ ឬផ្ទេរអាជីវកម្មមិនសំខាន់។
ក្នុងពេលជាមួយគ្នានេះដែរ ក្រុមហ៊ុនដែលមានមូលដ្ឋាននៅទីក្រុងប៉េកាំងនេះ នឹងជ្រើសរើសបុគ្គលិកថ្មី ២ ៥០០ នាក់ដើម្បីបង្កើនសមត្ថភាពរបស់ខ្លួនក្នុងវិស័យបច្ចេកវិទ្យាខាងផ្នែកសុវត្ថិភាព ផលិតផលនានា ការគ្រប់គ្រងអ្នកបើកបរ សកលភាវូបនីយកម្ម និងវិស័យផ្សេងៗទៀត។
យោងតាមក្រុមហ៊ុន ជារួម ចំនួនបុគ្គលិកសរុបរបស់ក្រុមហ៊ុន នឹងមានចំនួន ១៣ ពាន់នាក់នៅចុងឆ្នាំ ២០១៩ ដែលរក្សាបានដូចនៅកម្រិតក្នុងឆ្នាំ ២០១៨៕ People''s Daily/KC
