The Phnom Penh Post Search

Search form

Logo of Phnom Penh Post newspaper Phnom Penh Post - Emerald បង្កើន​ការ​អភិវឌ្ឍ​គម្រោង​រុករក​រ៉ែ​នៅ​កម្ពុជា




Emerald បង្កើន​ការ​អភិវឌ្ឍ​គម្រោង​រុករក​រ៉ែ​នៅ​កម្ពុជា

Content image - Phnom Penh Post
បុរសម្នាក់ត្រៀមចុះរុករ៉ែ​មួយ​កន្លែង​នៅ​ខេត្ត​រតនគិរី​នា​ពេល​កន្លង​មក។ ម៉ៃ វីរៈ

Emerald បង្កើន​ការ​អភិវឌ្ឍ​គម្រោង​រុករក​រ៉ែ​នៅ​កម្ពុជា

ភ្នំពេញៈ ក្រុមហ៊ុន​រុករក​រ៉ែ​អូស្ដ្រាលី Emerald Resources និង Renaissance Minerals បាន​យល់​ព្រម​ច្របាច់​បញ្ចូល​គ្នា​នៅ​ក្នុង​កិច្ចព្រមព្រៀង​ភាគហ៊ុន​ទាំងអស់​ដើម្បី​ធ្វើ​ការងារ​រួម​គ្នា​ក្នុង​ការ​អភិវឌ្ឍ​គម្រោង​រ៉ែ​មាស​នៅ​ភាគ​ឦសាន​ប្រទេស​កម្ពុជា។ នេះ​បើ​តាម​សេចក្ដី​ប្រកាស​ព័ត៌មាន​រួម​មួយ​កាលពី​ថ្ងៃ​អង្គារ។

ការ​ច្របាច់​បញ្ចូល​គ្នា​នេះ​នឹង​បង្កើត​ក្រុមហ៊ុន​រួម​មួយ​ជាមួយ​ទុន​ទីផ្សារ​ប្រហែល ៩៥ លាន​ដុល្លារ​អូស្ត្រាលី (៧១ លាន​ដុល្លារ​អាមេរិក) និង​ទុន​ជា​សាច់​ប្រាក់​ប្រហែល ២០ លាន​ដុល្លារ​អូស្រ្តាលី (១៥ លាន​ដុល្លារ​អាមេរិក)។

ក្រុមហ៊ុន​នេះ​បាន​ឲ្យ​ដឹង​នៅ​ក្នុង​ឯកសារ​រួម​មួយ​ផ្ញើ​ទៅ​ផ្សារហ៊ុន​អូស្ត្រាលី (ASX) ថា៖ «ការ​ច្របាច់​បញ្ជូល​គ្នា​នេះ​នឹង​បង្កើត​ជា​ក្រុមហ៊ុន​ផ្តល់​មូលនិធិ​អភិវឌ្ឍ​រុករក​រ៉ែ​មាស​ដែល​ជា​កន្លែង​ដ៏ល្អ​មួយ​ក្នុង​ការ​អភិវឌ្ឍ​ទ្រព្យសកម្ម​របស់​ខ្លួន»។

កិច្ចព្រមព្រៀង​នេះ​ត្រូវ​បាន​ផ្ដោត​លើ​អាជ្ញាប័ណ្ណ​រុករក​រ៉ែ​នៅ​អូរខ្វាវ​ និង​អូរឈុង​របស់​ក្រុមហ៊ុន Renaissance ដែល​មាន​ទំហំ​គ្របដណ្ដប់​ប្រហែល​ជាង ៤០០ គីឡូម៉ែត្រ​ការ៉េ​នៅ​ក្នុង​ខេត្ត​មណ្ឌលគិរី។

ការ​អង្កេត​ដ៏ទូលំ​ទូលាយ​នៃ​គម្រោង​អូរខ្វាវ​បាន​កំណត់​ធនធាន​រ៉ែ​មាស ១,១៣ លាន​អោនស៍ (ក្នុង​មួយ​តោន​អាច​ចម្រាញ់​បាន​មាស ២,២ ក្រាម)។

ការ​សិក្សា​លទ្ធភាព​ជា​មុន​បាន​បញ្ចប់​កាលពី​ខែ​កក្កដា​ដែល​បាន​ប៉ាន់​ប្រមាណ​ថា​ប្រើ​ទុន​វិនិយោគ ១២០ លាន​ដុល្លារ​ដែល​ផលិត​រ៉ែ​មាស​បាន​ប្រហែល ៩១ ៥០០ អោនស៍​ក្នុង​រយៈពេល ៨ ឆ្នាំ។

ក្រុមហ៊ុន Emerald គ្រប់គ្រង​ភាគហ៊ុន ១០ ភាគរយ​រួច​ហើយ​នៅ​ក្នុង​ក្រុមហ៊ុន Renaissance ដែល​បាន​ទិញ​ក្នុង​តម្លៃ​ពាក់​កណ្ដាល​ក្នុង​ចំណោម​ទុន ៣២,៤ លាន​ដុល្លារ​ដែល​រក​បាន​កាលពី​ដើម​ឆ្នាំ​នេះ។

ក្រុមហ៊ុន​មាន​មូលដ្ឋាន​នៅ​ទីក្រុង Perth ប្រទេស​អូស្ដ្រាលី​មួយ​នេះ​ដែល​កាល​ពី​មុន​បាន​ផ្ដោត​លើ​ការ​រុករក​ប្រេង និង​ឧស្ម័ន​នៅ​អាមេរិក​បាន​ចូលរួម​ក្នុង​កិច្ចព្រមព្រៀង​នេះ​កាលពី​ខែ​កុម្ភៈ​ផង​ដែរ​ ដែល​ខ្លួន​នឹង​អាច​រក​បាន​ប្រយោជន៍ ៥១ ភាគរយ​នៅ​ក្នុង​គម្រោង​អូខ្វាវ​តាមរយៈ​ការ​ធ្វើ​សិក្សា​លទ្ធភាព​យ៉ាង​ច្បាស់លាស់ និង​ការ​វាយតម្លៃ​លើ​ផលប៉ះពាល់​បរិស្ថាន​ និង​កម្មវិធី​រុករក​រ៉ែ​រយៈពេល ២ ឆ្នាំ​មាន​តម្លៃ ៣ លាន​ដុល្លារ។

លោក Hamish Halliday ប្រធាន​ក្រុមហ៊ុន Renaissance បាន​ថ្លែង​នៅ​ក្នុង​សេចក្ដី​ប្រកាស​ព័ត៌មាន​មួយ​ថា៖ «ការ​បង្កើត​ភាព​ជា​ដៃគូ​ដ៏​ខ្លាំង​ជាមួយ​ក្រុមហ៊ុន Emerald បន្ទាប់​ពី​ការ​វិនិយោគ​រួម​ទទួល​បាន​ជោគជ័យ​របស់​គម្រោង​រ៉ែ​មាស​កម្ពុជា​ការ​ច្របាច់​បញ្ចូល​គ្នា​នេះ​បង្ហាញ​ពី​ការ​រីកចម្រើន​សម្រាប់​ក្រុមហ៊ុន​ទាំង​ពីរ​សម្រាប់​ការ​អភិវឌ្ឍ​អណ្ដូង​រ៉ែ​មាស​អូខ្វាវ»។

លោក​បន្ត​ថា៖ «ការ​ច្របាច់​បញ្ចូល​គ្នា​ដោយ​ជោគជ័យ​នឹង​បង្កើត​ក្រុមហ៊ុន​ផលិត​រ៉ែ​មាស​ដែល​រីកចម្រើន​ជាមួយ​ក្រុម​គ្រប់គ្រង​ដ៏​មាន​ទំនុក​ចិត្ត​ខ្ពស់ តារាង​តុល្យ​ការ​រឹងមាំ និង​ជា​ក្រុមហ៊ុន​មួយ​ដែល​មាន​ស្ថានភាព​ដ៏ល្អ​ក្នុង​ការ​ផ្ដល់​កំណើន​សម្រាប់​ភាគទុនិក​ទាំងអស់»។

លោក Richard Stanger ប្រធាន​សមាគម​ក្រុមហ៊ុន​រុករក​រ៉ែ​កម្ពុជា (CAMEC) បាន​ថ្លែង​ថា​ការ​ប្រកាស​អំពី​ការ​ច្របាច់​បញ្ចូល​គ្នា​មិន​បាន​ធ្វើឲ្យ​មាន​ការ​ភ្ញាក់​ផ្អើល​នោះ​ទេ​លោក​បាន​លើក​ឡើង​ថា៖ «វា​កើត​ឡើង​យ៉ាង​ត្រឹមត្រូវ។ ក្រុមហ៊ុន​ដែល​ច្របាច់​បញ្ចូល​គ្នា​នេះ​នឹង​មាន​ការ​ចំណាយ​កាន់​តែ​តិច​ហើយ​រចនា​សម្ព័ន្ធ​កាន់​តែ​ងាយ​ស្រួល​ក្នុង​ការ​ប្រតិបត្តិការ»។

សំខាន់​ជាង​នេះ​ទៅ​ទៀត​ក្រុមហ៊ុន​ច្របាច់​បញ្ចូល​គ្នា​ដែល​នឹង​មាន​សាច់ប្រាក់ ១៥ លាន​ដុល្លារ​ និង​គ្មាន​បំណុល​កំពុង​ស្ថិត​ក្នុង​ស្ថានភាព​ជម្រើស​មួយ​ដើម្បី​ឆ្ពោះ​ទៅ​មុខ​ជាមួយ​នឹង​ការ​អភិវឌ្ឍ​នៃ​ការ​បង្ហាញ​ធនធាន​រ៉ែ​មាស។ លោក​បន្ត​ថា៖ «វា​កំពុង​ស្ថិត​នៅ​ក្នុង​ស្ថានភាព​ដ៏ល្អ»។

លោក​បន្ថែម​ថា​ ថ្នាក់​គ្រប់គ្រង​ដែល​មាន​បទពិសោធន៍​នឹង​ពិតជា​រក​បាន​ប្រាក់​ចំណេញ​លើ​ឱកាស​នេះ៕ LA

អត្ថបទគួរចាប់អារម្មណ៍