The Phnom Penh Post Search

Search form




Logo of Phnom Penh Post newspaper Phnom Penh Post - FCA សម្រេចបាន​កិច្ចព្រមព្រៀង​ជាមួយ​សហជីព

FCA សម្រេចបាន​កិច្ចព្រមព្រៀង​ជាមួយ​សហជីព

Content image - Phnom Penh Post
រ៉ូបូត​កំពុង​ធ្វើការ​ក្នុង​ខ្សែចង្វាក់​ផលិតកម្ម​រថយន្ត Fiat 500 BEV​។ រូបថត AFP

FCA សម្រេចបាន​កិច្ចព្រមព្រៀង​ជាមួយ​សហជីព

ក្រុងញូវយ៉កៈ ក្រុមហ៊ុន Fiat Chrysler Automobiles (FCA) និង​សហជីព​កម្មករ (UAW) សម្រេចបាន​កិច្ចព្រមព្រៀង​ការងារ​បណ្តោះអាសន្ន​ដោយ​អំពាវនាវ​ឲ្យ​មាន​ការវិនិយោគ​ថ្មី​រាប់ពាន់​លាន​ដុល្លារ និង​ការងារ​ថ្មី​រាប់ពាន់នាក់​។ នេះ​បើ​យោងតាម​ការប្រកាស​របស់​សហជីព UAW កាលពី​ថ្ងៃ​សៅរ៍​។

ក្រុមហ៊ុន FCA គឺជា​ក្រុមហ៊ុន​ផលិត​រថយន្ត​ធំជាងគេ​ទី​ ៣ ដែលមាន​មូលដ្ឋាន​នៅ​ទីក្រុង Detroit ដែល​សម្រេចបាន​កិច្ចព្រមព្រៀង​ជាគោលការណ៍​ជាមួយ​សហជីព​កម្មករ​ដ៏មាន​ឥទ្ធិពល​មួយ​នេះ​។

ក្រុមហ៊ុន Ford និង​ក្រុមហ៊ុន General Motors ( GM) បានផ្ដល់​សច្ចាប័ន​រួចហើយ​លើ​កិច្ចព្រមព្រៀង​របស់​ពួកគេ​ជាមួយ​សហជីព​កម្មករ​នេះ ដែល​ក្នុងនោះ​មាន​តែ​ក្រុមហ៊ុន GM ទេ​បាន​ជួបប្រទះ ការធ្វើ​កូដកម្ម​រយៈពេល​ ៤០ ​ថ្ងៃ​ដែល​ធ្វើឲ្យ​ផលិតកម្ម​ជាប់គាំង​។

កិច្ចព្រមព្រៀង​ជាមួយ​ក្រុមហ៊ុន FCA ដែល​នៅតែ​តម្រូវ​ឲ្យ​មាន​ការផ្ដល់​សច្ចាប័ន​ដោយ​បុគ្គលិក​ធ្វើ​ឡើង​នៅក្នុង​ពេល​ដ៏ពិបាក​មួយ​សម្រាប់​សហជីព​កម្មករ​ពោល​គឺ​មន្ដ្រីជាន់ខ្ពស់​ ២ ​រូប​ដែល​រួមមាន​លោក​ប្រធាន Gary Jones បាន​បង្ខំចិត្ត​លាលែង​ពី​តំណែង​ក្នុង​ពេល​មានការ​ស៊ើបអង្កេត​អំពើពុករលួយ​ដែល​កំពុង​ដំណើរការ​។

ការចោទប្រកាន់​ពុករលួយ​ស្ថិត​នៅ​ចំកណ្ដាល​នៃ​បណ្ដឹង​សហព័ន្ធ ដែល​ក្រុមហ៊ុន GM បាន​ប្ដឹង​កាលពី​ដើមខែ​នេះ​ប្រឆាំង​នឹង​ក្រុមហ៊ុន Fiat Chrysler​។

បណ្ដឹង​នេះ​ចោទប្រកាន់​ថា ក្រុមហ៊ុន FCA បាន​សូកប៉ាន់​មន្ដ្រី​សហជីព​កម្មករ ដើម្បី​ទទួល​បាន​អត្ថប្រយោជន៍​មិន​ស្មើភាព​ក្នុង​ការចរចា​ការងារ និង​ដើម្បី​បង្ខំ​ក្រុមហ៊ុន​នេះ​យល់ព្រម​ច្របាច់​បញ្ចូល​គ្នា​។

ក្រុមហ៊ុន​ផលិត​រថយន្ត​របស់​ប្រទេស​ អ៊ីតាលី-អាមេរិក​ មួយ​នេះ ​ជា​បន្តបន្ទាប់​បាន​ចោទប្រកាន់​ក្រុមហ៊ុន GM ពី​បទ​ប៉ុនប៉ង​ធ្វើឲ្យ​ខកខាន​ដល់​ការច្របាច់​បញ្ចូល​គ្នា​ដែល​គ្រោងទុក​របស់ខ្លួន​ជាមួយ​ក្រុមហ៊ុន PSA ដែលជា​ក្រុមហ៊ុន​ផលិត​រថយន្ត​របស់​ប្រទេស​ បារាំង​។

ក្រុមហ៊ុន FCA និង​សហជីព​ UAW មិនបាន​ចេញផ្សាយ​ព័ត៌មាន​លម្អិត​ពេញលេញ​នៃ​កិច្ចព្រមព្រៀង​បណ្តោះអាសន្ន​របស់​ពួកគេ​នោះទេ ប៉ុន្តែ​សហជីព​កម្មករ​នេះ​បានចង្អុល​បង្ហាញ​ថា វា​បាន​ឆ្លុះបញ្ចាំង​ជាទូទៅ​នូវ​កិច្ចព្រមព្រៀង​ដែល​បាន​ចរចា​ជាមួយ​ក្រុមហ៊ុន​ផលិត​រថយន្ត GM និង​ក្រុមហ៊ុន Ford៕ LA

អត្ថបទគួរចាប់អារម្មណ៍

  • ភ្នំពេញៈ អង្គការ​មូលនិធិ​សកល​សម្រាប់​ធម្មជាតិ​ (WWF) និង​រដ្ឋបាល​ជលផល​ដែល​បាន​រកឃើញថា ត្រី​គល់រាំង ត្រី​ត្រសក់​ក្រហម ត្រី​ខ្លា ត្រី​ក្របី ត្រី​ត្រចៀកដំរី និង​បបែល​យក្ស​ទឹកសាប កំពុង​ត្រូវ​បាន​គេ​ដាក់លក់​នៅ​តាម​ទីផ្សារ​ត្រី​នានា ហើយ​ខ្លះ​បាន​នាំ​ចេញ​ទៅ​ក្រៅ​ប្រទេស​បាន​ទាមទារ​ឲ្យ​មាន​ការរឹតបន្តឹង​ច្បាប់​ឱ្យ​បាន​ម៉ឺងម៉ាត់​ជាង​ពេលណាៗ​ទាំងអស់ ដើម្បី​ការពារ​ត្រី​ជិត​ផុត​ពូជ​ទាំងនោះ​។

  • ភ្នំពេញៈ កំពង់ផែ​ស្វយ័ត​ក្រុងភ្នំពេញ (PPAP) ដែល​ចុះបញ្ជី​នៅ​ផ្សារ​មូលបត្រ​កម្ពុជា (CSX) បាន​រាយការណ៍​អំពី​ភាពប្រសើរ​ឡើង​នៃ​ប្រតិបត្តិការ​អាជីវកម្ម​របស់ខ្លួន​ក្នុង​ឆមាស​ទី​ ១ ឆ្នាំ​នេះ ទោះបី​ជំងឺ​កូវីដ​ ១៩ បាន​ធ្វើឲ្យ​ប៉ះពាល់​យ៉ាងខ្លាំង​ដល់​សេដ្ឋកិច្ច​នៅក្នុង​តំបន់ និង​ពិភពលោក​ក៏ដោយ​។

  • ភ្នំពេញៈ តុលាការ​កំពូល​កាលពី​ម្សិលមិញ​បាន​បើក​សវនាការ​ជម្រះក្ដី​កំបាំងមុខ​លើ​សំណុំរឿង​សុំ​នៅក្រៅ​ឃុំ​របស់​ជន​ត្រូវ​ចោទ​​ ១០ ​នាក់ ​ដែលជា​សមាជិក​អតីត​គណបក្ស​សង្គ្រោះជាតិ​ដែល​បាន​ជាប់ចោទ​ពី​បទ​រួមគំនិត​ក្បត់ និង​ញុះញង់​ឲ្យ​​ប្រព្រឹត្ត​បទឧក្រិដ្ឋ​ជាអាទិ៍​កាលពី​ចុង​ឆ្នាំ​ ២០១៩ ខណៈ​ដែល​ពួកគេ​កំពុង​នៅ​ក្រៅ​ឃុំ​។

  • ភ្នំពេញ: ក្រសួង​វប្បធម៌ និង​វិចិត្រសិល្បៈ​ពី​ម្សិលមិញ​បាន​កោះហៅ​ម្ចាស់​ផលិតកម្ម​មរតក​មេឌៀ​ (Morodok Media) ​ឲ្យ​ចូល​បំភ្លឺ​ជុំវិញ​ការផលិត​វីដេអូ​ចម្រៀង​មាន​ខ្លឹមសារ​ប្រមាថ​ពលរដ្ឋ​ខេត្តព្រៃវែង​តាម​ការស្នើសុំ​របស់​លោក ជា សុមេធី អភិបាលខេត្ត​ព្រៃវែង ប៉ុន្ដែ​អ្នកគ្រប់គ្រង​ផលិតកម្ម​នេះ​ថា វីដេអូ​នោះ​គ្រាន់តែ​ចង់​អប់រំ​កុំឲ្យ​រើសអើង​អ្នក​ព្រៃវែង​ប៉ុណ្ណោះ​។

  • ព្រះសីហនុៈ អភិបាល​ខេត្ត​ព្រះសីហនុ លោក គួច ចំរើន បាន​ព្រមាន​ចាត់វិធានការ​តឹងរ៉ឹង​ទៅ​តាម​ផ្លូវច្បាប់​ដោយ​គ្មាន​ការលើកលែង​ទៅលើ​ជន​ប្រព្រឹត្ត​បទល្មើស​កាប់បំផ្លាញ​ព្រៃ​កោងកាង​ដើម្បី​ទន្ទ្រាន​យក​ដី​រដ្ឋ​ធ្វើ​ជា​កម្មសិទ្ធិ​ឯកជន​ខុសច្បាប់​។

  • ត្បូងឃ្មុំ: អ្នកកាប់ជ្រូក​លក់​ចំនួន​ ៧៤ ​គ្រួសារ​នៅ​ផ្សារសួង ខេត្ត​ត្បូងឃ្មុំ​បាន​កំពុង​ទាមទារ​ដល់​អាជ្ញាធរខេត្ត​បញ្ឈប់​ការយក​ពន្ធ​លើ​អាជីវកម្ម​របស់​ពួកគេ​ច្រើន​ហួសហេតុ និង​ផ្ទុយ​ពី​​សេចក្ដី​ណែនាំ​របស់​ក្រសួង​សេដ្ឋកិច្ច និង​ហិរញ្ញវត្ថុ ប៉ុន្តែ​អាជ្ញាធរ​បាន​អះអាង​លើ​ហេតុផល​ផ្សេង​ក្នុង​ការប្រមូល​ពន្ធ​នេះ​។