The Phnom Penh Post Search

Search form




Logo of Phnom Penh Post newspaper Phnom Penh Post - FDI នៅ​ចិន​កើនឡើង​ជាង ៧ ​ភាគរយ​ ក្នុង​រយៈពេល ៧ ​ខែ

FDI នៅ​ចិន​កើនឡើង​ជាង ៧ ​ភាគរយ​ ក្នុង​រយៈពេល ៧ ​ខែ

Content image - Phnom Penh Post
ក្រសួង​ពាណិជ្ជកម្ម​ចិន​បានប្រកាស​ពីថ្ងៃ​អង្គារ​ថា ការវិនិយោគ​ផ្ទាល់​ពី​បរទេស (FDI) ទៅក្នុង​ប្រទេស​​ ចិនដីគោក​ ក្នុង​រយៈពេល ៧ ​ខែ​ដំបូង​ឆ្នាំនេះ បាន​កើនឡើង ៧,៣ ​ភាគរយ​។ AFP

FDI នៅ​ចិន​កើនឡើង​ជាង ៧ ​ភាគរយ​ ក្នុង​រយៈពេល ៧ ​ខែ

ក្រុងប៉េកាំងៈ ក្រសួង​ពាណិជ្ជកម្ម​ចិន​បានប្រកាស​ពីថ្ងៃ​អង្គារ​ថា ការវិនិយោគ​ផ្ទាល់​ពី​បរទេស (FDI) ទៅក្នុង​ប្រទេស​​ ចិនដីគោក​ ក្នុង​រយៈពេល ៧ ​ខែ​ដំបូង​ឆ្នាំនេះ បាន​កើនឡើង ៧,៣ ​ភាគរយ​ធៀប​នឹង​រយៈពេល​ដូចគ្នា​កាលពី​ឆ្នាំមុន​ដល់ ៥៣៣,១៤ ពាន់​លាន​យន់​។

បើ​គិត​ជា​ប្រាក់​ដុល្លារ លំហូរ​ចូល FDI បាន​កើនឡើង ៣,៦ ភាគរយ​ធៀប​នឹង​រយៈពេល​ដូចគ្នា​កាលពី​ឆ្នាំមុន ដល់ ៧៨,៨ ពាន់​លាន​ដុល្លារ​ក្នុងអំឡុង​ពេលនេះ​។ នេះ​បើ​យោងតាម​ក្រសួងពាណិជ្ជកម្ម​។

គ្រាន់តែ​ក្នុង​ខែកក្កដា FDI បាន​កើន ៨,៧ ​ភាគរយ ដល់ ៥៤,៨២ ​ពាន់​លាន​យន់​ធៀប​នឹង​ពេល​ដូចគ្នា​នៅ​ឆ្នាំមុន​។

ក្នុងអំឡុង​ពេល ៧ ខែ​កន្លងមក​ចំនួន​សរុប​នៃ​សហគ្រាស​បរទេស​ថ្មី​ចំនួន ២៤ ០៥០ ត្រូវ​បាន​ផ្ដល់​បង្កើតឡើង​។

ការវិនិយោគ​ក្នុង​ឧស្សាហកម្ម​បច្ចេកវិទ្យា​ខ្ពស់​បាន​កើនឡើង ៤៣,១ ភាគរយ​ធៀប​នឹង​រយៈពេល​ដូចគ្នា​កាលពី​ឆ្នាំ​មុន​ដល់ ២៩,៣ ភាគរយ​នៃ FDI សរុប ក្នុង​ចំណោម​នោះ​វិស័យ​សេវា​បច្ចេកវិទ្យា​ខ្ពស់​បាន​ទទួល​បាន ៩៧,៣៩ ​ពាន់​លាន​យន់ កើនឡើង ៦៣,២ ភាគរយ​។

តំបន់​ពាណិជ្ជកម្ម​សេរី​សាកល្បង​របស់​ប្រទេស​ចិន​បាន​មើលឃើញ​លំហូរ​ចូល FDI កើនឡើង ១៤,៦ ភាគរយ​ធៀប​នឹង​រយៈពេល​ដូចគ្នា​កាលពី​ឆ្នាំមុន ក្នុង​អំឡុងពេល ៧ ខែ​ដំបូង​នេះ​មាន​ចំនួន ១៤,២ ភាគរយ​នៃ FDI សរុប​។

តំបន់​ភាគ​ខាងលិច​ប្រទេស​ចិន​បាន​ចុះបញ្ជី​កំណើន FDI ខ្លាំង​បំផុត​ធៀប​នឹង​តំបន់​ផ្សេងទៀត​ដោយ​តួលេខ​កើន​ ២៥,២ ភាគរយ​ធៀប​នឹង​រយៈពេល​ដូចគ្នា​កាលពី​ឆ្នាំមុន​កើន​ដល់ ៣៩,៩៤ ពាន់​លាន​យន់​។

ការវិនិយោគ​បរទេស​មកពី​អាល្លឺម៉ង់ និង​កូរ៉េ​ខាងត្បូង​បាន​កើនឡើង​ខ្លាំង​ក្នុង​រយៈពេល ៧ ខែ​ដំបូង​ដោយ​អាល្លឺម៉ង់​កើន ៧២,៤ ភាគរយ និង​កូរ៉េ​កើន ៦៩,៧៕ P.Daily/LA

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។