The Phnom Penh Post Search

Search form




Logo of Phnom Penh Post newspaper Phnom Penh Post - GE និង EDC បាន​ចុះ​កិច្ច​ព្រម​ព្រៀង $១០ លាន

GE និង EDC បាន​ចុះ​កិច្ច​ព្រម​ព្រៀង $១០ លាន

GE និង EDC បាន​ចុះ​កិច្ច​ព្រម​ព្រៀង $១០ លាន

ភ្នំពេញៈ កាល​ពី​ម្សិល​មិញ General Electric (GE) និង​អគ្គិសនី​កម្ពុជា (EdC) បាន​ចុះ​ហត្ថលេខា​លើ​កិច្ច​ព្រម​ព្រៀង​ដើម្បី​ធ្វើ​ឲ្យ​ប្រសើរ​សម្រាប់​ថាមពល​អគ្គិសនី ដែល​មិន​អាច​ជឿ​ទុក​ចិត្ត​បាន​របស់​កម្ពុជា។

លោក William Todd ឯក​អគ្គ​រដ្ឋ​ទូត​អាមេរិក​ប្រចាំ​កម្ពុជា​បាន​ធ្វើ​សាក្សី​ក្នុង​ការ​ចុះ​ហត្ថលេខា​លើ​កិច្ច​ព្រម​ព្រៀង​មាន​ទឹក​ប្រាក់ ១០ លាន​ដុល្លារ​ដែល​មាន​រយៈ​ពេល ៥ ឆ្នាំ​នេះ។ លោក​ថ្លែង​ថា៖ «យើង​កំពុង​ត្រួត​ពិនិត្យ​មើល​កិច្ច​ព្រម​ព្រៀង​នេះ​នៅ​ថ្ងៃ​នេះ ដើម្បី​កែលម្អ​អគ្គិសនី​នៅ​កម្ពុជា ហើយ​ខ្ញុំ​គិត​ថា EdC សម​នឹង​ទទួល​បាន​ឥណទាន​ច្រើន​ទាក់​ទង​នឹង​បញ្ហា​នេះ»។

ក្នុង​កិច្ច​ព្រម​ព្រៀង​នេះ GE នឹង​ធ្វើ​ការ​សិក្សា​ពី​ថាមពល​អគិ្គសនី​បច្ចុប្បន្ន​របស់​កម្ពុជា ដែល​វិភាគ​ពី​ដំណើរការ និង​បញ្ហា។ ការ​សិក្សា​នេះ​ត្រូវ​បាន​រំពឹង​ថា នឹង​ត្រូវ​ការ​រយៈ​ពេល ៨ ខែ​ដើម្បី​បញ្ចប់។ GE នឹង​ផ្ដល់​សេវា​ថែទាំ​កម្មវិធី​កុំព្យូទ័រ​បន្ថែម​ដល់ EdC ក្នុង​រយៈ​ពេល ៥ ឆ្នាំ​នេះ។

លោក Ravi Segal នាយក​ផ្នែក​គ្រប់​គ្រង​របស់ GE ទទួល​បន្ទុក​នៅ​តំបន់ បាន​ថ្លែង​ថា ក្រុម​ហ៊ុន​អាមេរិក​នឹង​បញ្ជូន​អ្នក​ជំនាញ​ដើម្បី​បណ្ដុះ​បណ្ដាល​ដល់​បុគ្គលិក EdC។

លោក កែវ រតនៈ អគ្គ​នាយក EDC ទទួល​ស្គាល់​ថា ក្រុម​ហ៊ុន​ផ្ដល់​អគ្គិសនី​ថ្នាក់​ជាតិ​បាន​ប្រឈម​នឹង​បញ្ហា​ក្នុង​ការ​ផ្គត់​ផ្គង់ និង​ភាព​ទុក​ចិត្ត​លើ​ថាមពល​អគ្គិសនី៖ «បញ្ហា​សម្រាប់​យើង​គឺ​ស្ថិរភាព និង​ទំនុក​ចិត្ត​របស់​ថាមពល​អគ្គិសនី។ ខ្ញុំ​ដឹង​ថា មាន​បញ្ហា​ប្រឈម​ជាច្រើន​ពិសេស​អំពី​របៀប​កាត់​បន្ថយ​គម្លាត​តម្លៃ​នៅ​តំបន់​ជនបទ»៕

អត្ថបទគួរចាប់អារម្មណ៍