ភ្នំពេញៈ ក្រុមហ៊ុនរោងចក្រកាត់ដេរវិនិយោគដោយតៃវ៉ាន់ Grand Twins International (GTI) ប្រកាសកាលពីម្សិលមិញថាខ្លួនសម្រេចចិត្តទទួលកម្ចីរយៈពេលខ្លីប្រមាណ ៤,២ លានដុល្លារពីគ្រឹះស្ថានហិរញ្ញវត្ថុប្រហែល ៥,៩ ភាគរយនៃមូលនិធិភាគទុនិកក្នុងគោលបំណងទិញវត្ថុធាតុដើម និងចំណាយលើតម្លៃប្រតិបត្តិការរបស់ក្រុមហ៊ុននេះ។
នេះបើតាមក្រុមហ៊ុនបានឲ្យដឹងក្នុងឯកសារផ្ញើទៅផ្សារមូលបត្រកម្ពុជាកាលពីម្សិលមិញ។
ក្រុមហ៊ុនបានពន្យល់ថាការពង្រីកកម្ចីនឹងមិនផ្ដល់ផលប៉ះពាល់ដល់ប្រតិបត្តិការរបស់ក្រុមហ៊ុននោះទេ។
ចំណូលរបស់ GTI ឆមាសទី ១ ទទួលបាន ៤២,៣ លានដុល្លារជាមួយប្រាក់ចំណេញសុទ្ធ ១,២ លានធ្លាក់ចុះជិត ២,៤ លានដុល្លារធៀបរយៈពេល ៦ ខែ ឆ្នាំ ២០១៦៕
