.jpg)
ម៉ាស៊ីនវីដេអូហ្គេម Xbox Series X ថ្មី ដែល Microsoft ដាក់បង្ហាញនាពេលថ្មីៗនេះ។ រូប AFP
ក្រុងឡូសអេនជឺលេសៈ ក្រុមហ៊ុន Microsoft បានដាក់បង្ហាញម៉ាស៊ីនវីដេអូហ្គេម Xbox Series X ថ្មីរបស់ខ្លួនកាលពីចុងសប្តាហ៍មុន ខណៈដែលក្រុមហ៊ុននេះចង់គេចផុតពីការគំរាមកំហែងពីការប្រកួតប្រជែងនានា រួមទាំងពីការលេងវីដេអូហ្គេមប្រភេទ streaming និងម៉ាស៊ីនវីដេអូហ្គេមរបស់ក្រុមហ៊ុន Sony ជាក្រុមហ៊ុនដៃគូប្រកួតប្រជែងផងដែរ។
ក្រុមហ៊ុនរបស់អាមេរិកមួយនេះកាលពីខែមិថុនាបានលើកឡើងពីសមត្ថភាពល្អនៃបច្ចេកវិទ្យាម៉ាស៊ីនវីដេអូហ្គេមជំនាន់ក្រោយរបស់ខ្លួន នៅពេលក្រុមហ៊ុននេះប្រកាសគម្រោងម៉ាស៊ីនវីដេអូហ្គេម «Project Scarlett » ដោយលើកឡើងថា ម៉ាស៊ីនវីដេអូហ្គេមថ្មីនេះនឹងមានថាមពលខ្លាំងជាង ៤ ដងធៀបនឹងម៉ាស៊ីនវីដេអូហ្គេម Xbox One X បច្ចុប្បន្ន។
ក្នុងការធ្វើបទបង្ហាញកាលពីល្ងាចថ្ងៃព្រហស្បតិ៍នៅក្នុងកម្មវិធីពានរង្វាន់ The Game Awards 2019 ក្រុមហ៊ុនបានបង្ហាញម៉ាស៊ីនវីដេអូហ្គេមថ្មីដែលមានរាងដូចប៉ម ហើយក៏បានបង្ហាញឧបករណ៍ចុងគ្រប់គ្រងលេងហ្គេម (controller) ឥតខ្សែថ្មីមួយផងដែរ។
ក្រុមហ៊ុន Microsoft បានឲ្យដឹងថា មុខងារចាស់ៗនឹងនៅតែត្រូវគ្នាជាមួយនឹងម៉ាស៊ីនវីដេអូហ្គេម Series X ខណៈដែលនឹងមានបទពិសោធលេងហ្គេមថ្មីៗ ដែលគួរឲ្យភ្ញាក់ផ្អើល។
ម៉ាស៊ីនវីដេអូហ្គេមថ្មីនេះមិនទាន់បានកំណត់តម្លៃនៅឡើយទេ ប៉ុន្តែកាលបរិច្ឆេទចេញលក់ត្រូវបានបញ្ជាក់ថានឹងធ្វើឡើងសម្រាប់រដូវថ្ងៃបុណ្យណូអែលឆ្នាំក្រោយ ជាពេលដែលម៉ាស៊ីនវីដេអូហ្គេម PlayStation 5 របស់ក្រុមហ៊ុន Sony។
ម៉ាស៊ីនវីដេអូហ្គេម PlayStation 4 របស់ក្រុមហ៊ុន Sony បច្ចុប្បន្នបានលក់ដាច់ ជាងម៉ាស៊ីនវីដេអូហ្គេម Xbox ច្រើនជាង ២ ប៉ុន្តែជាមួយម៉ាស៊ីនវីដេអូហ្គេមថ្មីនេះ Microsoft នឹងសង្ឃឹមថានឹងប្រកួតប្រជែងជាមួយក្រុមហ៊ុន Sony បាន៕ LA
