The Phnom Penh Post Search

Search form




Logo of Phnom Penh Post newspaper Phnom Penh Post - MoU ជំរុញ​ផលិតកម្ម​បន្លែ​សុវត្ថិភាព​តាម​ស្តង់ដា​កសិកម្ម​ល្អ​ (GAP)

MoU ជំរុញ​ផលិតកម្ម​បន្លែ​សុវត្ថិភាព​តាម​ស្តង់ដា​កសិកម្ម​ល្អ​ (GAP)

Content image - Phnom Penh Post
ពីធីចុះ MoU ជំរុញ​ផលិតកម្ម​បន្លែ​សុវត្ថិភាព​តាម​ស្តង់ដា​កសិកម្ម​ល្អ​ (GAP)។ រូបថត ក្រសួងកសិកម្ម

MoU ជំរុញ​ផលិតកម្ម​បន្លែ​សុវត្ថិភាព​តាម​ស្តង់ដា​កសិកម្ម​ល្អ​ (GAP)

ភ្នំពេញ: ក្រសួងកសិកម្ម រុក្ខប្រមាញ់ និង​នេសាទ​នៅ​ថ្ងៃទី​ ១៥ ​ខែតុលា​នេះ​បាន​ចុះ​អនុស្សរណៈ​យោគយល់​គ្នា​ (MoU) ​ជាមួយ​ក្រុមហ៊ុន​សមាគម​ឯកជន​នានា​យ៉ាងហោច​ណាស់​ ៦ ​លើ​ការអភិវឌ្ឍ​មជ្ឈមណ្ឌល​បន្លែ​សុវត្ថិភាព​គំរូ​ និង​ជំរុញ​ខ្សែចង្វាក់​តម្លៃ​បន្លែ​សុវត្ថិភាព​តាម​ស្តង់ដា​ការអនុវត្ត​កសិកម្ម​ល្អ​ (GAP) ​ដើម្បី​បំពេញ​តម្រូវការ​បន្លែ​ក្នុងស្រុក​ និង​ឆ្ពោះ​ទៅ​នាំចេញ​។

ការចុះ​អនុស្សរណៈ​នោះ​ត្រូវ​បាន​ធ្វើ​ឡើង​រវាង​រដ្ឋ​ និង​ក្រុមហ៊ុន​ឯកជន ព្រមទាំង​ក្រុមហ៊ុន​ឯកជន​ជាមួយ​បណ្តា​សមាគម​ផ្សេងៗ​ដែល​ប្រើប្រាស់​បន្លែ ដូចជា សមាគម​ចុងភៅ​កម្ពុជា សមាគម​ភោជនីយដ្ឋាន​កម្ពុជា សហព័ន្ធ​ទេសចរណ៍​កម្ពុជា សមាគម​សណ្ឋាគារ​កម្ពុជា ព្រមទាំង​ក្រុមហ៊ុន​ភូមិ​កសិករ​ធម្មជាតិ​ដែល​ជា​ក្រុមហ៊ុន​ចែក​បន្លែ​សុវត្ថិភាព ក្រុមហ៊ុន Tropicam Irrigation Solutions Co. ដែលជា​ក្រុមហ៊ុន​ផ្គត់ផ្គង់​សម្ភារ​កសិកម្ម​ទំនើប និង តំណាង​កសិករ​គំរូ​មកពី​បណ្តា​ខេត្ត​មួយចំនួន​ផងដែរ​។

លោក ងិន ឆាយ អគ្គនាយក​នៃ​អគ្គនាយកដ្ឋាន​កសិកម្ម​បាន​ថ្លែង​ក្នុង​ពិធី​ចុះ MoU កាលពី​ថ្ងៃ​ពុធ​ថា​នេះ​ជា​សមិទ្ធផល​ថ្មី​មួយទៀត​ដែលជា​កិច្ច​ខំប្រឹងប្រែង​របស់​អគ្គនាយកដ្ឋាន​កសិកម្ម​ក្នុង​ការឆ្លើយតប​ទៅនឹង​គោលនយោបាយ​កសិកម្ម​របស់​រដ្ឋាភិបាល​ពាក់ព័ន្ធ​នឹង​ការធ្វើ​ទំនើបកម្ម​កសិកម្ម​ និង​ការពង្រឹង​ខ្សែចង្វាក់​តម្លៃ​ដំណាំ​បន្លែ​របស់​កម្ពុជា​។

លោក​ថ្លែងថា​៖ «​ការវិនិយោគ​ពី​វិស័យ​ឯកជន​ជា​កម្លាំងចលករ​មួយ​យ៉ាងសំខាន់​ក្នុង​ការចូលរួម​ជាមួយ​រដ្ឋាភិបាល​ក្នុង​ការលើកកម្ពស់​គុណភាព និង​សុវត្ថិភាព​បន្លែ ព្រមទាំង​ការធ្វើ​ទំនើបកម្ម​កសិកម្ម​»​។

លោក ហ៊ុន ឡាក់ អគ្គនាយក​ក្រុមហ៊ុន Tropicam Fruit and Vegetable Co., Ltd បាន​ថ្លែង​ក្នុង​ពិធី​នេះ​ថា ក្រុមហ៊ុន​បាន​សហការ​ជាមួយ​អគ្គនាយកដ្ឋាន​កសិកម្ម​ក្នុង​ការអភិវឌ្ឍ​មជ្ឈមណ្ឌល​បន្លែ​សុវត្ថិភាព​នៅក្នុង​ស្ថានីយ​ពិសោធន៍​កសិកម្ម​បន្ទាយដែក​ស្ថិត​នៅ​តាម​បណ្តោយ​ផ្លូវជាតិ​លេខ​ ១ ​លើ​ផ្ទៃដី​ចំនួន​ ៦ ហិកតា​។

លោក​ជឿថា​មជ្ឈមណ្ឌល​នេះ​នឹង​ជួយ​ជំរុញ​ផលិតកម្ម​បន្លែ ស្លឹក ផ្លែឈើ មើម ប្រកបដោយ​សុវត្ថិភាព​តាម​ស្តង់ដា GAP ​ព្រមទាំង​គាំទ្រ​ដល់​ការប្រើប្រាស់​បច្ចេកវិទ្យា​កសិកម្ម​ទំនើប​បម្រើ​ឱ្យ​វិស័យ​បន្លែ​សុវត្ថិភាព​។

លោក​ថ្លែងថា​៖ «​ពិធី​ចុះហត្ថលេខា​នេះ​មាន​សារៈសំខាន់​ណាស់​ក្នុង​ការលើកកម្ពស់​ការផ្សព្វផ្សាយ​ដល់​ភាគី​ពាក់ព័ន្ធ​នានា​ក្នុង​វិស័យ​បន្លែ​មក​ផ្តោត​ជា​សំខាន់​ការផលិត​បន្លែ​សុវត្ថិភាព​ដែល​មាន​ស្តង់ដា​ត្រឹមត្រូវ​រហូត​ដល់​មាន​ការបញ្ជាក់​ទទួល​ស្គាល់​ពី​ស្ថាប័ន​សាធារណៈ​»៕ LA

អត្ថបទគួរចាប់អារម្មណ៍

  • ភ្នំពេញៈ ប្រទេស​ កាតា បាន​ចុះ​អនុស្សរណៈ​ជាមួយ​ក្រសួង​អប់រំ យុវជន និង​កីឡា​លើ​គម្រោង​អភិវឌ្ឍន៍​ដើម្បី​កុមារ​ដំណាក់កាល​ទី​២ ដោយ​ផ្ដល់​មូលនិធិ​ជា​ថវិកា​ជាង​ ១៣ ​លាន​ដុល្លារ​អាមេរិក ដើម្បី​រួមចំណែក​ពង្រឹង​វិស័យ​អប់រំ​កម្ពុជា​ដោយ​ផ្ដោតលើ​កុមារ​ងាយ​រងគ្រោះ​ក្នុង​ការសិក្សា​នៅ​កម្រិត​បឋមសិក្សា ស្របតាម​គោលដៅ​អភិវឌ្ឍន៍​ប្រកប​ដោយ​ចីរភាព​ឆ្នាំ​ ២០៣០​។

  • ភ្នំពេញៈ ក្រុមហ៊ុន Asiatic Group (Holdings) Ltd ដែលមាន​មូលដ្ឋាន​នៅ​ប្រទេស​សិង្ហបុរី​កំពុង​ស្វែងរក​ការទាមទារ​ទឹកប្រាក់​ចំនួន​ ១៤,៤ ​លាន​ដុល្លារ​ ពី​ក្រុមហ៊ុនតំបន់​សេដ្ឋកិច្ច​ពិសេស​ភ្នំពេញ (PPSP) ​ដែល​ចុះបញ្ជី​នៅ​ក្រុមហ៊ុន​ផ្សារមូលបត្រ​កម្ពុជា (CSX) ចំពោះ​ការចោទប្រកាន់​ដែល​ថា​បាន​រំលោភ​លើ​កិច្ចព្រមព្រៀង​វិនិយោគ​រួម (JV) នៃ​រោងចក្រ​ថាមពល​មួយ​។

  • ភ្នំពេញៈ មន្ត្រី​នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ​បាន​អះអាង​ថា កម្ពុជា និង​សិង្ហបុរី​បាន​ប្តេជ្ញា​បន្ត​កិច្ចសហការ​គ្នា​ឱ្យ​កាន់តែ​រឹងមាំ​ថែមទៀត ក្នុង​ការពង្រីក​លើ​វិស័យ​ការងារ និង​បណ្តុះបណ្តាល​ធនធាន​មនុស្ស​របស់​កម្ពុជា​ជាពិសេស​នៅក្នុង​បរិបទ​នៃ​ជំងឺ​​កូវីដ ​១៩​។

  • ភ្នំពេញ៖ ត្រឹមតែ​រយៈពេល ​១០ ​ខែ​ ភោជនីយដ្ឋាន ​Uncle Fu បាន​ធ្វើ​ឱ្យ​ភ្ញៀវ​​ចម្រុះ​ជាតិ​សាសន៍​ជាប់​ចិត្ត​នឹង​រសជាតិ​​ម្ហូប​ម៉ាឡេស៊ី​ និង​សិង្ហបុរី​។

  • កំពតៈ រោងចក្រ​ផលិត​ឥដ្ឋ​ដ៏ធំ​មួយ​ក្នុង​ខេត្តកំពត ដែល​មាន​ទុនវិនិយោគ ៩ ​លាន​ដុល្លារ​ជា​ការវិនិយោគ​រួមគ្នា​រវាង​វិនិយោគិន​ក្នុងស្រុក និង​វិនិយោគិន​មកពី​ប្រទេស​ចិន​បាន​សម្ពោធ​បើក​ដំណើរការ​ជា​ផ្លូវការ​ហើយ​កាលពី​ថ្ងៃអាទិត្យ ដោយ​អាចមាន​សមត្ថភាព​ផលិត​ឥដ្ឋ​បាន​ប្រមាណ ៨០ ​ម៉ឺន​ដុំ​ក្នុង​ ១ ​ថ្ងៃ​។

  • ភ្នំពេញៈ អគ្គស្នងការរង​នគរបាល​ជាតិ លោក ស ថេត ជំរុញ​ឱ្យ កងកម្លាំង​ប្រដាប់អាវុធ និង​មន្ត្រីរាជការ​ត្រូវ​ធ្វើជា​គំរូ​ដ៏ល្អ​សម្រាប់​ប្រជាពលរដ្ឋ​ទូទៅ​ក្នុង​ការគោរព​ច្បាប់​ចរាចរណ៍​នៅលើ​ដងផ្លូវ ដោយ​លោក​ប្រាប់​ឱ្យ​មន្ត្រី​នគរបាល​ចរាចរណ៍​កុំ​ភ័យខ្លាច​ក្នុង​ការអនុវត្ត​ច្បាប់​លើ​មន្ត្រី​ជាន់ខ្ពស់​ណា​ដែល​ប្រព្រឹត្ត​ខុស ខណៈ​ការបើកបរ​ល្មើសច្បាប់​នៅតែ​ជា​បញ្ហា​សម្រាប់​កម្ពុជា​។