The Phnom Penh Post Search

Search form




Logo of Phnom Penh Post newspaper Phnom Penh Post - PTT​ បន្ត​ផ្គត់ផ្គង់​ប្រេង​យន្តហោះ​នៅ​កម្ពុជា

PTT​ បន្ត​ផ្គត់ផ្គង់​ប្រេង​យន្តហោះ​នៅ​កម្ពុជា

PTT​ បន្ត​ផ្គត់ផ្គង់​ប្រេង​យន្តហោះ​នៅ​កម្ពុជា

131101_11
ស្ត្រីម្នាក់ជិះម៉ូតូក្បែរស្ថានីយប្រេងរបស់ក្រុមហ៊ុន PTT មួយកន្លែងនៅរាជធានីភ្នំពេញ

ភ្នំពេញៈ ក្រុមហ៊ុន​ PTT Plc ដែល​ជា​ក្រុមហ៊ុន​ប្រេង​ និង​ឧស្ម័ន​ធំ​ជាង​គេ​របស់​ថៃ​បាន​បន្ត​កិច្ចព្រមព្រៀង​ជាមួយ​ក្រុមហ៊ុន Societe Concessionaire de l'Aeroport (SCA) ​ជា​ក្រុមហ៊ុន​បារាំង​ដែល​ទទួល​បាន​សម្បទាន​ជាមួយ​រដ្ឋាភិបាល​កម្ពុជា​ដើម្បី​ផ្ដល់​សេវា​ប្រេងសាំង​យន្តហោះ​សម្រាប់​រយៈពេល​៥​ឆ្នាំ​ទៀត​នៅ​ព្រលាន​យន្តហោះ​ភ្នំពេញ​ និង​សៀមរាប​។

លោក Auttapol Rerkpiboon អនុប្រធាន​ប្រតិបត្តិ​ជាន់​ខ្ពស់​បាន​និយាយថា​ ក្រុមហ៊ុន PTT នឹង​ផ្ដល់​សេវា​ប្រេង​យន្តហោះ​នៅ​ព្រលាន​យន្ត​ទាំង​ពីរ​រហូត​ដល់​ ឆ្នាំ​២០១៨ ដែល​ជា​ផ្នែក​មួយ​នៃ​ផែនការ​របស់​ក្រុមហ៊ុន​ក្នុង​ការ​ពង្រីក​ពាណិជ្ជកម្ម​ប្រេង ​និង​ឧស្ម័ន​របស់​ខ្លួន​ទូទាំង​តំបន់​អាស៊ី​អាគ្នេយ៍​។​នេះ​បើ​តាម​កាសែត​បាងកក​ប៉ុស្តិ៍។

លោក​បន្ត​ថា​ PTT បាន​ធ្វើ​បច្ចុប្បន្ន​ភាព​ផែនការ​វិនិយោគ​របស់​ខ្លួន​សម្រាប់​ពាណិជ្ជកម្ម​ប្រេង​ក្នុង​តំបន់​ដែល​ពី​មុន​មាន​តម្លៃ​ ២,៤៥​ពាន់​លាន​បាត​សម្រាប់​ការ​ពង្រីក​ចាប់​ពី ២០១៤ ​ដល់​២០១៧។

​ផែនការ​បច្ចុប្បន្ន​ត្រូវ​ការ​ប្រាក់​ចំនួន​ ២,៨៥​ពាន់​លាន​​បាត​ក្នុង​ ការ​ធ្វើ​បច្ចុប្បន្ន​ភាព និង​ការ​បង្កើត​ស្ថានីយ​ចាក់​សាំង​ថ្មី​នៅ​កម្ពុជា​ ឡាវ និង​ហ្វីលីពីន​។​លោក​លើក​ឡើង​ថា​៖ «​តម្រូវការ​ប្រេងសាំង​នៅ​កម្ពុជា​បាន​កើនឡើង​យ៉ាង​រហ័ស​ ដោយសារ​តែ​ការ​កើន​ឡើង​វិស័យ​ទេសចរណ៍​ និង​ការ​វិនិយោគ​នៅក្នុង​ឧស្សាហកម្ម​ធុន​ស្រាល​ជាច្រើន​»។

លោក​ ប៊ិន ម៉ៃមាលា អនុ​ប្រធាន​គ្រប់គ្រង​ក្រុមហ៊ុន PTT (Cambodia) បាន​អះអាង​ពី​កិច្ចព្រមព្រៀង​នេះ​ថា​៖ ​«​យើង​បាន​បន្ត​កិច្ចព្រមព្រៀង​ថ្មី​ចំនួន​៥​ជាមួយ​ក្រុមហ៊ុន SCA ដែល​ទទួល​បាន​សម្បទាន​ពី​រដ្ឋាភិបាល​រយៈពេល​៥​ឆ្នាំ​ទៀត​ ដើម្បី​ផ្គត់ផ្គង់​ប្រេង​យន្តហោះ​ដល់​ព្រលាន​យន្តហោះ​ទាំង​ពីរ​នៅ​សៀមរាប​ និង​ភ្នំពេញ​»។ លោក​បន្ថែម​ថា​៖​ «​កិច្ចព្រមព្រៀង​នេះ​ត្រូវ​បាន​ធ្វើ​រួច​ស្រេច​ហើយ​ចាប់​តាំង​ពី​ដើម​ឆ្នាំ​នេះ​»។​ លោក​បន្ត​ថា​៖ «​ជា​ធម្មតា​យើង​បន្ត​កិច្ចព្រមព្រៀង​ថ្មី​ជា​រៀងរាល់​៥ឆ្នាំ​ ហើយ​កិច្ច​ព្រម​ព្រៀង​របស់​យើង​មិន​ធ្វើ​ជាមួយ​រដ្ឋាភិបាល​នោះ​ទេ​ យើង​ធ្វើ​តែ​ជាមួយ​ក្រុមហ៊ុន SCA ប៉ុណ្ណោះ​»​។ ​លោក​និយាយ​ថា​ ក្រុមហ៊ុន​នេះ​កំពុង​ធ្វើ​ការងារ​ជា​ដៃគូ​ពាណិជ្ជកម្ម​ជាមួយ​ក្រុមហ៊ុន SCA រយៈពេល​៥ឆ្នាំ​ ប៉ុន្តែ​លោក​បាន​បដិសេធ​មិន​ប្រាប់​ពី​ទំហំ​នៃ​ការ​ផ្គត់ផ្គង់​នេះ​ទេ​។

ទិន្នន័យ​ពី​ព្រលាន​យន្តហោះ​កម្ពុជា​បង្ហាញ​ថា​ភ្ញៀវទេសចរ​មក​សរុប​តាមរយៈ​ព្រលាន​យន្តហោះ​អន្តរជាតិ​ភ្នំពេញ​បាន​កើន​ឡើង​ ១៥,​២៧​ភាគរយ​មាន​ចំនួន​ ៨២៩ ០៣៩​ នាក់​នៅក្នុង​រយៈពេល​៩ខែ​ដំបូង​ធៀប​នឹង​ចំនួន​ ៧១៩ ២០៧​ នៅ​ក្នុង​រយៈពេល​ដូច​គ្នា​កាលពី​ឆ្នាំ​មុន​ ខណៈ​ព្រលាន​យន្តហោះ​អន្តរជាតិ​សៀមរាប​បាន​កើន​ឡើង​ ២៤,២៤​ភាគរយ ​កើន​ឡើង​ពី​ ៧៦០ ៣៤៣​នាក់​ ដល់​ ៩៤៤ ៦៦០​នាក់​។

​ក្រុមហ៊ុន PTT រំពឹងថា​ទំហំ​នៃ​ការ​លក់​ប្រេងសាំង​នៅ​ប្រទេស​ទាំង​នេះ​នឹង​កើនឡើង​ត្រឹម​១០​ភាគរយ​ដល់​២,២​ពាន់​លាន​លីត្រ​ត្រឹម​ឆ្នាំ​២០១៨​ ធៀប​នឹង​២​

អត្ថបទគួរចាប់អារម្មណ៍