The Phnom Penh Post Search

Search form




Logo of Phnom Penh Post newspaper Phnom Penh Post - UE នឹង​ផ្តល់​មូលនិធិ​ $​៥០០ ​លាន​ដល់​កម្ពុជា

UE នឹង​ផ្តល់​មូលនិធិ​ $​៥០០ ​លាន​ដល់​កម្ពុជា

UE នឹង​ផ្តល់​មូលនិធិ​ $​៥០០ ​លាន​ដល់​កម្ពុជា

ភ្នំពេញៈ សហភាព​អឺរ៉ុប​បាន​ប្រកាស​កាលពី​ថ្ងៃ​ចន្ទ​ថា ខ្លួន​នឹង​ផ្ដល់​ទឹកប្រាក់ ​៤១០ ​លាន​អឺរ៉ូ​ (​៥០០ ​លាន​ដុល្លារ​អាមេរិក)​ ដល់​កម្ពុជា​សម្រាប់​មូលនិធិ​ឆ្នាំ ​២០១៤ និង ឆ្នាំ​២០២០​។

សេចក្ដី​ប្រកាស​ព័ត៌មាន​ចេញ​ដោយ​គណៈកម្មាធិការ​អឺរ៉ុប​បាន​ឲ្យ​ដឹង​ថា មូលនិធិ​នេះ​នឹង​ជួយ​បង្កើន​វិស័យ​កសិកម្ម វិស័យ​អប់រំ​ការ​កែទម្រង់​អភិបាលកិច្ច និង​រដ្ឋបាល​។

លោកស្រី Federica Mogherini ប្រធាន​គោលនយោបាយ​ក្រៅ​ប្រទេស​របស់​សហភាព​អឺរ៉ុប​បាន​ឲ្យ​ដឹង​នៅក្នុង​សេចក្ដី​ប្រកាស​ព័ត៌មាន​ថា​៖ «​ប្រទេស​កម្ពុជា​សម្រេច​បាន​ការ​រីកចម្រើន​សេដ្ឋកិច្ច​សង្គម​យ៉ាង​ល្អ​ក្នុង​រយៈពេល​១០​ឆ្នាំ​កន្លងមក​»​។

អាស្រ័យ​ហេតុនេះ​សហភាព​អឺរ៉ុប បាន​សម្រេចចិត្ត​បង្កើន​ការ​គាំទ្រ​ដល់​ប្រទេស​កម្ពុជា​ដើម្បី​ជួយ​ដល់​មហិច្ឆតា​របស់​ប្រទេស​នេះ​ដើម្បី​កាត់បន្ថយ​ភាព​ក្រីក្រ​បន្ថែម​ទៀត ដើម្បី​លើក​កម្ពស់​កំណើន​ប្រកប​ដោយ​សមធម៌ និង​ស្ថិរភាព ហើយ​ដើម្បី​លើក​កម្ពស់​អភិបាលកិច្ច​ល្អ លទ្ធិប្រជាធិបតេយ្យ និង​នីតិរដ្ឋ​។

លោកស្រី​ថ្លែង​ថា ក្នុង​ពេល​ថ្មីៗ​នេះ​កម្ពុជា​បាន​ធ្វើឲ្យ​មាន​ការ​រីកចម្រើន​នៅក្នុង​គ្រប់វិស័យ និង​សង្ឃឹម​ថា ការ​គាំទ្រ​របស់​សហភាព​អឺរ៉ុប​នឹង «​រួម​ចំណែក​បន្ថែម​ទៀត​ដល់​កំណើន​សេដ្ឋកិច្ច​រួម​នឹង​មាន​ស្ថិរភាព និង​ពង្រឹង​ដំណើរការ​លទ្ធិប្រជាធិបតេយ្យ»​។

លោក Neven Mimica ស្នងការ​សម្រាប់​កិច្ចសហប្រតិបត្តិការ និង​ការ​អភិវឌ្ឍ​អន្តរជាតិ​បាន​ថ្លែង​ថា មូលនិធិ​នេះ​នឹង​បន្ត​គាំទ្រ​ដល់​កិច្ចខិតខំ​ប្រឹងប្រែង​កាត់បន្ថយ​ភាពក្រីក្រ​ដោយ​ជោគជ័យ​របស់​កម្ពុជា​៕PB

អត្ថបទគួរចាប់អារម្មណ៍