.jpg)
អ្នកស្រី Chan (រូបទី ២ រាប់ពីឆ្វេង) បង្ហាញពានរង្វាន់ដែលទើបឈ្នះនៅក្នុងទីក្រុងបាងកកកាលពីពេលថ្មីៗ។ ហេង ជីវ័ន
កំណត់នូវសមិទ្ធផល និងស្តង់ដាថ្មីនៅកម្ពុជា
វាគឺជាឆ្នាំដ៏រំភើបសម្រាប់ក្រុមហ៊ុន Urban Hub (ខេមបូឌា) ខូអិលធីឌី ជាក្រុមហ៊ុនអភិវឌ្ឍន៍ខុនដូដែលទទួលបានសមិទ្ធផលដ៏អស្ទារ្យ ខណៈជិតបញ្ចប់ឆ្នាំ ២០១៩ នេះ។
ក្រមហ៊ុនទទួលបានពានរង្វាន់ជាច្រើនទាំងនៅក្នុងប្រទេស និងក្រៅប្រទេស សម្រាប់គម្រោងអភិវឌ្ឍន៍ខុនដូ ប្រណីត និងមានតម្លៃសមរម្យ និងការរួមបញ្ចូលភាពច្នៃប្រឌិតខ្ពស់ដល់គម្រោងរបស់ខ្លួន។
ក្រុមហ៊ុនអភិវឌ្ឍន៍ខុនដូនេះទទួលបានពានរង្វាន់ចំនួន ៦ នៅក្នុងឆ្នាំនេះសម្រាប់គម្រោងខុនដូ Urban Village ដែលមានទីតាំងស្ថិតនៅក្នុងរាជធានីភ្នំពេញ។
Urban Village បានឈ្នះពានរង្វាន់ «ក្រុមហ៊ុនអភិវឌ្ឍន៍ខុនដូល្អបំផុត» នៅក្នុងកម្មវិធីប្រគល់ពានរង្វាន់អចលនទ្រព្យ Property Guru Asia Property Awards កាលពីថ្ងៃទី ២៨ ខែវិច្ឆិកានៅក្នុងទីក្រុងបាងកក។
«ជាការពិតណាស់ វាជាការទទួលស្គាល់ក្រុមហ៊ុនរបស់យើង។ យើងគឺជាក្រុមហ៊ុនអភិវឌ្ឍន៍ដំបូងគេនៅកម្ពុជាដែលបានឈ្នះពានរង្វាន់នេះ។ មានអ្នកចូលរួមប្រកួតប្រជែងជាច្រើនហើយភាគច្រើនគឺជាក្រុមហ៊ុនអភិវឌ្ឍន៍ធំៗ»។
នាយកប្រតិបត្តិក្រុមហ៊ុន Urban Hub លោកស្រី Catherine Chan មានប្រសាសន៍ថា៖ «ពានរង្វាន់នេះត្រូវបានត្រួតពិនិត្យដោយ BDO ដែលជាក្រុមហ៊ុនសវនកម្មអន្តរជាតិដ៏ល្បីល្បាញ។ វាជាវេទិកាដែលមានភាពសុក្រឹត និងត្រូវមានការទទួលស្គាល់។ ប្រាកដណាស់អតិថិជនរបស់យើងនឹងកាន់តែមានទំនុកចិត្តលើគម្រោងរបស់យើង ពីព្រោះគម្រោងយើងមានការទទួលស្គាល់ពីអន្តរជាតិ»។
កាលពីដើមខែឧសភាក្នុងឆ្នាំនេះ Urban Village បានទទួលពានរង្វាន់ចំនួន ៥ ផ្សេងៗគ្នានៅក្នុងកម្មវិធីប្រគល់ពានរង្វាន់អចលនទ្រព្យ Property Guru Cambodia Property Awards ប្រចាំឆ្នាំលើកទី ៤ ក្នុងនោះមានពានរង្វាន់ក្រុមហ៊ុនអភិវឌ្ឍន៍ខុនដូល្អបំផុត (ខេមបូឌា) ពានរង្វាន់ក្រុមហ៊ុនអភិវឌ្ឍន៍ខុនដូល្អបំផុត (ភ្នំពេញ) ពានរង្វាន់ ខុនដូដែលមានការរចនា និងស្ថាបត្យកម្មល្អបំផុត និងពានរង្វាន់ខុនដូដែលមានការរចនាផ្ទៃខាងក្នុងល្អបំផុត។
គម្រោងដ៏ពេញនិយមរបស់ក្រុមហ៊ុនគឺអគារខុនដូកម្ពស់ ១៩ ជាន់ដែលមានការរចនាសោភណភាពលក្ខណៈខ្មែរមានសួនច្បារ មានទេសភាពស្រស់បំព្រង រួមនឹងការបំពាក់នូវបរិក្ខារដ៏សម្បូរបែប ដែលធ្វើឲ្យខុនដូនេះកាន់តែស្រស់បំព្រងទ្វេឡើង។
គម្រោងខុនដូ Urban Village មានទីតាំងស្ថិតនៅតាមបណ្តោយមហាវិថី សម្តេច ហ៊ុន សែន ជាតំបន់ដែលកំពុងមានការអភិវឌ្ឍយ៉ាងឆាប់រហ័ស និងមានចម្ងាយជិតទីក្រុងដ៏រស់រវើក។
ក្រុមហ៊ុនអភិវឌ្ឍន៍នេះបានបញ្ចប់គម្រោង Urban Loft ដែលមានអគារកម្ពស់ ២០ ជាន់ មាន ២ អគារ ហើយ Urban Village ដំណាក់កាលទី ១ បានត្រៀមរួចរាល់សម្រាប់ប្រគល់ជូនអតិថិជននៅខែមីនាឆ្នាំក្រោយ។
ដូច្នេះតើអ្វីជាអាថ៌កំបាំងនៅពីក្រោយភាពជោគជ័យរបស់ Urban Village ?
អ្នកស្រី Chan ពន្យល់ថា៖ «យើងឲ្យតម្លៃខ្ពស់ចំពោះការកសាងសហគមន៍ ហើយយើងចង់ឲ្យអតិថិជនរបស់យើងមានបទពិសោធដ៏ល្អនៅពេលរស់នៅទីនេះ។ ដូច្នេះហើយពាក្យស្លោករបស់យើងគឺ «រស់នៅ ធ្វើការ និងកម្សាន្ត» ហើយយើងចំណាយពេលវេលាយ៉ាងច្រើនក្នុងការរចនា ស្ថាបត្យកម្ម និងប្លង់នៃគម្រោងរបស់យើង»។
អ្នកស្រី Chan បន្ថែមថា៖ «យើងបានខិតខំប្រឹងប្រែងយ៉ាងខ្លាំង។ យើងផ្តល់ភាពរីករាយដ៏វិជ្ជមានដល់មនុស្សគ្រប់គ្នា ហើយខ្ញុំគិតថា វាក៏ជាទឹកចិត្តរបស់យើងផងដែរក្នុងការជួយដល់ប្រទេសជាតិ ប្រជាជន និងអ្នកប្រើប្រាស់។ យើងផ្តោតលើការលើកកម្ពស់ការរស់នៅ និងលក្ខខណ្ឌរស់នៅរបស់ប្រជាជន។ វាមិនមែនគ្រាន់តែជាការសាងសង់ខុនដូប៉ុណ្ណោះទេ»។
នៅជាប់នឹងគម្រោងខុនដូ Urban Village នោះដែរ គឺមជ្ឈមណ្ឌលច្នៃប្រឌិត Factory Phnom Penh ដែលមានហាងលក់ទំនិញ កន្លែងលេងហ្គេម កន្លែងធ្វើការរួម ដែលព័ទ្ធជុំវិញដោយសួនច្បារពណ៌បៃតងខៀវស្រងាត់ និងមានផ្លូវដើរសម្រាប់អ្នករស់នៅផងដែរ។ អ្វីដែលកាន់តែគួរឲ្យចាប់អារម្មណ៍ទៀតនោះ គឺប្លុកមួយក្នុងគម្រោង ២ ត្រូវបានលក់អស់តែក្នុងរយៈពេល ១ ខែប៉ុណ្ណោះ បន្ទាប់ពីបើកសម្ពោធ។ ឥឡូវប្លុក G កំពុងបើកលក់។
អ្នកស្រីបន្ថែមថា៖ «ប្រជាជនមានជំនឿចិត្តខ្លាំងលើគម្រោងរបស់យើងចាប់តាំងពីយើងត្រូវបានទទួលស្គាល់ដោយ Asia Property Guru Awards ដែលផ្តល់ពានរង្វាន់ទាំងក្នុងប្រទេសរហូតដល់ពានរង្វាន់លំដាប់អាស៊ី។ ហើយអតិថិជនរបស់យើងបានមើលឃើញពីរបៀបដែលយើងកសាងសហគមន៍របស់យើង និងព្រឹត្តិការណ៍ដ៏គួរឱ្យរំភើបរីករាយទាំងអស់ដែលយើងបានធ្វើ និងអភិវឌ្ឍ»។
អ្នកស្រីបន្តថា៖ «យើងផ្តោតលើអតិថិជនភាគច្រើនបំផុតដែលចាប់អារម្មណ៍ទិញខុនដូ ទាំងចាស់ និងក្មេង។ យើងផ្តល់កម្ចីចំនួន ៧៥ ភាគរយរហូតដល់ ២៥ ឆ្នាំ»៕
អ្នកស្រី Catherine (ឆ្វេង) និងលោក Ben Li ជានាយកប្រតិបត្តិក្រុមហ៊ុន Urban Hub។
អ្នកស្រី Catherine: “ពានរង្វាន់ទទួនបានគឺកិត្យានុភាពសម្រាប់ក្រុមហ៊ុនរបស់យើង”។
ប្រាក់ មុន្នីឧត្តម: យើងមានក្តីសុបិនដូចគ្នា
 ឧត្តម៖ Urban Village កសាងលំនៅឋានប្រណីតសម្រាប់ប្រជាជនកម្ពុជា។ |
|---|
