ទីក្រុងប៉ារីសៈ ១ ឆ្នាំបន្ទាប់ពីការដាក់ទណ្ឌកម្ម សហភាពអឺរ៉ុបចំពោះការគាំទ្ររបស់អឺរ៉ុបដល់ក្រុមហ៊ុន Airbus អង្គការពាណិជ្ជកម្មពិភពលោក (WTO) ត្រូវបានរំពឹងថានៅថ្ងៃអង្គារដឹកនាំប្លុកអឺរ៉ុបដាក់ទណ្ឌកម្មលើសហរដ្ឋអាមេរិកចំពោះការផ្តល់ជំនួយដល់ក្រុមហ៊ុន Boeing។
ក្នុងការវិវឌ្ឍចុងក្រោយបំផុតក្នុងប្រវត្តិរយៈពេល ១៦ ឆ្នាំ រវាងទីក្រុងវ៉ាស៊ីនតោន និងទីក្រុងប្រ៊ុចសែលជុំវិញការគាំទ្រចំពោះក្រុមហ៊ុនផលិតយន្តហោះរៀងៗខ្លួន សហភាពអឺរ៉ុបត្រូវរំពឹងថា នឹងទទួលបាននូវភ្លើងបៃតងដើម្បីដាក់ពន្ធគយមានទឹកប្រាក់ ៤ ពាន់លានដុល្លារ លើទំនិញ និងសេវាកម្មអាមេរិក។ នេះយោងតាមភ្នាក់ងារព័ត៌មាន Bloomberg។
សហភាពអឺរ៉ុប និងសហរដ្ឋអាមេរិកបានចោទប្រកាន់គ្នាទៅវិញទៅមកអំពីការផ្តល់ជំនួយរដ្ឋខុសច្បាប់ទៅកាន់ក្រុមហ៊ុនផលិតយន្តហោះរៀងៗខ្លួន និង ទាំង ២ បានប្តឹងទៅដល់អង្គការពាណិជ្ជកម្មពិភពលោកសម្រាប់រកដំណោះស្រាយ។
កាលពីឆ្នាំមុន WTO បានអនុញ្ញាតឱ្យដាក់ទណ្ឌកម្មមានទឹកប្រាក់ ៧,៥ ពាន់លានដុល្លារប្រឆាំងទំនិញ និងសេវាកម្មពីតំបន់អឺរ៉ុប។
វាជាចំនួនច្រើនបំផុតដែលធ្លាប់បានដាក់បញ្ជារហូតដល់ថ្ងៃនេះដោយអង្គការ WTO និងជាលទ្ធផលនៃជំនួយអឺរ៉ុបដល់ក្រុមហ៊ុន Airbus ដែលត្រូវបានចាត់ទុកមិនត្រឹមត្រូវក្រោមបញ្ញត្តិពាណិជ្ជកម្មអន្តរជាតិ។
ទីក្រុងវ៉ាស៊ីនតោននាពេលនោះបានដាក់ពន្ធគយពិន័យចំនួន ២៥ ភាគរយ លើផលិតផលអឺរ៉ុប ដូចជា ស្រា ឈីស និងប្រេងឆា ជាដើម និងពន្ធគយ ១០ ភាគរយលើយន្តហោះ Airbus ដែលត្រូវបានដំឡើងដល់ ១៥ ភាគរយក្នុងខែមីនាកន្លងទៅ។
សហភាពអឺរ៉ុបក៏បានប្រមូលផ្តុំតារាងផលិតផលអាមេរិករួចហើយដែលខ្លួនអាចដាក់ពន្ធគយរាប់ចាប់ពីគ្រឿងបរិភោគដល់គ្រឿងបន្លាស់រថយន្ត។
ពេល WTO កំណត់ជាក់លាក់ អឺរ៉ុបអាចដាក់ពន្ធគយពីថ្ងៃទី ២៧ ខែតុលា ១ សប្តាហ៍មុនការបោះឆ្នោតប្រធានាធិបតីអាមេរិក។
ខណៈអ្នកដឹកនាំអឺរ៉ុបជាច្រើនបានអំពាវនាវឱ្យដាក់ពន្ធគយជាបន្ទាន់ ប្រសិនបើទីក្រុងវ៉ាស៊ីនតោនមិនយល់ព្រមទម្លាក់ពន្ធគយរបស់ខ្លួន ប៉ុន្តែមានការរំពឹងតិចណាស់។
ប្រភពម្នាក់ក្នុងឧស្សាហកម្មនេះរំពឹងថា ច្បាប់របស់ WTO បើកចំហទ្វារសម្រាប់ការចរចា។
ប្រសិនឧស្សាហកម្មអាកាសចរណ៍ស្វែងរកឃើញវិបត្តិដោយខ្លួនឯង និងផលប៉ះពាល់ដែលកំពុងកើតមានចំពោះក្រុមហ៊ុន Airbus និង Boeing ព្រមជាមួយការប្រយុទ្ធប្រឆាំងដែលពន្ធគយបង្កើនតម្លៃនៃយន្តហោះ មិនបម្រើផលប្រយោជន៍អឺរ៉ុប ឬក៏អាមេរិកឡើយ។
រឿងនោះជាករណីកាន់តែលំបាកសម្រាប់ក្រុមហ៊ុន Boeing ដែលនឹងសម្លឹងឆ្ពោះទៅរកបន្តការលក់នៃយន្តហោះ ៧៣៧ MAX នៅពេលដែលវាត្រូវបានគេបញ្ឈប់ជើងហោះហើរ។
ការយកពន្ធគយនឹងធ្វើឱ្យយន្តហោះរាប់រយគ្រឿងដែលបញ្ជាទិញដោយក្រុមហ៊ុនអាកាសចរណ៍អឺរ៉ុបកាន់តែថ្លៃ៕ RR