.jpg)
ក្រុមហ៊ុនធានារ៉ា់ប់រង ហ្វតតេ ត្រូវបានវាយតម្លៃដោយក្រុមហ៊ុន GCR Ratings ថាជាក្រុមហ៊ុនមានស្ថិរភាព ដោយទទួលបានចំណាត់ថ្នាក់ “AA” សម្រាប់លំដាប់ជាតិ និងចំណាត់ថ្នាក់ “B” សម្រាប់លំដាប់អន្តរជាតិ។
ក្រុមហ៊ុនធានារ៉ា់ប់រង ហ្វតតេ ទទួលបានពានរង្វាន់ “ទសវត្សរ៍នៃឧត្តមភាព នៅកម្ពុជានាឆ្នាំ ២០២០” ពីទស្សនាវដ្ដី Global Banking & Finance Review
ក្រុមហ៊ុន ហ្វតតេ បានបន្តបំបែកកំណត់ត្រានៅក្នុងវិស័យធានារ៉ាប់រងទូទៅនៅកម្ពុជាដោយ ក្រុមហ៊ុនធានារ៉ាប់រង ហ្វតតេ បានបន្តដំណែងជាក្រុមហ៊ុនធានារ៉ាប់រងដែលមានហិរញ្ញវត្ថុរឹងមាំ និងមានការប្តេជ្ញាចិត្តខ្ពស់ក្នុងការផ្តល់សេវាកម្មដល់អតិថិជនរបស់ខ្លួន ដែលទទួលស្គាល់ដោយភ្នាក់ងារវាយតម្លៃអន្តរជាតិ និងទស្សនាវដ្តីអន្តរជាតិឈានមុខគេក្នុងការផ្សព្វផ្សាយសេវាកម្មហិរញ្ញវត្ថុ។
GCR ដែលជាភ្នាក់ងារវាយតម្លៃផ្តោតសំខាន់លើទីផ្សារដែលកំពុងរីកចម្រើន បានកំណត់ថាក្រុមហ៊ុន ហ្វតតេ ជាប់ចំណាត់ថ្នាក់ «AA» លើភាពខ្លាំងផ្នែកហិរញ្ញវត្ថុលំដាប់ជាតិ និងចំណាត់ថ្នាក់ «B» សម្រាប់លំដាប់អន្តរជាតិ ដែលទាំងពីរនេះជាសក្ខីភាពនៃស្ថានភាពរឹងមាំរបស់ក្រុមហ៊ុន។ ទីភ្នាក់ងារវាយតម្លៃអន្តរជាតិ GCR បានកត់សម្គាល់ឃើញពីជំហររឹងមាំនៅក្នុងទីផ្សារធានារ៉ាប់រង និងប្រភពបុព្វលាភចម្រុះរបស់ក្រុមហ៊ុន ហ្វតតេ ដែលចំណុចនេះរួមចំណែកដោយការបើកដំណើរការក្រុមហ៊ុនធានារ៉ាប់រងអាយុជីវិត ហ្វតតេ ឡាយហ្វ៍ និងធ្វើឱ្យហិរញ្ញវត្ថុក្រុមហ៊ុនកាន់តែរឹងមាំ។ នៅឆ្នាំ ២០១៩ ក្រុមហ៊ុន ហ្វតតេ ទទួលបានចំណែកទីផ្សាររហូតដល់ ៤៤% និងមានបុព្ធលាភសរុបចំនួន ៤៤,៧ លានដុល្លារអាមេរិក។
ទស្សនាវដ្តីអន្ដរជាតិ GLOBAL BANKING & FINANCE REVIEW ដែលមានមូលដ្ឋាននៅចក្រភពអង់គ្លេស ដែលមានបោះពុម្ពទស្សនាវដ្តី និងផ្សព្វផ្សាយតាមប្រព័ន្ធអនឡាញជាលក្ខណៈអន្តរជាតិ បានប្រគល់ពានរង្វាន់ “ទសវត្សរ៍នៃឧត្តមភាពសម្រាប់ក្រុមហ៊ុនធានារ៉ាប់រងទូទៅ” ដល់ក្រុមហ៊ុន ហ្វតតេ នាឆ្នាំ ២០២០។ ពានរង្វាន់នេះបង្ហាញយ៉ាងច្បាស់ពីភាពជោគជ័យរបស់ក្រុមហ៊ុន ហ្វតតេ ដែលត្រូវបានទទួលស្គាល់ និងទទួលបានពានរង្វាន់ផ្សេងៗជាប់ៗគ្នារយៈពេល ៦ ឆ្នាំចុងក្រោយលើភាពឈានមុខគេក្នុងទីផ្សារធានារ៉ាប់រង ការផ្តល់សេវាកម្មល្អបំផុតជូនអតិថិជន និងផលិតផលប្រកបដោយគំនិតច្នៃប្រឌិត។
លោក Charles Cheo ប្រធានក្រុមប្រឹក្សាភិបាលនៃក្រុមហ៊ុន ហ្វតតេ មានប្រសាសន៍ថា៖ “ហ្វតតេនៅតែរក្សាបេសកកម្មរបស់ខ្លួនដែលបានបង្កើតតាំងពីក្រុមហ៊ុនទើបចាប់ដំណើរការកាលពី ២០ ឆ្នាំកន្លងមកម្ល៉េះ គឺដើម្បីក្លាយជាដៃគូអាជីវកម្មប្រកបដោយទំនុកចិត្ត ដោយផ្តល់នូវផលិតផលដែលមានគំនិតច្នៃប្រឌិតខ្ពស់ ហើយស្របតាមតម្រូវការរបស់អតិថិជន ផ្តល់សេវាកម្មល្អបំផុត ប្រកបដោយស្ថិរភាពហិរញ្ញវត្ថុដល់អតិថិជន និងដៃគូពាណិជ្ជកម្ម។ ការរក្សាបាននូវចក្ខុវិស័យរបស់យើងបានជួយឱ្យយើងមានលទ្ធភាពក្នុងការពង្រីកខ្លួនទៅកាន់ទីផ្សារក្នុងតំបន់ផ្សេងទៀត”។”
លោក Cheo បានកត់សម្គាល់ថាការដាក់ឱ្យដំណើរការក្រុមហ៊ុនធានារ៉ាប់រងអាយុជីវិត ហ្វតតេ ឡាយហ្វ៍ ក៏នៅតែបន្តក្នុងល្បឿនពេញលេញ ទោះបីមានភាពមិនប្រាកដប្រជាដោយសារតែវិបត្តិជំងឺកូវីដ១៩ ដែលបានបង្កផលប៉ះពាល់ដល់សេដ្ឋកិច្ចពិភពលោកក៏ដោយ។
“រដ្ឋាភិបាលកម្ពុជាមានចំណាត់ការយ៉ាងមានប្រសិទ្ធិភាពនៅក្នុងការគ្រប់គ្រងការផ្ទុះឡើងនៃជំងឺរាតត្បាតមួយនេះ។ ថ្វីបើមានបញ្ហាប្រឈមផ្នែកសេដ្ឋកិច្ចគួរឱ្យកត់សម្គាល់ក្តី ក៏ប្រទេសកម្ពុជានៅតែអាចបើកអាជីវកម្មឡើងវិញបានយ៉ាងឆាប់រហ័ស ដែលផ្តល់ឱ្យយើងនូវទំនុកចិត្តខ្ពស់ក្នុងការឈានឆ្ពោះទៅមុខជាមួយនឹងការដំណើរការក្រុមហ៊ុនធានារ៉ាប់រងអាយុជីវិត ហ្វតតេ ឡាយហ្វ៍ និងគំនិតផ្តួចផ្តើមច្រើនទៀតនាពេលអនាគត”។”
លោក Cheo ក៏បានលើកឡើងអំពីតួនាទីដ៏សំខាន់របស់បុគ្គលិកដែលបានចូលរួមចំណែកនៅក្នុងភាពជោគជ័យរបស់ក្រុមហ៊ុន ហ្វតតេ ដោយលោកបានថ្លែងថា៖ “ខ្ញុំសូមថ្លែងអំណរគុណយ៉ាងជ្រាលជ្រៅចំពោះបុគ្គលិកទាំងអស់របស់យើង ទាំងនៅក្នុងប្រទេសកម្ពុជា និងប្រទេសឡាវ ចំពោះកិច្ចខិតខំប្រឹងប្រែង និងការលះបង់របស់ពួកគាត់។ ការរីកចម្រើន និងភាពជោគជ័យជាបន្តបន្ទាប់របស់ក្រុមហ៊ុន គឺជាសក្ខីភាពមួយដែលបង្ហាញថាយើងមានបុគ្គលិកដ៏ពូកែនៅក្នុងឧស្សាហកម្មមួយនេះនៅក្នុងទីផ្សារដែលយើងផ្តល់សេវាកម្ម និងពានរង្វាន់ដូចដែលយើងបានទទួលនាពេលកន្លងមកគឺជាការគូសបញ្ជាក់បន្ថែមទៀតកាន់តែច្បាស់”។”
