The Phnom Penh Post Search

Search form




Logo of Phnom Penh Post newspaper Phnom Penh Post - ធនាគារ​កម្ពុជា​សាធារណៈ​ លើកកម្ពស់​ការយល់ដឹង​របស់​វិនិយោគិន




ធនាគារ​កម្ពុជា​សាធារណៈ​ លើកកម្ពស់​ការយល់ដឹង​របស់​វិនិយោគិន

Content image - Phnom Penh Post
លោក Phan Ying Tong, ឯកឧត្តម ស៊ូ សុជាតិ (​កណ្តាល​) និង​ឯកឧត្តម ហុង សុហួរ​។

ធនាគារ​កម្ពុជា​សាធារណៈ​ លើកកម្ពស់​ការយល់ដឹង​របស់​វិនិយោគិន

ធនាគារ​កម្ពុជា​សាធារណៈ​ភីអិលស៊ី (Campu Bank) បានរៀបចំ​យុទ្ធសាស្ត្រ​ដើម្បី​លើកកម្ពស់​ការយល់ដឹង​របស់​វិនិយោគិន​ដែល​ជា​ផ្នែក​មួយ​នៃ​កិច្ចខិតខំ​ប្រឹងប្រែង​របស់​ខ្លួន​ក្នុង​ការលើក​កម្ពស់​ទីផ្សារ​មូលធន​របស់​កម្ពុជា​។

ធនាគារ​របស់​ម៉ាឡេស៊ី​មួយ​នេះ​បាននិង​កំពុង​លើកកម្ពស់​សារៈសំខាន់​នៃ​ទីផ្សារ​មូលធន​ និង​អត្ថប្រយោជន៍​នៃ​ការវិនិយោគ​នៅក្នុង​ទីផ្សារ​មូលបត្រ​ដល់​វិនិយោគិន ហើយ​ថែមទាំង​មាន​ផែនការ​ផ្តល់ជូន​នូវ​វេទិកា​ឌីជីថល​ឈានមុខ​ដើម្បី​ជំរុញ​ការជួញដូរ​មូលបត្រ​ថែម​ទៀតផង​។

ខណៈ​ពេល​ដែល​គណៈកម្មការ​មូលបត្រ​កម្ពុជា​ (SECC) និង​ផ្សារមូលបត្រ​កម្ពុជា (CSX) ​បាននិង​កំពុង​នាំមុខ​ក្នុងការ​លើកកម្ពស់​ទីផ្សារ​មូលធន ធនាគារ Campu Bank ក៏បាន​ធ្វើ​ចំណែក​របស់ខ្លួន​ដើម្បី​ឈានទៅដល់​បណ្តាញ​សាខា​ឲ្យ​កាន់តែ​ធំ​ទូលាយ​ក៏ដូចជា​អតិថិជន​របស់ខ្លួន​ដែរ​។

លោក Phan Ying Tong នាយកប្រតិបត្តិការ​នៃ​តំបន់​ឥណ្ឌូចិន​បាន​ឲ្យ​កាសែត​ភ្នំពេញ​ប៉ុស្តិ៍​ដឹងថា​៖ «​យើង​​ជួយ​អតិថិជន​របស់​យើង​ក្នុង​ការជួញដូរ​​ និង​ពី​របៀប​ចូលរួម​ក្នុង​ទីផ្សារ​មូលធន​។ នៅពេលណា​ដែល​យើង​មាន​កម្មវិធី​ផ្សព្វផ្សាយ​អ្វីមួយ យើង​មិ​នដែល​ស្ទាក់ស្ទើរ​ក្នុង​ការធ្វើ​បទបង្ហាញ​ក្រុមហ៊ុន Campu Securities ដល់​អតិថិជន​របស់​យើង​នោះទេ មិន​ថា​នៅ​ការិយាល័យ​ក្រុមហ៊ុន​ ឬ​នៅ​កន្លែង​អតិថិជន​របស់​យើង​។ បុគ្គលិក​ដ៏មាន​បទពិសោធ​របស់ Campu Securities នឹង​ពន្យល់​អំពី​សារៈសំខាន់​នៃ​ការវិនិយោគ​នៅក្នុង​ទីផ្សារ​មូលធន​»​។

ធនាគារ Campu Bank បាន​ចាប់ផ្តើម​អាជីវកម្ម​របស់ខ្លួន​នៅក្នុង​ប្រទេស​កម្ពុជា​ក្នុង​ឆ្នាំ​ ១៩៩២ ហើយ​បច្ចុប្បន្ន​មាន​ចំនួន​ ៣១ ​សាខា​គឺជា​ក្រុមហ៊ុន​បុត្រសម្ព័ន្ធ​ទាំងស្រុង​របស់​ក្រុមហ៊ុន Public Bank Group ដែលមាន​មូលដ្ឋាន​នៅ​ប្រទេស​ម៉ាឡេស៊ី​។ Campu Securities Plc ផ្តល់ជូន​សេវាកម្ម​ដូចជា​ការធានា​ទិញ​មូលបត្រ ពាណិជ្ជករ​មូលបត្រ និង​ជើងសារ​មូលបត្រ​។

កាលពី​ខែមករា​ធនាគារ​កម្ពុជា​សាធារណៈ​ត្រូវ​បាន​ទទួលស្គាល់​ជា​ផ្លូវការ​ដោយ SECC និង CSX ជា​ភ្នាក់ងារ​ទូទាត់​សាច់ប្រាក់​ពាក់ព័ន្ធ​ និង​មូលបត្រ​។ បច្ចុប្បន្ន​ធនាគារ​នេះ​រួមជាមួយ​ធនាគារ​ ៣ ​ផ្សេង​ទៀត​គឺ​ធនាគារ BIDC (Cambodia) Bank Plc ធនាគារ​អេស៊ីលីដា​ភីអិលស៊ី និង​ធនាគារ​កាណាឌីយ៉ា​ភីអិលស៊ី​ជា​ភ្នាក់ងារ​ទូទាត់​សាច់ប្រាក់​នៅ​កម្ពុជា​។

ធនាគារ​ក៏កំពុង​ស្ថិត​នៅក្នុង​ដំណាក់កាល​ធ្វើឱ្យ​ប្រសើរឡើង​នូវ​វេទិកា​ឌីជីថល​របស់ខ្លួន​ផងដែរ ដើម្បី​ផ្តល់​ភាពងាយស្រួល​នៅក្នុង​ប្រតិបត្តិការ​ធនាគារ​។

«​ជា​ផ្នែក​មួយ​នៃ​ផែនការ​រយៈពេល​មធ្យម យើង​នឹង​ធ្វើឲ្យ​ប្រសើរឡើង​នូវ​វេទិកា​ទូរស័ព្ទ​ចល័ត​ដ៏រឹងមាំ​របស់​យើង​ដើម្បី​អនុញ្ញាត​ឱ្យ​វិនិយោគិន​អនុវត្ត​ការជួញដូរ​មូលបត្រ​ដោយ​ប្រើ​កម្មវិធី​ទូរស័ព្ទ​។ នេះ​គឺជា​គំនិត​ផ្តួចផ្តើម​មួយ​របស់​យើង​ក្នុងការ​លើកកម្ពស់​ទីផ្សារ​មូលធន​នៅ​កម្ពុជា​។

លោក​បាន​បន្ថែមថា​៖ «​ហេតុផល​មួយ​ទៀត​ដែល​យើង​ចូលរួម​យ៉ាងសកម្ម​ (​ក្នុង​ទីផ្សារ​មូលធន​) ​គឺ​ដោយសារ​តែ​យើង​ចង់​លើក​ទឹកចិត្ត​អតិថិជន​របស់​យើង​ឱ្យប្រើប្រាស់​ប្រាក់រៀល​សម្រាប់​អាជីវកម្ម​របស់​ពួកគេ និង​ការវិនិយោគ​»​។

ការចុះបញ្ជី​ដើម្បី​បោះផ្សាយ​លក់​មូលបត្រ​កម្មសិទ្ធិ​ជា​សាធារណៈ​របស់​ធនាគារ​អេស៊ីលីដា​នាពេល​ខាងមុខ​នឹង​ជំរុញ​ឲ្យ​មាន​ការចាប់អារម្មណ៍​នៅក្នុង​ផ្សារ​មូលបត្រ​ក្នុងស្រុក​បន្ថែម​ហើយ​ក្រុមហ៊ុន​ចុះបញ្ជី​ទី​ ៦ ​នេះ​អាច​ជា​កាតាលីករ​មួយ​សម្រាប់​ការចុះបញ្ជី​បន្ថែម​នៅក្នុង​ក្រុមហ៊ុន​ផ្សារ​មូលបត្រ​កម្ពុជា​នាពេល​អនាគត​។

«​មានគំនិត​ផ្តួចផ្តើម​ និង​វិធានការ​ជាច្រើន​ត្រូវបាន​ធ្វើឡើង​ដោយ SECC និង CSX ដើម្បី​ជំរុញ​ទីផ្សារ​នេះ ហើយ​មួយ​ក្នុង​ចំណោម​នោះ​គឺ​លើកទឹកចិត្ត​ឲ្យ​ក្រុមហ៊ុន​បន្ថែម​ទៀត​មក​ចុះបញ្ជី​នៅ CSX ដើម្បី​បោះផ្សាយ​ភាគហ៊ុន​ ឬ​មូលបត្រ​ក្រុមហ៊ុន​បន្ថែម​ទៀត​នៅ CSX ។

« SECC និង CSX សកម្ម​យ៉ាងខ្លាំង​នៅក្នុង​សកម្មភាព​អប់រំ​ជាច្រើន​ដូចជា​រៀបចំ​វេទិកា​ និង​ដំណើរ​ផ្សព្វផ្សាយ​ដើម្បី​លើកទឹកចិត្ត​ប្រជាជន​កម្ពុជា​ឱ្យ​វិនិយោគ​ក្នុង​ទីផ្សារ​មូលធន​។ ប៉ុន្មាន​ឆ្នាំ​មកនេះ​សកម្មភាព​ហិរញ្ញវត្ថុ​នៃ​ក្រុមហ៊ុន​ដែល​បាន​ចុះបញ្ជី​នៅ​ផ្សារហ៊ុន​គឺមាន​ស្ថិរភាព​ល្អប្រសើរ ហើយ​ទាំងនេះ​គឺជា​សញ្ញា​វិជ្ជមាន​ដែល​បង្ហាញ​ពី​ទំនុកចិត្ត​របស់​វិនិយោគិន​នៅក្នុង​ផ្សារ​មូលធន​»​។

លោក Pang បន្ថែមថា​៖ «​ប្រទេស​កម្ពុជា​កំពុង​ដើរ​លើផ្លូវ​ត្រូវ​ហើយ​ឥឡូវ​សូម្បីតែ​ការចុះបញ្ជី​មូលបត្រ​បំណុល​សាជីវកម្ម​ក៏កំពុងតែ​កើតឡើង​ដែរ​»​។

ប្រទេស​កម្ពុជា​គឺជា​ទិសដៅ​ដ៏ប្រសើរ​សម្រាប់​វិនិយោគិន ពីព្រោះ​មាន​ឱកាស​ច្រើន ខណៈ​ទីផ្សារ​កំពុង​រីកចម្រើន​ជាមួយ​នឹង​គោលនយោបាយ​វិនិយោគ​ដ៏ទាក់ទាញ​សម្រាប់​ទាំង​វិនិយោគិន​បរទេស និង​ក្នុងស្រុក​៕

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។