.jpg)
អគារមន្ទីរបញ្ចកោណ នៅទីក្រុង Arlington នៅរដ្ឋវើជីនៀ។ Yonhap
ក្រុងវ៉ាស៊ីនតោន៖ មន្ត្រីបញ្ចកោណបានថ្លែងកាលពីថ្ងៃអង្គារថា កងកម្លាំងនុយក្លេអ៊ែររបស់អាមេរិកបានត្រៀមខ្លួនរួចជាស្រេច ដើម្បីទប់ទល់បច្ចាមិត្តទាំងអស់នៅក្នុងនោះក៏មានប្រទេសកូរ៉ខាងជើងដែរ ក្រោយពីប្រទេសកុម្មុយនីស្តមួយនេះ បានប្តេជ្ញាបង្កើនសមត្ថភាពអាវុធនុយក្លេអ៊ែររបស់ខ្លួននោះ។
លោក ឌ្រីវ វ៉ាល់ធឺរ ដែលបច្ចុប្បន្នកំពុងកាន់តំណែងជាឧបការីរងការពារជាតិទទួលបន្ទុកបញ្ហានុយក្លេអ៊ែរបានថ្លែងថា អាមេរិកយល់ដឹងច្បាស់ណាស់អំពីទំហំឃ្លាំងអាវុធនុយក្លេអ៊ែររបស់កូរ៉េខាងជើង ហើយវាមិនធំដូចឃ្លាំងរបស់ក្រុមប្រទេសប្រដាប់ដោយអាវុធនុយក្លេអ៊ែរផ្សេងទៀតនោះទេ។
លោកបានថ្លែងនៅអំឡុងពេលធ្វើសិក្ខាសាលាមួយ បានរៀបចំធ្វើឡើងដោយវិទ្យាស្ថាន Mitchell ដើម្បីសិក្សាដែនអាកាសថា៖ «ខ្ញុំគិតថា ក្រសួងការពារជាតិបានចុះត្រួតពិនិត្យ ដល់ក្រុមកងកម្លាំងនុយក្លេអ៊ែររបស់យើង ខណៈពួកគេបានត្រៀមលក្ខណៈប្រុងជើងការរួចជាស្រេច ជាកម្លាំងខ្លាំងក្លា និងចាំទប់ទល់ជាមួយក្រុមបច្ចាមិត្តទាំងអស់នោះ ទាំងមកពីប្រទេសរុស្ស៊ី រហូតដល់ប្រទេសចិន ថែមទាំងប្រទេសកូរ៉េខាងជើង ឬអ៊ីរ៉ង់ ដ៏មានសក្តានុពលផងដែរ»។ «ស្របពេលជាមួយគ្នានេះ ពួកគេបានអះអាងអំពីក្រុមសម្ព័ន្ធមិត្ត ដូចជាអង្គការណាតូ ប្រទេសកូរ៉េខាងត្បូង និងជប៉ុនជាដើម»។
លោកបានបន្ថែមថា៖ «ខ្ញុំមិនបានមើលឃើញអំពីការបន្ថែមកម្លាំងសមត្ថភាពថ្មី ដើម្បីទប់ទល់ជាមួយកូរ៉េខាងជើង នៅក្នុងស្មារតីប្រុងប្រយ័ត្នទេ»។ ប្រព័ន្ធផ្សព្វផ្សាយរដ្ឋកូរ៉េខាងជើង បានរាយការណ៍កាលពីថ្ងៃអាទិត្យថា មេដឹកនាំលោក គីម ជុងអ៊ុន បានធ្វើជាអធិបតីកិច្ចប្រជុំគណៈកម្មការយោធាមជ្ឈិម ហើយបានពិភាក្សាអំពី «គោលនយោបាយថ្មី ដើម្បីការបង្កើនទប់ស្កាត់សង្គ្រាមអាវុធនុយក្លេអ៊ែរ៕ Yonhap/SK
