.jpg)
ក្រុមអ្នកចូលនិវត្តន៍បេឡារុស តវ៉ាឲ្យលោក លូសិនកូ ចុះចេញពីតំណែង។ AFP
ក្រុងមីនស្កិ៍៖ ប្រទេសបេឡារុស កាលពីថ្ងៃចន្ទ បានគំរាមបាញ់ទៅលើក្រុមអ្នកតវ៉ា ដើម្បីបំបែកបាតុកម្មប្រឆាំងប្រធានាធិបតីបេឡារុស គឺលោក អាឡិចសាន់ឌ័រ លូកាសិនកូ ខណៈក្រុមរដ្ឋមន្ត្រីការបរទេសអឺរ៉ុប បានឯកភាពគ្នាដាក់ទណ្ឌកម្មផ្ទាល់ ដោយបានកំណត់គោលដៅទៅលើមេដឹកនាំបុរសខ្លាំងតែម្តង។
ការប្រើប្រាស់បាញ់កាំភ្លើងដៃអាចនឹងបង្កឱ្យមានការធ្វើបាតុកម្មទ្រង់ទ្រាយធំកាន់តែខ្លាំងឡើង នៅក្នុងការប្រឈមមុខដាក់គ្នា មិនចាញ់មិនឈ្នះរយៈពេល ២ ខែ រវាងលោក លូកាសិនកូ និងក្រុមអ្នកតវ៉ាដែលបានប្រមូលផ្តុំដោយសន្តិវិធី ប្រឆាំងជម្លោះបោះឆ្នោតឡើងវិញរបស់លោក កាលពីខែសីហា និងប្រឆាំងការធ្វើបាប និងទារុណកម្មទៅលើអ្នកទោសជាដើម។
ការព្រមាននោះ បានធ្វើឡើងក្រោយពីកងកម្លាំងសន្តិសុខបានបង្ក្រាបយ៉ាងឃោរឃៅទៅលើក្រុមអ្នកតវ៉ាប្រឆាំងលោក លូកាសិនកូ កាលពីថ្ងៃអាទិត្យកន្លងទៅដោយបានធ្វើឱ្យក្រុមរដ្ឋមន្ត្រីការបរទេសអឺរ៉ុបឯកភាពគ្នាថា វាដល់ពេលដែលត្រូវដាក់ទណ្ឌកម្មទៅលើលោក លូកាសិនកូ ហើយ។
កាលពីល្ងាចថ្ងៃចន្ទ មន្ត្រីប៉ូលិសសន្តិសុខមួយចំនួនបានប្រើប្រាស់ឧស្ម័នបង្ហូរទឹកភ្នែក និងគ្រាប់បែកផ្សែង ប្រឆាំងក្រុមអ្នកចូលនិវត្តន៍ ១ ក្រុម ដែលបានរៀបចំក្បួនតវ៉ាជាប្រចាំមួយ ដែលបានធ្វើឱ្យផ្ទុះកំហឹងយ៉ាងខ្លាំង ចេញពីក្រុមបក្សប្រឆាំងនៅក្នុងប្រទេសមួយនេះ៕ AFP/SK
