កាលពីថ្ងៃព្រហស្បតិ៍ ទី ១១ កុម្ភៈ រដ្ឋមន្ត្រីការពារជាតិឥណ្ឌាបាននិយាយថា ប្រទេសឥណ្ឌា និងចិនបានព្រមព្រៀងគ្នាដកកងទ័ពចេញពីតំបន់បឹងនៅភាគខាងលិចហិមាល័យ។
ក្រសួងការពារជាតិចិនបាននិយាយថា ការដកកងទ័ពរបស់ភាគីទាំង ២ ត្រូវបានចាប់ផ្តើមដកចេញពីតំបន់នោះកាលពីថ្ងៃទី ១០ កុម្ភៈ មកម្ល៉េះ។
ជម្លោះនេះបានចាប់ផ្តើមនៅខែមេសា ឆ្នាំ ២០២០ នៅពេលដែលប្រទេសឥណ្ឌា បាននិយាយថា កងទ័ពចិនបានជ្រៀតចូលទៅក្នុងព្រំដែននៅតំបន់ Ladakh នៅភាគខាងលិចហិមាឡៃយ៉ា។
ប្រទេសចិន បាននិយាយថា កងទ័ពរបស់ខ្លួនកំពុងប្រតិបត្តិការនៅក្នុងតំបន់របស់ខ្លួន ហើយបានចោទប្រកាន់ឆ្មាំព្រំដែនឥណ្ឌាថា ជាអ្នកបង្កហេតុ៕