កម្មករចិន ១២ នាក់ ក្នុងចំណោម ២២ នាក់ បានជាប់នៅក្រោមដីអស់រយៈពេលជាង ១ សប្ដាហ៍នៅក្នុងអណ្ដូងរ៉ែមាសដែលបានផ្ទុះ។ នេះបើតាមការរាយការណ៍កាលពីថ្ងៃទី ១៨ របស់សារព័ត៌មានរដ្ឋចិន Xinhua។
កម្មករទាំងនេះបានទាក់ទងជាមួយក្រុមអ្នកជួយសង្គ្រោះតាមរយៈសន្លឹកក្រដាស ដែលបញ្ជាក់ថា កម្មករចំនួន ១២ នាក់នៅមានជីវិតនៅឡើយ ហើយក្នុងចំណោមនោះមាន ៤ នាក់របួសបន្ទាប់ពីមានការផ្ទុះកាលពីថ្ងៃទី ១០ ខែមករា នៅក្នុងទីក្រុង Qixia ខេត្ត Shandong។ ប៉ុន្តែគេមិនដឹងអំពីស្ថានភាពនៃបុគ្គលិក ១០ នាក់ផ្សេងទៀតទេ។
អ្នកគ្រប់គ្រងប្រតិបត្តិការអណ្ដូងនេះត្រូវបានឃុំខ្លួន បន្ទាប់ពីពួកគេមិនបានរាយការណ៍ពីគ្រោះថ្នាក់នេះអស់រយៈពេលជាង ១ ថ្ងៃ៕