The Phnom Penh Post Search

Search form




Logo of Phnom Penh Post newspaper Phnom Penh Post - កម្មករ​​ធ្វើ​កូដកម្ម​ប្រឆាំង​​កំណែ​ទម្រង់​សោធននិវត្តន៍​របស់ ​​ម៉ាក្រុង​ បង្ក​ឲ្យ​ស្ទះ​ចរាចរណ៍​នៅ​ក្រុង​ប៉ារីស




កម្មករ​​ធ្វើ​កូដកម្ម​ប្រឆាំង​​កំណែ​ទម្រង់​សោធននិវត្តន៍​របស់ ​​ម៉ាក្រុង​ បង្ក​ឲ្យ​ស្ទះ​ចរាចរណ៍​នៅ​ក្រុង​ប៉ារីស

Content image - Phnom Penh Post
លោក អេម៉ានុយ​អែល ម៉ាក្រុង​​ ថ្លែង​សុន្ទរកថា​ ក្នុង​​កិច្ច​ប្រជុំ​ប្រចាំឆ្នាំ នៅ​ក្រុង​ Montpellier។ AFP

កម្មករ​​ធ្វើ​កូដកម្ម​ប្រឆាំង​​កំណែ​ទម្រង់​សោធននិវត្តន៍​របស់ ​​ម៉ាក្រុង​ បង្ក​ឲ្យ​ស្ទះ​ចរាចរណ៍​នៅ​ក្រុង​ប៉ារីស

ក្រុង​ប៉ារីស៖​ ក្រុម​​អ្នក​ធ្វើដំណើរ​បារាំង​នឹង​ប្រឈម​មុខ​ក្នុង​ការ​ធ្វើ​ដំណើរ​គួរ​ឲ្យ​ឈឺ​ចាប់​នៅ​ថ្ងៃ​ព្រហស្បតិ៍​ ខណៈ​រថភ្លើង​ និង​ក្រុម​បុគ្គលិក​រថភ្លើង​ក្រោម​ដី​ នឹង​បន្ត​ធ្វើ​កូដកម្ម​ជាមួយ​ក្រុម​សហជីព​កម្មករ​ ដែល​បាន​បង្ហាញ​ឲ្យ​ឃើញ​កម្លាំង​គ្រប់គ្រាន់ ​ដើម្បី​ធ្វើ​ឲ្យ​ប្រធានាធិបតី​បារាំង​លោក​ អេម៉ានុយអែល​ ម៉ាក្រុង ​ពិចារណា​ធ្វើ​កំណែ​ទម្រង់​ប្រាក់​សោធន​និវត្តន៍​របស់​លោក​ឡើង​វិញ​។​

អ្នក​នាំពាក្យ​អយស្ម័យយាន​របស់​ក្រុមហ៊ុន ​SNCF ​គឺ​លោកស្រី​ អាហ្គនី អូហ្គឺរ ​បាន​ថ្លែង​ប្រាប់​សន្និសីទ​សារព័ត៌មាន​មួយ​កាល​ពី​ថ្ងៃ​អង្គារ​ថា​៖ «នៅ​ថ្ងៃ​ព្រហស្បតិ៍​នេះ​ នឹង​មាន​ផល​វិបាក​យ៉ាង​ខ្លាំង​ ​បណ្តាញ​ការងារ​នឹង​ត្រូវ​បាន​រំខាន​យ៉ាង​ធ្ងន់ធ្ងរ​ ហើយ​យើង​នឹង​បើក​ឲ្យ​បម្រើ​សេវា​រថភ្លើង​ប្រហែល ​១០ ​ភាគរយ​ប៉ុណ្ណោះ​»​។​

លោកស្រី​បាន​បន្ថែម​ថា​៖ «​យើង​បាន​ស្នើ​ឲ្យ​អតិថិជន​របស់​យើង​លុប​ចោល​ការ​ធ្វើ​ដំណើរ​របស់​ពួក​គេ​ ឬ​ឲ្យ​ពួក​គេ​ពន្យារ​ពេល​ ប្រសិន​បើ​ពួក​គេ​យល់​ព្រម​​»​។​

នៅ ​«ថ្ងៃ​ព្រហស្បតិ៍​ពណ៌​ខ្មៅ​» ​មាន​រថភ្លើង​ល្បឿន​លឿន​ត្រឹម​តែ ​១០ គ្រឿង​ប៉ុណ្ណោះ ​ត្រូវ​ធ្វើ​ប្រតិបត្តិការ​ ហើយ​រថភ្លើង​ក្នុង​តំបន់ ​១០ ​ភាគរយ ​ត្រូវ​បាន​គេ​រំពឹង​ថា​ នឹង​ដំណើរការ​តាម​ធម្មតា​។​

យោង​តាម​ក្រុមហ៊ុន ​SNCF បាន​ឲ្យ​ដឹង​ថា​ រថភ្លើង​ជិត​ពាក់​កណ្តាល​របស់​ក្រុមហ៊ុន​ដឹក​ជញ្ជូន ​Eurostar​ ជា​ញឹកញាប់ ​ត្រូវ​បាន​លុប​ចោល​ ហើយ​មាន ​១ ​ភាគ ​៣ ​ប៉ុណ្ណោះ ​ដែល​ក្រុមហ៊ុន​ដឹក​ជញ្ជូន ​Thalys ​បាន​បើក​ឲ្យ​បម្រើ​សេវាកម្ម ​រវាង​ក្រុង​ប៉ារីស ​និង​ក្រុង​ប៊្រុចសែល ​នឹង​ធ្វើ​ប្រតិបត្តិការ​ដឹក​អ្នក​ដំណើរ​តាម​ធម្មតា​។​

រថភ្លើង​ក្រោម​ដី​នៅ​ក្រុង​ប៉ារីស​កំពុង​កក​ស្ទះ​យ៉ាង​ខ្លាំង​ ដោយ​មាន​រថភ្លើង​ចំនួន ​១១ ​ក្នុង​ចំណោម ​១៦ ​ខ្សែ ​នៅ​ក្នុង​ទីក្រុង​មួយ​នេះ ​ត្រូវ​បាន​បិទ​កាល​ពី​ថ្ងៃទី ​៥ ​ខែ​ធ្នូ​៕ Xinhua/SK

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។