.jpg)
ក្រុមពេទ្យធ្មេញអាហ្សង់ទីន ដែលបញ្ចប់ពីសាកលវិទ្យាល័យ Buenos Aires ធ្វើការជាអ្នកស្ម័គ្រចិត្តរកអ្នកឆ្លងវីរុស។ AFP
ក្រុងប៉ារីស៖ យោងតាមចំនួនសរុបរបស់ប្រភពផ្លូវការមួយចំនួនរបស់សារព័ត៌មាន AFP កាលពីថ្ងៃចន្ទបានឲ្យដឹងថា ចំនួនករណីឆ្លងវីរុសផ្លូវដង្ហើមកូរ៉ូណាប្រភេទថ្មីដ៏ចម្លែកនេះបានកើនឡើងរហូតដល់ជាង ២០ លាននាក់ បច្ចុប្បន្នត្រូវបានគេកត់ត្រានៅទូទាំងពិភពលោក គឺជាចំនួនជាងពាក់កណ្តាលនៅក្នុងប្រទេសអាមេរិក។
ករណីឆ្លងយ៉ាងតិច ២០ ០០២ ៥៧៧ នាក់ ហើយបច្ចុប្បន្នត្រូវបានគេរាយការណ៍ថា មានករណីស្លាប់ចំនួន ៧៣៣ ៨៤២ នាក់។ មានករណីឆ្លងវីរុសផ្លូវដង្ហើមកូរ៉ូណា ជាង ៤ ភាគ ១០ បានកើតឡើងនៅអាមេរិក និងប្រេស៊ីល ប្រទេសទាំង ២ បានរងការវាយប្រហារយ៉ាងធ្ងន់ធ្ងរបំផុតនៅលើពិភពលោក។
ខណៈអាមេរិកបានកត់ត្រាករណីឆ្លងចំនួន ៥ ០៧៥ ៦៧៨ នាក់ និងអ្នកស្លាប់ចំនួន ១៦៣ ២៨២ នាក់ ប្រទេសប្រេស៊ីល បានកត់ត្រាករណីឆ្លងចំនួន ៣ ០៥៧ ៤៧០ នាក់ និងស្លាប់ ១០១ ៧៥២ នាក់។
ល្បឿននៃការរាតត្បាត ទំនងជាកំពុងកើនឡើងនៅទូទាំងពិភពលោក ដោយមានករណីឆ្លងចំនួន ១ លាននាក់បន្ថែមទៀត បានរកឃើញយ៉ាងឆាប់រហ័សរៀងរាល់ ៤ ថ្ងៃម្តង ចាប់តាំងពីពាក់កណ្តាលខែកក្កដា កន្លងទៅ។
នៅក្នុងរយៈពេល ៩៤ ថ្ងៃ មានករណីឆ្លង ១ លាននាក់ ត្រូវបានគេកត់ត្រាក្រោយពីការប្រកាសអំពីករណីឆ្លងជាផ្លូវការដំបូង នៅក្នុងប្រទេសចិន។ រយៈពេល ៨៦ ថ្ងៃក្រោយមក កាលពីថ្ងៃទី ២៨ ខែមិថុនា កន្លងទៅ មនុស្សចំនួន ១០ លាននាក់ បានឆ្លងវីរុសផ្លូវដង្ហើមកូរ៉ូណា។ ចំនួនករណីឆ្លងដែលគេបានដឹងចាប់តាំងពីពេលនោះមកបានកើនឡើងទ្វេដង ក្នុងរយៈពេល ១ ខែកន្លះ។
នៅក្នុងប្រទេសអាមេរិកឡាទីន និងតំបន់ការីប៊ីន ជាតំបន់ដែលរងការវាយប្រហារយ៉ាងខ្លាំងបំផុត ដោយមានករណីឆ្លងចំនួន ៥ ៦០១ ៤៧០ នាក់ និងអ្នកស្លាប់ចំនួន ២២១ ២៨១ នាក់ ហើយវីរុសកូរ៉ូណានេះ បានបន្តឆ្លងយ៉ាងឆាប់រហ័ស ដោយមានករណីឆ្លងថ្មី ៥៧៦ ៥៨៣ នាក់ ត្រូវបានគេរាយការណ៍ នៅក្នុងរយៈពេល ៧ ថ្ងៃចុងក្រោយ។
បន្ទាប់មកប្រទេសអាស៊ី មានចំនួន (៤៩៥ ៦៦៣ នាក់) ប្រទេសកាណាដា និងអាមេរិកមាន (៣៧៩ ០១៧ នាក់) ប្រទេសអឺរ៉ុបមានចំនួន (១៥៣ ៨៧៩ នាក់) នៅប្រទេសអាហ្វ្រិកមាន (៨៩ ៦៤៤ នាក់) នៅមជ្ឈិមបូព៌ាមានចំនួន (៧៤ ៥៨៨ នាក់) និងនៅតាមតំបន់មហាសមុទ្រមានចំនួន (៣ ៣៧២ នាក់)។
ប្រទេសកាណាដា និងអាមេរិក ជាតំបន់ដែលបានរងការប៉ះពាល់យ៉ាងខ្លាំងបំផុតទី២ ដែលបានកត់ត្រាករណីឆ្លងវីរុសផ្លូវដង្ហើមកូរ៉ូណាចំនួន ៥ ១៩៥ ៤១៧ នាក់ និងករណីស្លាប់ចំនួន ១៧២ ៣០០ នាក់ បាននាំមុខប្រទេសអាស៊ី មានករណីឆ្លងជំងឺកូវីដ ១៩ ចំនួន (៣ ៤៩៣ ០២៦ នាក់ អ្នកស្លាប់មានចំនួន ៧២ ៤៨៦ នាក់) ប្រទេសអឺរ៉ុបមានករណីឆ្លងចំនួន (៣ ៣៧៤ ១៦៦ នាក់ ស្លាប់ ២១៣ ៤៨៤ នាក់) និងប្រទេសនៅមជ្ឈិមបូព៌ាមានករណីឆ្លង (១ ២៥៧ ៤១៧ នាក់ ករណីអ្នកស្លាប់មាន ៣០ ៣៦៣ នាក់)។
ប្រទេសអាហ្វ្រិកករណីឆ្លងចំនួន (១ ០៥៧ ៧៣០ នាក់ អ្នកស្លាប់ ២៣ ៥៨២ នាក់) ដែលជាទ្វីបបានរងផលប៉ះពាល់តិចតួចជាងគេ បន្ទាប់មកនៅក្នុងតំបន់មហាសមុទ្រមានមនុស្សចំនួន (២៣ ៣៥១ ៣៤៦ នាក់) បានកត់ត្រាមានករណីឆ្លងជំងឺកូវីដ ១៩ របស់ខ្លួនជាងពាក់កណ្តាលនៅក្នុងប្រទេសអាហ្រ្វិកខាងត្បូង។
ប្រទេសឥណ្ឌា គឺជាប្រទេសដែលមានករណីឆ្លងថ្មីច្រើនបំផុត កាលពីសប្តាហ៍មុនមានចំនួន (៤០២ ២៨៧ នាក់) បាននាំមុខ US (៣៧៦ ៤៧១ នាក់) ដែលកាលពីថ្ងៃអាទិត្យ ត្រូវគេរាយការណ៍ជាផ្លូវការថា មានករណីឆ្លងបានកើនឡើងដល់ ៥ លាននាក់៕ AFP/SK
