កាលពីថ្ងៃអង្គារ ទី ២៧ ខែមេសា ក្រុងកេបិច ប្រទេសកាណាដាបានរាយការណ៍ថា មានករណីស្លាប់ជាលើកដំបូង ដោយសារជំងឺឈាមកក បន្ទាប់ពីបានទទួលវ៉ាក់សាំង AstraZeneca ។
ប្រទេសកាណាដាបានរាយការណ៍ថា បន្ទាប់ពីការចាក់វ៉ាក់សាំងមានមនុស្សមានករណីឈាមកក។ ប៉ុន្តែមន្ត្រីសុខភាពសាធារណៈរបស់ប្រទេសកាណាដានៅតែបន្តប្រើប្រាស់វ៉ាក់សាំងនេះនៅក្នុងយុទ្ធនាការចាក់វ៉ាក់សាំងដដែល។
ប្រធានផ្នែកសុខភាពសាធារណៈនៃទីក្រុងកេបិចលោក Horacio Arruda បាននិយាយប្រាប់អ្នកយកព័ត៌មានថា ការស្លាប់របស់អ្នកជំងឺ ដោយសារជំងឺស្ទះសរសៃឈាមខួរក្បាល។ ចំពោះយុទ្ធនាការចាក់វ៉ាក់សាំងគឺនៅតែបន្ត។ នេះបើតាមសេចក្តីរាយការណ៍របស់សារព័ត៌មាន CNA ។
ក្រុមហ៊ុន AstraZeneca នៅកាណាដាបាននិយាយនៅក្នុងសេចក្តីថ្លែងការណ៍ថា ខ្លួនដឹងអំពីការស៊ើបអង្កេតលើការស្លាប់នេះហើយមិនធ្វើអត្ថាធិប្បាយបន្ថែមទៅលើករណីនោះទេ៕