.jpg)
វ៉ាក់សាំង Johnson & Johnson ត្រូវការការចាក់តែ ១ ដូសប៉ុណ្ណោះ។ AFP
កាលពីថ្ងៃសុក្រទី ៥ និយតករឱសថកាណាដាបានធ្វើការអនុញ្ញាតឱ្យប្រើប្រាស់វ៉ាក់សាំងកូវីដ១៩របស់ក្រុមហ៊ុន Johnson & Johnson ដែលជាវ៉ាក់សាំងទី ៤ អនុញ្ញាតឱ្យប្រើប្រាស់ក្នុងប្រទេសនេះ។
និយតករបានអនុញ្ញាតឱ្យចាក់វ៉ាក់សាំងអាមេរិក Pfizer-BioNTech និង Moderna Inc កាលពីខែធ្នូ និងវ៉ាក់សាំងអង់គ្លេស AstraZeneca នៅខែកុម្ភៈ។ វ៉ាក់សាំងទាំងនេះត្រូវការការចាក់ចំនួន ២ ដូស។ ខុសពីវ៉ាក់សាំងផ្សេងទៀត វ៉ាក់សាំង Johnson & Johnson ត្រូវការការចាក់តែ ១ ដូសប៉ុណ្ណោះ។
ក្នុងពេលជាមួយគ្នានេះនាយករដ្ឋមន្ត្រីកាណាដា លោក Justin Trudeau បានឱ្យដឹងថា ក្រុមហ៊ុន Pfizer បានយល់ព្រមក្នុងការពន្លឿនការដឹកជញ្ជូន ដោយគ្រោងនឹងបញ្ជូនវ៉ាក់សាំងចំនួន ៣,៥ លានដូសមុនពេលកំណត់នៅចុងខែឧសភា៕
