ប្រទេសជប៉ុន នឹងទទួលបានវ៉ាក់សាំងកូវីដ ១៩ ក្នុងបរិមាណកំណត់សម្រាប់ខែដំបូងនៃការចែកចាយវ៉ាក់សាំង។ ការចាក់វ៉ាក់សាំងកូវីដ ១៩ ទៅមនុស្សចាស់នឹងត្រូវចែកចាយជាបណ្តើរៗ។
កាលពីថ្ងៃអាទិត្យ ទី ២១ កុម្ភៈ រដ្ឋមន្រ្តីក្រសួងកំណែទម្រង់រដ្ឋបាលជប៉ុនលោក Taro Kono បាននិយាយថា ក្រុមហ៊ុន Pfizer Inc ដែលជាក្រុមហ៊ុនផលិតវ៉ាក់សាំង COVID-១៩ កំពុងបង្កើនផលិតកម្មនៅអឺរ៉ុប។ តម្រូវការវ៉ាក់សាំងមានការកើនឡើងដូច្នេះអាចធ្វើឲ្យវ៉ាក់សាំងមកដល់ប្រទេសជប៉ុន នៅខែឧសភា។
លោក Kono បាននិយាយបន្តថា ជប៉ុនមានគម្រោងផ្តល់វ៉ាក់សាំងទៅមនុស្សវ័យចំណាស់នៅខែមេសា ប៉ុន្តែដោយសារចំនួនវ៉ាក់សាំងនៅមានកំណត់ដូច្នេះការចែកចាយវ៉ាក់សាំងត្រូវធ្វើបណ្តើរៗទៅតាមបរិមាណដែលមាន៕