ក្រុងសេអ៊ូលៈ របាយការណ៍ថ្មីៗរបស់អង្គការសហប្រជាជាតិអំពីការដាក់ទណ្ឌកម្មទៅលើកូរ៉េខាងជើងមិនត្រឹមតែនិយាយលម្អិតអំពីរបៀបដែលការរឹតត្បិត ត្រូវបានអនុវត្តប៉ុណ្ណោះទេ ថែមទាំងបង្ហាញពីផលវិបាកជាច្រើនដែលទណ្ឌកម្មមានទៅលើកម្មវិធីមនុស្សធម៌នានាក្នុងប្រទេសនេះ។
របាយការណ៍ប្រចាំឆ្នាំរបស់ក្រុមអ្នកជំនាញ បានផ្តល់អនុសាសន៍ថា គណៈកម្មាធិការក្រុមប្រឹក្សាសន្តិសុខអង្គការសហប្រជាជាតិ ដែលកំពុងត្រួតពិនិត្យមើលការដាក់ទណ្ឌកម្មទៅលើកូរ៉េខាងជើង ពិចារណាលើសំណើដកទណ្ឌកម្មសម្រាប់កិច្ចខិតខំប្រឹងប្រែង មនុស្សធម៌នៅក្នុងលក្ខណៈ «រឹតត្បិត» ហើយអង្គការសហប្រជាជាតិវាយតម្លៃទៅលើផលប៉ះពាល់ទៅលើជំនួយមនុស្សធម៌ពីការដាក់ទណ្ឌកម្ម។
របាយការណ៍នោះ បាននិយាយថា៖ «ទោះបីមានការដាក់លក្ខខណ្ឌលើកលែង និងកិច្ចប្រឹងប្រែងរបស់គណៈកម្មាធិការនេះក្តីក៏ក្រុមទីភ្នាក់ងារអង្គការសហប្រជាជាតិ និងអង្គការមនុស្សធម៌ជាច្រើនបន្តតាមដានផលវិបាកអចេតនានានាទៅលើកម្មវិធីមនុស្សធម៌ជាច្រើន ដែលមិនអាចដំណើរការនៅក្នុងសាធារណរដ្ឋប្រជាធិបតេយ្យកូរ៉េធម្មតាបានទេ។
របាយការណ៍ដដែលនោះ បាននិយាយទៀតថា វិស័យ ៦ សំខាន់ៗគឺៈការពន្យារនៅក្នុងការទទួលបានការលើកលែង បណ្តាញធនាគារក្ស័យធនពន្យារនៅក្នុងការត្រួតពិនិត្យ បញ្ជីគយ កាត់បន្ថយការផ្គត់ផ្គង់បរទេសការធ្លាក់ចុះក្រុម អ្នកផ្គត់ផ្គង់បរទេសការដំឡើងថ្លៃដើមនៃសម្ភារ និងកិច្ចប្រតិបត្តិការទាក់ទងនឹងមនុស្សធម៌ និងការកាត់បន្ថយមូលនិធិសម្រាប់កិច្ចប្រតិបត្តិការការងារផ្សេងៗ៕ Yonhap/SK