កាលពីថ្ងៃសៅរ៍ ទី ២៧ កុម្ភៈ នៅរដ្ឋទុយនីស មានក្រុមអ្នកតវ៉ាប្រមូលផ្តុំគ្នា ដើម្បីគាំទ្រគណបក្សអ៊ិស្លាមនិយមកណ្តាលក៏ដូចជាដើម្បីសាមគ្គីភាព និងប្រជាធិបតេយ្យ។ ការធ្វើការតវ៉ានេះ គឺធ្វើឡើងអំឡុងពេលមានវិបត្តិនយោបាយក្នុងប្រទេស។
គណបក្ស Ennahdha ដែលដឹកនាំដោយអ៊ិស្លាមនិយម និងគណបក្ស QalbTounes សេរីបានជំរុញឱ្យមានការផ្លាស់ប្តូររដ្ឋាភិបាលឡើងវិញ កាលពីពាក់កណ្តាលខែមករា។
ប្រធានាធិបតីប្រទេសទុយនីស៊ី លោក Kais Saied បានរិះគន់យ៉ាងខ្លាំងចំពោះការផ្លាស់ប្តូរនេះដែលបានបញ្ជាក់ដោយសភា។ លោកបាននិយាយថា លោកមិនបានចូលរួមពិគ្រោះយោបល់ទាក់ទងនឹងបញ្ហានេះឡើយ។ លោកក៏បានចោទប្រកាន់ថា រដ្ឋមន្ត្រីមួយចំនួនត្រូវបានគេសង្ស័យថា មានអំពើពុករលួយ និងទំនាស់ផលប្រយោជន៍ផ្ទាល់ខ្លួន។
ការប្រឈមមុខខាងនយោបាយ កើតឡើងនៅពេលដែលប្រទេសទុយនីស៊ី បានរងផលប៉ះពាល់យ៉ាងខ្លាំងដោយជំងឺរាតត្បាតកូវីដ ១៩ និងសេដ្ឋកិច្ច៕