ក្រុងគុនដាស់ៈ ការបំផ្ទុះគ្រាប់បែកនៅតាមចិញ្ចើមផ្លូវមួយនៅប្រទេសអាហ្វហ្គានីស្ថានភាគខាងជើង បានបង្កឲ្យយុទ្ធជនគាំទ្ររដ្ឋាភិបាល ១១ នាក់ស្លាប់ នៅពេលគ្រាប់បែកនោះ បានផ្ទុះនៅក្នុងរថយន្តមួយគ្រឿង ជាការវាយប្រហារនៅមុនព្រឹកព្រលឹមថ្ងៃសៅរ៍ដែលមន្ត្រីអាហ្វហ្គានីស្ថាន បានស្តីបន្ទោសទៅលើក្រុមតាលីបង់។
មន្ត្រីអាហ្វហ្គានីស្ថានបានថ្លែងថា ក្រុមយុទ្ធជនគាំទ្ររដ្ឋាភិបាលនោះ បានកំពុងធ្វើដំណើរឆ្លងកាត់ខេត្ត បាដាក់ស្សាន ដើម្បីជួយកងកម្លាំងសន្តិសុខនៅក្នុងតំបន់នោះ។
អ្នកនាំពាក្យអភិបាលខេត្តបាដាក់ស្សាន គឺលោក សាណុលឡាហ៍ រូហានីបានថ្លែងប្រាប់ AFP ថា មេបញ្ជាការក្នុងតំបន់ម្នាក់ គឺបានស្ថិតនៅក្នុងចំណោមអ្នកស្លាប់និងរងរបួសនោះដែរ។
សមាជិកក្រុមប្រឹក្សាខេត្តបាដាក់ស្សាន គឺលោក អាប់ឌុលឡាហ៍ ណាជី បានថ្លែងថា ក្រុមតាលីបង់ បានទទួលខុសត្រូវចំពោះការវាយប្រហារនោះ ប៉ុន្តែក្រុមយុទ្ធជនរហូតមកទល់ពេលនេះ នៅមិនទាន់បានអះអាងចំពោះការវាយប្រហារនោះនៅឡើយទេ៕ SK