.jpg)
យុវជនស៊ីរីសម្រាកដោយអង្គុយនៅលើបង្អួចផ្ទះបាក់បែកមួយ បន្ទាប់ពីចូលរួមហ្វឹកហាត់យោធា។AFP
ក្រុងបេរូតៈ ក្រុមឃ្លាំមើលសិទ្ធិបានថ្លែងថា ការបំផ្ទុះគ្រាប់បែកនៅតាមចិញ្ចើមផ្លូវកន្លែងបានបង្កឲ្យក្រុមយុទ្ធជនគាំទ្ររបបស៊ីរីយ៉ាងតិច ៩ នាក់ស្លាប់កាលពីថ្ងៃសៅរ៍ នៅលើរថយន្តក្រុងមួយគ្រឿងនៅក្នុងទីក្រុងដារ៉ាអា ជាកន្លែងនៃការបះបោររយៈពេល ៩ ឆ្នាំនៅស៊ីរី។
ក្រុមឃ្លាំមើលសិទ្ធិមនុស្សស៊ីរីបានថ្លែងថា ការវាយប្រហារនៅក្នុងភូមិគីហីល នៅក្នុងខេត្តដារ៉ាអាភាគខាងត្បូង ក៏បានធ្វើមនុស្ស ១៩ នាក់ផ្សេងទៀតរងរបួសផងដែរ មួយចំនួនក្នុងចំណោមពួកគេ បានរងរបួសយ៉ាងធ្ងន់ធ្ងរ។
ប្រធានឃ្លាំមើលសិទ្ធិមនុស្សលោក រ៉ាមី អាប់ឌែល រ៉ាហ៍ម៉ាន់ បានថ្លែងថា អ្នកស្លាប់ និងរបួសគឺជាសមាជិកនៃក្រុមអតីតឧទ្ទាម ដែលបានសារភាពនៅក្នុងការផ្តួចផ្តើមគំនិតរបស់រុស្ស៊ីជាសម្ព័ន្ធមិត្តរបបស៊ីរី ដើម្បីបង្កើតផ្នែករបស់កងកម្លាំងស៊ីរី។
មិនមានការអះអាងភ្លាមៗ ជុំវិញការបំផ្ទុះគ្រាប់បែកនោះនៅឡើយទេ នៅក្នុងខេត្តមួយដែលក្រុមឃ្លាំមើលសិទ្ធិមនុស្សមានមូលដ្ឋាននៅអង់គ្លេសបានថ្លែងថា ជាញឹកញាប់មានការរង្គោះរង្គើរ ដោយសារការវាយប្រហារជាច្រើនលើក ប្រឆាំងក្រុមស្មោះត្រង់ និងជនស៊ីវិលកំពុងធ្វើការងារឲ្យស្ថាប័នរដ្ឋ៕ SK
