.jpg)
ក្រុងស្រ៊ីណាហ្គារ៖ យោធាបានថ្លែងកាលពីថ្ងៃអាទិត្យថា ទាហានឥណ្ឌា ៣ នាក់ និងក្រុមឧទ្ទាមគួរឱ្យសង្ស័យ ៣ នាក់ផ្សេងទៀតបានស្លាប់ នៅក្នុងការប្រយុទ្ធគ្នា នៅជិតតំបន់ព្រំដែនជម្លោះកាស្មៀរ ជាមួយប្រទេសប៉ាគីស្ថាន ជាការប៉ះទង្គិចគ្នា បណ្តាលឱ្យមនុស្សស្លាប់ចុងក្រោយបំផុត ដើម្បីវាយដណ្តើមយកតំបន់កាស្មៀរ អស់រយៈពេលជាច្រើនខែ។
វរសេនីយ៍ឯក រ៉ាចេសហ៍ កាលៀ បានថ្លែងថា ក្រោយពីទាហានឥណ្ឌាបានរកឃើញចលនា «គួរឱ្យសង្ស័យ» នៅក្នុងតំបន់ព្រៃម៉ាឆីលភាគខាងជើង នៅជិតរបងយោធា ១ កន្លែង ដែលជាសញ្ញាតំបន់ព្រំដែន ត្រូវបានគេដឹងគ្រប់គ្នាថា ជាខ្សែបន្ទាត់គ្រប់គ្រង (LoC) នៅតាមព្រំដែនប្រទេសទាំង ២។
លោកបានថ្លែងនៅក្នុងសេចក្តីថ្លែងការណ៍មួយថា ឆ្មាំការពារព្រំដែនឥណ្ឌាម្នាក់ និងជនសកម្មប្រយុទ្ធគួរឱ្យសង្ស័យម្នាក់បានស្លាប់នៅក្នុងការបាញ់តបតគ្នាទៅវិញទៅមកជាលើកដំបូង នៅមុនកងកម្លាំងយោធាជាច្រើននាក់ ត្រូវបាន «ប្រញាប់ប្រញាល់បញ្ជូនទៅកាន់តំបន់នោះ»។
លោក កាលៀ បានបន្ថែមថា ទាហានឥណ្ឌា ២ នាក់បន្ថែមទៀត និងក្រុមឧទ្ទាមគួរឱ្យសង្ស័យ ២ នាក់បន្ថែមទៀត ក្រោយមកបានស្លាប់ ខណៈកងកម្លាំងយោធា ២ នាក់ផ្សេងទៀតរងរបួសត្រូវបានគេបញ្ជូនទៅកាន់មន្ទីរពេទ្យ។
ការប៉ះទង្គិចគ្នានោះបានធ្វើឱ្យមនុស្សស្លាប់ចុងក្រោយបំផុតចាប់តាំងពីខែមេសា នៅពេលក្រុមសកម្មប្រយុទ្ធគួរឱ្យសង្ស័យ ៩ នាក់ និងទាហានឥណ្ឌា ៣ នាក់បានស្លាប់ នៅក្នុងឧប្បត្តិហេតុដាច់ដោយឡែកពីគ្នា ២ នៅក្នុងតំបន់កាស្មៀរបានគ្រប់គ្រងដោយប្រទេសឥណ្ឌា។
កាស្មៀរត្រូវបានពុះចែកប្រទេសទាំង ២៕ AFP/SK
