ក្រុងហ្គាហ្សា៖ ការបាញ់គ្នាទៅវិញទៅមកដែលបានបង្កឡើងដោយការសម្លាប់មេដឹកនាំយុទ្ធជនកំពូលដែលអ៊ីស្រាអែលបានកំណត់គោលដៅនៅក្រុងហ្គាហ្សា បានបណ្តាលឲ្យពលរដ្ឋប៉ាឡេស្ទីន ១៦ នាក់ស្លាប់ កាលពីថ្ងៃពុធដោយអំពើហិង្សា ដែលបានបង្ហាញអំពីសញ្ញាធ្លាក់ចុះតិចតួច។
យោងតាមក្រសួងសុខាភិបាលរបស់ក្រុងហ្គាហ្សាបានឲ្យដឹងថា ចំនួនអ្នកស្លាប់នៅក្នុងទឹកដីតាមឆ្នេរសមុទ្រ បានកើនឡើងដល់ ២៦ នាក់ ចាប់តាំងពីថ្ងៃអង្គារមក។
រ៉ុក្កែតជាច្រើនគ្រាប់បានបាញ់ទៅលើប្រទេស អ៊ីស្រាអែល ដែលបានឆ្លើយតបជាមួយការវាយប្រហារជាច្រើនលើកទៅលើអ្វីដែលខ្លួនបានថ្លែងថា គឺជាកន្លែងរបស់ក្រុមយុទ្ធជនជីហាដ និងក្រុមដែលបានបាញ់គ្រាប់រ៉ុក្កែតនៅក្នុងទីក្រុងហ្គាហ្សានោះ។
កាលពីរសៀលថ្ងៃពុធ អ៊ីស្រាអែលបានថ្លែងថា ខ្លួនបានកំណត់គោលដៅទៅលើក្រុមយុទ្ធជនជីហាដ ២ កន្លែង ដែលបានរៀបចំបាញ់មីស៊ីលប្រឆាំងរថក្រោះ។
ការវាយប្រហារផ្លូវអាកាស រថយន្តស៊ីរ៉ែនបានលាន់ឮ និងគ្រាប់បែកសាំងបានផ្ទុះឡើង ខណៈមីស៊ីលការពារផ្លូវអាកាសជាច្រើនគ្រាប់ បានបាញ់ទម្លាក់គ្រាប់រ៉ុក្កែតទាំងនោះ ដោយបានធ្វើឲ្យអ៊ីស្រាអែលវាយប្រហារបកវិញ៕ AFP/SK