ក្រុងតេអេរ៉ង់ៈ អ្នកនាំពាក្យអង្គភាពពន្លត់អគ្គិភ័យរបស់ក្រុងតេអេរ៉ង់់ លោក ចាឡាល់ ម៉ាលីកី បានថ្លែងថា មនុស្សយ៉ាងតិច ១៩ នាក់បានស្លាប់ នៅក្នុងការផ្ទុះមួយនៅឯក្លីនិកមួយកន្លែង នៅក្នុងសង្កាត់នៃរដ្ឋធានីតេអេរ៉ង់ភាគខាងជើង កាលពីថ្ងៃអង្គារ។
លោក ម៉ាលីគី បានថ្លែងប្រាប់ទីភ្នាក់ងារសារព័ត៌មាន IRNA ផ្លូវការថា សាកសព ១៥ នាក់គឺជាស្ត្រី និង ៤ នាក់ផ្សេងទៀតគឺជាបុរស។ លោកបានថ្លែងថា នៅក្នុងការផ្ទុះនោះ មនុស្ស ៦ នាក់ផ្សេងទៀត បានរងរបួសយ៉ាងធ្ងន់ធ្ងរ។
លោកបានបន្ថែមថា ទោះបីជាមនុស្ស ២០ នាក់ ដែលបានជាប់នៅក្នុងអគារ នៅពេលវាផ្ទុះឡើងនោះ ត្រូវបានជួយសង្គ្រោះដោយក្រុមអ្នកពន្លត់អគ្គិភ័យ។
ការផ្ទុះឮលាន់យ៉ាងខ្លាំង ហើយអណ្តាតភ្លើងយ៉ាងក្រហមឆ្អៅ បានឆាបឆេះក្លីនិក Sina Medical នៅតាមផ្លូវដែលមានហ្វូងមនុស្សយ៉ាងច្រើន នៅជិតទីលានតារីសហ៍កាលពីល្ងាចថ្ងៃអង្គារកន្លងទៅ៕ Xinhua/SK