.jpg)
លោកម៉ាឌូរ៉ូ (ស្តាំ) ចាប់ដៃជាមួយតំណាងសហភាពអឺរ៉ុប។ AFP
ក្រុងវ៉ាស៊ីនតោនៈ ក្រោយពីជ័យជម្នះក្នុងការបោះឆ្នោតដែលត្រូវរងការរិះគន់ថា មាន ការលួចបន្លំ ដោយគណបក្សប្រឆាំង និងសហគមន៍អន្តរជាតិនោះ ប្រធានាធិបតីវ៉េណេស៊ុយអេឡា លោក នីកូឡាស ម៉ាឌូរ៉ូ បានចូលកាន់តំណែងអាណត្តិថ្មីមួយដែលត្រូវបានគេមើលឃើញថា លោកនឹង កាន់តំណែងប្រធានាធិបតីរហូតដល់ឆ្នាំ ២០២៥ ដែល អំណាចស្ថិតនៅក្នុងកណ្តាប់ដៃរបស់លោកយ៉ាងណែនជាងពេលណាៗទាំងអស់។
ដូច្នេះហើយទើបក្រុមអ្នកវិភាគលើកឡើងថា តើមាន ការ ផ្លាស់ប្តូរនយោបាយ និងប្រជាធិបតេយ្យដែរឬទេ?
លោក Juan Guaido ជាវិស្វករឧស្សាហកម្មមានវ័យ ៣៥ ឆ្នាំ ដែលបានគ្រប់គ្រងសភាដែលគ្របដណ្តប់ដោយគណបក្សប្រឆាំង កាលពីថ្ងៃទី ៥ ខែមករា បានទទួលតំណែងថ្មីនៅក្នុងស្ថាប័ននេះដែល ប្រើប្រាស់ច្បាប់រដ្ឋធម្មនុញ្ញ របស់លោក ម៉ាឌូរ៉ូ នោះ។
លោក Geoff Ramsey អនុប្រធានាធិបតីវ៉េណេស៊ុយអេឡាដែលធ្វើការនៅ WOLA ជាមជ្ឈមណ្ឌលសិក្សាស្រាវជ្រាវអាមេរិកឡាទីនមានមូលដ្ឋាននៅក្រុងវ៉ាស៊ីនតោន បានថ្លែងថា៖ «អ្វីៗទាំងអស់ដូចជាការបង្កើតថ្មី។ គណបក្សប្រឆាំងនៅពេលនេះ បានធ្វើការរួបរួមយ៉ាងរឹងមាំ ជាងពេលណាៗទាំងអស់»។
លោក Andres Oppenheimer ជាអ្នកកាសែតដ៏ល្បីល្បាញម្នាក់ បានសរសេរថា៖ «សម្រាប់លើកដំបូងនៅក្នុងរយៈពេលជាច្រើនខែមកនេះ លោក ម៉ាឌូរ៉ូ ការពារខ្លួនយ៉ាង ប្រុងប្រយ័ត្នបំផុត»៕ AFP/SK
