ក្រុងកាប៊ុលៈ អាជ្ញាធរបានថ្លែងថា ក្រុមបំបែកខ្លួនបាឡុកបានបើកការបាញ់ប្រហារ ហើយបានគប់គ្រាប់បែកទៅលើផ្សារភាគហ៊ុនប៉ាគីស្ថាន នៅក្នុងទីក្រុងការ៉ាជីកាលពីថ្ងៃចន្ទ ដោយបានបង្កឲ្យមនុស្ស ៦ នាក់ស្លាប់ នៅក្នុងនោះមានប៉ូលិសម្នាក់។
កងកម្លាំងសន្តិសុខ ៤ នាក់ មន្ត្រីប៉ូលិសម្នាក់ និងអ្នកនៅក្បែរកន្លែងកើតហេតុម្នាក់ បានស្លាប់នៅក្នុងកន្លែងច្របូកច្របល់នោះ ចំណែកឯប្រធានប៉ូលិសប្រចាំតំបន់ គឺលោក ហ្គូឡាម ណាប៊ី មីមុន បានថ្លែងថា ក្រុមជនវាយប្រហារទាំងអស់ ៤ នាក់ ក៏បានស្លាប់ផងដែរ។
នៅក្នុងសេចក្តីថ្លែងការណ៍មួយ ប៉ូលិសក្រុងការ៉ាជីបានថ្លែងថា៖ «ប៉ូលិសបានរកឃើញអាវុធស្វ័យប្រវត្តិ និងសម្ភារគ្រឿងផ្ទុះដ៏ទំនើបពីក្រុមភេរវករទាំងនោះ»។
កងកម្លាំងរំដោះបាឡូជីស្ថាន (BLA) ក្រោយមកបានអះអាងទទួលខុសត្រូវនៅក្នុងសារមួយ ដែលបានផ្ញើទៅកាសែត AFP ដោយបាននិយាយថា អង្គភាពសម្រាំងរបស់ក្រុមយុទ្ធជន បានបើកការវាយប្រហារនៅទីនោះ៕ SK