ក្រុងកាណូៈ ក្រុមអ្នកស្រុកបានប្រាប់ AFP កាលពីថ្ងៃពុធថា មនុស្សយ៉ាងតិច៣០នាក់ បានស្លាប់នៅក្នុងអំឡុងការវាយប្រហារទៅលើភូមិជាច្រើននៅនីហ្សេរីយ៉ា ភាគឦសាន ជាការវាយប្រហារថ្មីបំផុត បណ្តាលឲ្យមនុស្សស្លាប់ច្រើន ដោយក្រុមឃ្វាលគោ និងក្រុមអ្នកចាប់ជំរិតនៅក្នុងតំបន់ ដែលមានភាពជ្រួលច្របល់នោះ។
ក្រុមចោរព្រៃប្រដាប់អាវុធជិះម៉ូតូ បានធ្វើការវាយប្រហារទៅលើភូមិ ៥ នៅតំបន់ជនបទនៅក្នុងស្រុក Maradun នៃរដ្ឋ Zamfara កាលពីរសៀលថ្ងៃអង្គារ ដោយបាញ់ប្រហារគ្មានរើសមុខ និងលួចគោក្របី។
លោក Jabbi Labbo ជាមេដឹកនាំសហគមន៍មួយនៅក្នុងភូមិ Gyadde ជាភូមិមួយក្នុងចំណោមភូមិ ដែលរងការវាយប្រហារនោះ។
លោក Labbo បាននិយាយថា៖«មនុស្ស៧នាក់ ត្រូវបានគេសម្លាប់នៅក្នុងភូមិ Sakkida ៤ នាក់នៅក្នុងភូមិ Farin Zare ៨នាក់នៅក្នុងភូមិ Orawa ៧ នាក់នៅក្នុងភូមិ Gyadde និង ៤ នាក់នៅក្នុងភូមិ Sabon Gari៕ PSA