The Phnom Penh Post Search

Search form




Logo of Phnom Penh Post newspaper Phnom Penh Post - ការ​វាយ​ប្រហារ​នៅ​ស៊ីរី​ភាគ​ពាយព្យ​ បណ្តាល​ឲ្យ​មនុស្ស ​៤៣ នាក់​ស្លាប់​

ការ​វាយ​ប្រហារ​នៅ​ស៊ីរី​ភាគ​ពាយព្យ​ បណ្តាល​ឲ្យ​មនុស្ស ​៤៣ នាក់​ស្លាប់​

Content image - Phnom Penh Post
អ្នក​ជួយ​សង្រ្គោះ​ដើរ​ចន្លោះ​បំណែក​​​ថ្ម​អគារ​ដែល​រង​ការ​វាយ​ប្រហារ​ផ្លូវ​អាកាស​។ AFP

ការ​វាយ​ប្រហារ​នៅ​ស៊ីរី​ភាគ​ពាយព្យ​ បណ្តាល​ឲ្យ​មនុស្ស ​៤៣ នាក់​ស្លាប់​

ក្រុង​បេរូតៈ ​ក្រុម​ឃ្លាំមើល​សិទ្ធិ​មនុស្ស​បាន​និយាយ​​ថា ​ការ​ប៉ះ​ទង្គិច​គ្នា​រវាង​កង​កម្លាំង​រដ្ឋាភិបាល​ និង​ក្រុម​ជីហាដ​ បាន​បណ្តាល​ឲ្យ​ក្រុម​យុទ្ធជន​សកម្ម​ប្រយុទ្ធ​ ៤៣ នាក់​ស្លាប់ ​នៅ​ស៊ីរី​ភាគពាយព្យ​ ជា​ទី​ដែល​កង​កម្លាំង​របប​ស៊ីរី​ និង​ក្រុម​​សម្ព័ន្ធ​មិត្ត​របស់​ខ្លួន​ បាន​បង្កើន​ការ​វាយ​ប្រហារ​នៅ​ក្នុង​រយៈ​ពេល​ប៉ុន្មាន​ថ្ងៃ​មក​នេះ​។​

នៅ​ក្នុង​សេចក្តី​ថ្លែង​ការណ៍​មួយ​ក្រសួង​ការពារ​ជាតិ​​រុស្ស៊ី​បាន​ថ្លែង​ថា ​ក្រុម​ជីហាដ​ បាន​វាយ​ប្រហារ​រ៉ុក្កែត​ជា​ច្រើន​គ្រាប់​ ទៅ​លើ​មូលដ្ឋាន​ទ័ព​អាកាស​រុស្ស៊ី​មួយ​កន្លែង​នៅ​ក្នុង​តំបន់​នោះ​ ប៉ុន្តែ​ត្រូវ​បាន​រុញ​ច្រាន ​ទៅ​វិញ​ជា​មួយ​នឹង​ការ​វាយ​ប្រហារ​ដែល​មិន​បាន​ធ្វើ​ឲ្យ​មាន​អ្នក​​ស្លាប់​ និង​រង​របួស​ ឬ​ធ្វើ​ឲ្យ​ខូចខាត​អ្វី​នោះ​ទេ​។​

ក្រុម​ឃ្លាំមើល​សិទ្ធិ​មនុស្ស​ស៊ីរី​មាន​មូលដ្ឋាន​នៅ​អង់គ្លេស​បាន​ថ្លែង​ថា​ ក្រុម​យុទ្ធជន​គាំទ្រ​រដ្ឋាភិបាល​ ២២ ​នាក់​ នៅ​ក្នុង​ចំណោម​អ្នក​ដែល​​ស្លាប់​នៅ​ក្នុង​កា​រវាយ​ប្រហារ​យ៉ាង​សាហាវ​នៅ​ទី​ជនបទ​នៃ​ខេត្ត​ហាម៉ា​ភាគ​ខាង​ជើង​។​

ក្រុម​ឃ្លាំមើល​សិទ្ធិ​មនុស្ស​បាន​ថ្លែង​ថា​ ក្រុម​ជីហាដ​និយម​ ​២១ ​នាក់​ នៅ​ក្នុង​នោះ​មាន​ក្រុម​សមាជិក​អតីត​អាល់កៃដា​នៅ​ស៊ីរី ​គឺ​ក្រុម​ Hayat Tahrir al-Sham ​(HTS) ​និង​គណបក្ស​អ៊ិស្លាម​ឃើដ​សម្ព័ន្ធមិត្ត​របស់​ខ្លួន​ បាន​ស្លាប់​នៅ​ក្នុង​ការ​ប្រយុទ្ធ​គ្នា​នោះ​។​

ក្រុម​ឃ្លាំមើល​សិទ្ធិ​មនុស្ស​ស៊ីរី​ បាន​ថ្លែង​បន្ថែម​ទៀត​ថា ​ការ​ប្រយុទ្ធ​គ្នា​យ៉ាង​ស្វិតស្វាញ បំផុត​បាន​កើត​ឡើង​ ខណៈ​​កង​កម្លាំង​គាំទ្រ​របប​រដ្ឋាភិបាល​ស៊ីរី​​ បាន​រុល​សម្រុក​ទៅ​មុខ​ចូល​ទៅ​ដណ្តើម​​កាន់​កាប់​យក​​ភូមិ ​២​ និង​កំពូល​ភ្នំ​យុទ្ធសាស្ត្រ​មួយ​កន្លែង​នៅ​ក្នុង​តំបន់​នៃ​​ខេត្ត​​អ៊ីដលីប​នោះ​៕​ AFP/SK

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។