The Phnom Penh Post Search

Search form




Logo of Phnom Penh Post newspaper Phnom Penh Post - ការ​វាយ​ប្រហារ​ផ្លូវ​អាកាស​នៅ​​លីប៊ី ​អាច​ជាប់​ពាក់ព័ន្ធ​ជាមួយ​នឹង​ប្រទេស អារ៉ាប់រួម​

ការ​វាយ​ប្រហារ​ផ្លូវ​អាកាស​នៅ​​លីប៊ី ​អាច​ជាប់​ពាក់ព័ន្ធ​ជាមួយ​នឹង​ប្រទេស អារ៉ាប់រួម​

Content image - Phnom Penh Post
យុទ្ធជន​ស្មោះត្រង់​រដ្ឋាភិបាល​​យាម​នៅ​ក្បែរ​​​បន្ទាយ​យោធា​ Salah-al-Din។ AFP​

ការ​វាយ​ប្រហារ​ផ្លូវ​អាកាស​នៅ​​លីប៊ី ​អាច​ជាប់​ពាក់ព័ន្ធ​ជាមួយ​នឹង​ប្រទេស អារ៉ាប់រួម​

បុរី​ញូវយ៉កៈ​ របាយការណ៍​សម្ងាត់​មួយ​បាន​បង្ហាញ​ឲ្យ ឃើញ​ថា ​ក្រុម​អ្នក​ជំនាញ​របស់​អង្គការ​សហ​ប្រជាជាតិ ​កំពុង​ស៊ើប​អង្កេត​​ទៅ​លើ​​ការ​វាយ​ប្រហារ​មីស៊ីល​ជា​ច្រើន​លើក​នៅ​ក្បែរ​ក្រុង​ប្រទេស ​លីប៊ី​ ដែល​ទំនង​ជា​ត្រូវ​បាន​គេ​បាញ់​ដោយ​ប្រើប្រាស់​យន្តហោះ​ដ្រូន​ផលិត​នៅ​ប្រទេស ​ចិន ​ហើយ​អាច​នឹង​ជាប់​ពាក់ព័ន្ធ​ជាមួយ​នឹង​​ប្រទេស ​អារ៉ាប់រួម​។​

ការ​វាយ​ប្រហារ​មីស៊ីល​កាល​ពី​ថ្ងៃទី ​១៩​-២០ ខែ ​មេសា​​​ទៅ​លើ​តំបន់​ជាយ​ក្រុង​ទ្រីប៉ូលី​ភាគ​ខាង​ត្បូង​ត្រូវ​បាន​ធ្វើ​ឡើង​ ខណៈ​កង​កម្លាំង​ស្មោះ​ត្រង់​នឹង​លោក មេ​បញ្ជាការ​ Khalifa Haftar ​បាន​ប្រយុទ្ធ​ដណ្តើម​កាន់​កាប់​យក​ទីក្រុង​នេះ​ពី​រដ្ឋាភិបាល​ទទួល​ស្គាល់​ដោយ​អង្គការ​សហ​ប្រជាជាតិ​។​

ក្រុម​អ្នក​ជំនាញ​របស់​អង្គការ​សហ​ប្រជាជាតិ​ បាន​និយាយ​នៅ​ក្នុង​របាយការណ៍​ទៅ​កាន់​ក្រុម​ប្រឹក្សា​សន្តិសុខ​ ជា​ឯកសារ ដែល​កាសែត ​AFP បាន​ឃើញ​​ បាន​ឲ្យ​ដឹង​ថា ខ្លួន​បាន​ត្រួត​ពិនិត្យ​មើល​រូបភាព​បំណែក​មីស៊ីល​ ហើយ​បាន​​កំណត់​អត្តសញ្ញាណ​ថា​ ជា​មីស៊ីល ​Blue ​Arrow បាញ់​ពី​ដី​ទៅ​លើ​អាកាស​ ដែល​ពី​មុន​​មិន​ត្រូវ​បាន​គេ​ប្រើប្រាស់​នៅ​​ប្រទេស ​លីប៊ី​។​

មីស៊ីល​ផលិត​នៅ​ប្រទេស ​ចិន កំពុង​ត្រូវ​បាន​​ប្រើប្រាស់​នៅ​ប្រទេស​ចំនួន ​៣ គឺ​ប្រទេស ចិន​ កាហ្សាក់ស្ថាន ​និង​​ប្រទេស ​អារ៉ាប់រួម​ ហើយ​ត្រូវ​បាន​យក​មក​​ប្រើប្រាស់​ជាមួយ​​ដ្រូន Wing Loong ​ផលិត​នៅ​​ចិន​​នោះ​។​

យោង​តាម​របាយការណ៍​ដែល​បាន​ផ្ញើ​ទៅ​កាន់​ក្រុម​ប្រឹក្សា UN កាល​ពី​ថ្ងៃ​ព្រហស្បតិ៍​បាន​ឲ្យ​ដឹង​ថា​៖ «ការ​វាយ​ប្រហារ​​យន្តហោះ​ដ្រូន​ Wing Loong UAV ដោយ​កង​កម្លាំង​ជាតិ​លីប៊ី​ LNA​ ឬ​ដោយ​ភាគី​ទី​៣ ​នៅ​ក្នុង​ការ​គាំទ្រ​កង​កម្លាំង ​LNA កំពុង​ត្រូវ​បាន​​ស៊ើប​អង្កេត​»​៕ AFP/SK

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។