ក្រុងបេរូតៈ អ្នកឃ្លាំមើលសិទ្ធិមនុស្សស៊ីរី បាននិយាយថា ការវាយប្រហាររបស់អ៊ីស្រាអែលនោះ បានកម្ទេចគោលដៅជាច្រើនកន្លែងនៅស៊ីរីកាលពីយប់ថ្ងៃចន្ទ ដោយបានបណ្តាលឲ្យជនសកម្មប្រយុទ្ធគាំទ្ររបបស៊ីរីយ៉ាងតិច ១១ នាក់ ស្លាប់ ក្នុងនោះរួមមានទាហានស៊ីរី ២ នាក់។
យោធាអ៊ីស្រាអែល បាននិយាយថា ខ្លួនបានយកទីតាំងឈរជើងរបស់អ៊ីរ៉ង់នៅប្រទេសនេះជាគោលដៅ ក្រោយពីមានការបាញ់ស្ទាក់រ៉ុក្កែតមួយគ្រាប់ ដែលបានបាញ់ចេញពីទឹកដីស៊ីរីនោះ។
ក្រុមឃ្លាំមើលសិទ្ធិមនុស្សស៊ីរីនោះ បាននិយាយថា ពួកគេបានស្លាប់មនុស្សជាច្រើន ដោយសារការវាយប្រហារដោយអ៊ីស្រាអែលនៅស៊ីរី ចាប់តាំងពីខែឧសភា ឆ្នាំ ២០១៨ មក ។
ប្រមុខឃ្លាំមើលសិទ្ធិមនុស្ស លោក Rami Abdel Rahman បាននិយាយថា៖ «អ៊ីស្រាអែល បានវាយប្រហារទៅលើទីតាំងយោធាអ៊ីរ៉ង់និងស៊ីរី នៅក្បែរនោះ និងនៅក្រុងដាម៉ាសភាគខាងត្បូង ដោយបានបង្កឲ្យជនសកម្មប្រយុទ្ធយ៉ាងតិច ១១ នាក់ ស្លាប់៕ SK