ក្រុងទ្រីប៉ូលីៈ រដ្ឋាភិបាលបានទទួលដោយអង្គការសហប្រជាជាតិបានថ្លែងថា ការបាញ់រ៉ុក្កែតទៅលើរដ្ឋធានីលីប៊ី បានបង្កឲ្យជនស៊ីវិលយ៉ាងតិច ៥ នាក់ស្លាប់កាលពីថ្ងៃអាទិត្យ ដោយបានស្តីបន្ទោសទៅលើកងកម្លាំងគូបដិបក្ខរបស់បុរសខ្លាំងលោក ហ្គាលីហ្វា ហាហ្វតារ ជុំវិញការវាយប្រហារនោះ។
លោក អាមីន អាល់-ហាឈីមី អ្នកនាំពាក្យរដ្ឋាភិបាលរបស់ក្រសួងសុខាភិបាលបង្រួបបង្រួមជាតិ បានថ្លែងថា៖ «ជនស៊ីវិល ៥ នាក់បានស្លាប់ និង ១២ នាក់ផ្សេងទៀតរងរបួស» នៅពេលរ៉ុក្កែត ៥ គ្រាប់ បានធ្លាក់ទៅលើសង្កាត់លំនៅឋាននៃទីក្រុងទ្រីប៉ូលី។
លោក ហាឈីមី បានបន្ថែមថា អ្នករងរបួសខ្លះបានស្ថិតនៅក្នុងស្ថានភាពយ៉ាងធ្ងន់ធ្ងរ នៅក្នុងនោះមានម្នាក់ដែលមានអវយវៈដាច់គ្មានសល់។
លោកបានថ្លែងថា កងកម្លាំងរបស់បុរសខ្លាំងហាហ្វតារ ដែលបានគ្រប់គ្រងផ្នែកជាច្រើន នៅប្រទេសលីប៊ីភាគខាងកើត និងខាងត្បូង បានកំណត់គោលដៅទៅលើសង្កាត់ Soug el-Tlath នៅជិតនោះ និងផ្លូវហ្គារប៊ីនៅកណ្តាលទីក្រុងទ្រីប៉ូលី៕ SK