The Phnom Penh Post Search

Search form

ការវាយ​ប្រហារ​អត្តឃាត​ សម្លាប់ ១៨ នាក់

Content image - Phnom Penh Post
ពលរដ្ឋអ៊ីរ៉ាក់ ពិនិត្យ​មើល​កន្លែង​វាយប្រហារ​នៅ​ផ្សារបន្លែ​លក់ដុំ​។ Afp

ការវាយ​ប្រហារ​អត្តឃាត​ សម្លាប់ ១៨ នាក់

ក្រុងបាកដាដៈ ការវាយប្រហារ​អត្តឃាត​នៅ​ផ្សារពីរ​នៃ​ក្រុង​បាកដាដ បានបណ្តាល​ឲ្យ​មនុស្ស​យ៉ាងតិច ១៨ នាក់​ស្លាប់​ពីថ្ងៃ​អាទិត្យ ជាការ​វាយប្រហារ​ថ្មី​បំផុត​ចំរដ្ឋធានី​នេះ ខណៈ​កម្លាំង​អ៊ីរ៉ាក់ បាន​ប្រយុទ្ធ​ជាមួយ​ក្រុម​ជីហាដ​រដ្ឋអ៊ិស្លាម​នៅ​ក្រុង​ម៉ូស៊ូល។

កម្លាំង​អ៊ីរ៉ាក់ បាន​រុញក្រុម IS ចេញពី​ទឹកដី​ភាគច្រើន ដែល​ក្រុម​នោះ ធ្លាប់​កាន់កាប់ ប៉ុន្តែ​រលក​នៃ​ការវាយ​ប្រហារ​ថ្មីៗនេះ បានបង្ហាញ​កំហឹង ដែល​ក្រុម​ជីហាដ​បង្ក​ចំពោះ​ក្រុមជន​ស៊ីវិល ខណៈ​ពួកគេ បាន​បាត់បង់​មូលដ្ឋាន​របស់​ពួកគេ។

ការវាយប្រហារ​ទី ១ កាលពី​ថ្ងៃអាទិត្យ បានកើត​ឡើង​នៅផ្សារ Jamila ជាផ្សារ​បន្លែ​លក់ដុំ​ធំនៅក្នុង​សង្កាត់ Sadr City នៃ​ក្រុង​បាកដាដ ជា​សង្កាត់​ភាគច្រើន​ស៊ីអ៊ីត​នៅក្នុង​រដ្ឋធានី​ភាគ​ឦសាន​ដែល​ត្រូវបាន​យក​ជាគោលដៅ​ជាច្រើនលើក។

អ្នកនាំពាក្យ​ក្រសួង​មហាផ្ទៃ​លោក Saad Maan បាន​និយាយថា៖ «ទាហាន​ម្នាក់នៅ​ច្រកចូល​ផ្សារ Jamila នោះ បាន​បើក​ការវាយ​ប្រហារ​ទៅលើ​រថយន្ត​គ្រាប់បែក​អត្តឃាត​មួយគ្រឿង ក្រោយពី​បានកត់​សម្គាល់​រថយន្ត​របស់​ជនសង្ស័យ ប៉ុន្តែ​ភេរវករ​នោះ បាន​បំផ្ទុះ​រថយន្ត​របស់ខ្លួន​ឯង។

ប៉ូលិស​ឋានៈ​វរសេនីយ៍ឯក​ម្នាក់ និង​មន្ត្រី​សុខាភិបាល​ម្នាក់ បាននិយាយថា មនុស្ស​យ៉ាងតិច ១២ នាក់​ស្លាប់ និង ៣៩ នាក់​រងរបួស។ ទាហាន​ម្នាក់ ដែលបាន​វាយប្រហារ​ទៅលើ​អ្នក​វាយប្រហារ​នោះ ក៏នៅ​ក្នុងចំណោម​អ្នករងរបួស​ទាំង​នោះដែរ។

Content image - Phnom Penh Post
កម្លាំង​សន្តិសុខ​អ៊ីរ៉ាក់ ការពារ​កន្លែង​វាយប្រហារ​នៅផ្សារ​បន្លែ​លក់ដុំ។ Afp

ក្រុមមន្ត្រី បាន​និយាយថា ការវាយប្រហារ​លើកទី ២ គេឃើញ​អ្នក​វាយប្រហារ​អត្តឃាត​ម្នាក់ បំផ្ទុះ​គ្រឿងផ្ទុះ​នៅ​ផ្សារមួយ​នៅក្នុង​តំបន់ Baladiyat ខាងកើត​ក្រុង​បាកដាដ ដោយបាន​បណ្តាល​ឲ្យមនុស្ស​យ៉ាងតិច ៦ នាក់​ស្លាប់ និង​យ៉ាងតិច ១៦ នាក់​រងរបួស។

ក្រុម IS បានចេញ​សេចក្តី​ថ្លែងការណ៍​មួយតាម​បណ្តាញ​អ៊ីនធឺណិត ដែល​បាន​អះអាង​ចំពោះ ការវាយប្រហារ​នោះ ដោយ​និយាយថា ខ្លួន​បានយក​សមាជិក​នៃ​ក្រុម​ភាគច្រើន​មូស្លីម​ស៊ីអ៊ីតអ៊ី​រ៉ាក់ ដែល​ក្រុម​ជីហាដ​ចាត់ទុកជា​ក្រុមប្រឆាំង​សាសនា​ជាគោលដៅ។

គ្មាន​ការអះអាង​ទទួល​ខុសត្រូវ​ភ្លាមៗ​ចំពោះ​ការវាយប្រហារ​នៅ​តំបន់ Baladiyat នោះទេ ប៉ុន្តែ​សញ្ញានៃ​ការវាយប្រហារ​នោះ​ត្រូវបាន​ធ្វើឡើង​ដោយ​ក្រុម IS។

មន្ទីរពេទ្យ​នៅក្នុង​សង្កាត់ Sadr City ជាទី​ដែល​ឆ្អឹង​របស់គេ​ត្រូវបាន​យកចេញ​នោះ បាន​និយាយ​នៅក្នុង​សេចក្តី​ថ្លែងការណ៍​មួយថា គ្រឿងផ្ទុះ​មួយទៀត បានផ្ទុះ​នៅពេល​សាកសព​របស់​អ្នក​វាយប្រហារ​នៅផ្សារ Jamila ត្រូវដាក់​នៅ​កន្លែង​ដាក់​សាកសព។

សេចក្តីថ្លែងការណ៍​នោះ បាននិយាយថា ការផ្ទុះ​នោះ បាន​កើតឡើង​នៅពេល​បុគ្គលិក​ម្នាក់​បាន​រើស​ឆ្អឹង ខណៈ​កំពុង​ស្វែងរក​ឯកសារ​បញ្ជាក់​អត្តសញ្ញាណ។

សេចក្តីថ្លែងការណ៍​ដដែល បាន​និយាយថា ការផ្ទុះ​នោះ មិនបាន​បណ្តាល​ឲ្យ​ខូចខាត ឬ រងរបួស​ទេ ប៉ុន្តែអ្នក​ថតរូប​ម្នា​ក់នៅ​កន្លែង​កើតហេតុ​នោះ បាន​បញ្ជាក់ថា ការផ្ទុះ​នោះ បានបណ្តាល​ឲ្យ​បង្អួច​មួយខ្ទេច​ជាចម្រៀក។ ក្រុម IS បាន​អះអាង​ពីការវាយ ប្រហារ​នៅ​ថ្ងៃទី ២ មករា៕

អត្ថបទគួរចាប់អារម្មណ៍

  • សណ្ឋាគារ​ប្រណីត​នៅ​កោះរ៉ុង បើក​ជា​ផ្លូវការ

    ភ្នំពេញៈ សណ្ឋាគារ​ដ៏ប្រណីត Royal Sands នៅលើ​កោះរ៉ុង​របស់​លោក គិត ម៉េង បាន​បើក​ដំណើរការ​ជា​ផ្លូវការ​កាលពី​ថ្ងៃ​ម្សិលមិញ ដែល​គេ​រំពឹង​ថា​នឹង​ទាក់ទាញ​ភ្ញៀវទេសចរ​កាន់តែ​ច្រើន​។

  • ដំរី​ដែល​ចូល​ចម្ការ​អ្នក​ភូមិ​បាន​គេច​ទៅ​ភ្នំ​ដងរែក

    ឧត្តរមានជ័យៈ ក្រុម​មន្ត្រី​បាន​និយាយ​ថា​សត្វ​ដំរី​ញី​មួយ​ក្បាល​ដែល​បាន​ចូល​លុកលុយ​ក្នុង​ចម្ការ​អ្នកភូមិ​រំដួល​ចាស់ ឃុំ​អម្ពិល ស្រុក​បន្ទាយ​អម្ពិល ខេត្ត​ឧត្តរមានជ័យ​កាលពី​ព្រឹក​ថ្ងៃ​អាទិត្យ​នោះ​បាន​គេច​ខ្លួន​ចូល​ទៅ​ក្នុង​តំបន់​ជួរ​ភ្នំ​ដងរែក​វិញ​ហើយ ខណៈ​ដែល​ក្រុម​មន្ត្រី​ជំនាញ​បរិស្ថាន និង​អាជ្ញាធរ​កំពុង​បន្ត​ឃ្លាំ​មើល​ពី​ដំណើរ​របស់​វា​។

  • ព្រះមហាក្សត្រ​អំពាវនាវ​ឲ្យ​ធានា​ការពារ​យុត្តិធម៌​ និង គោរព​សិទ្ធិ​មនុស្ស

    ភ្នំពេញៈ ក្រោយពី​ឈ្នះ​អាសនៈ​ទាំង​ ៥៨ ដោយ​មិន​មាន​អតីត​បក្ស​សង្គ្រោះ​ជាតិ​ដែល​ជា​គូប្រកួត​ដ៏ស័ក្តិសម​នឹង​គ្នា​សម្រាប់​ការបោះឆ្នោត​ព្រឹទ្ធសភា​ពី​ខែ​កុម្ភៈ គណបក្ស​កាន់​អំណាច​ដែល​ទទួល​ជ័យជម្នះ​បាន​បន្ត​គ្រប់គ្រង​ស្ថាប័ន​នីតិប្បញ្ញត្តិ​ជាថ្មី​ដោយ​បើក​សម័យប្រជុំ​លើក​ដំបូង នីតិកាល​ទី​ ៤ ​នៃ​ព្រឹទ្ធសភា​ពី​ម្សិលមិញ​ក្រោម​ព្រះរាជាធិបតីភាព​ព្រះមហាក្សត្រ​ព្រះបាទ​សម្តេច​ព្រះនរោត្តម សីហមុនី ដែល​ព្រះអង្គ​អំពាវនាវ​ឲ្យ​មាន​ការធានា​ការពារ​យុត្តិធម៌ និង​គោរព​សិទ្ធិ​មនុស្ស និង​រួម​សាមគ្គី​គ្នា​ជា​ធ្លុង​មួយ​។

  • នាយក​រដ្ឋមន្ត្រី​បញ្ជា​ឲ្យ​ដកហូត​កោះ​ ៣០ ​មក​វិញ និង​ឲ្យ​ពិនិត្យ​អ្នក​នៅ​ពី​ក្រោយ​ការទន្ទ្រាន​យក​ដី

    ព្រះសីហនុៈ លោក​នាយករដ្ឋមន្ត្រី ហ៊ុន សែន បាន​បញ្ជា​ឲ្យ​ដកហូត​កោះ​ដែល​មិន​បាន​អភិវឌ្ឍ​ប្រមាណ​ ៣០ ​មក​វិញ​ ខណៈ​អត្តសញ្ញាណ​របស់​ម្ចាស់​ក្បាល​ដី​ចំនួន​ ៥៨៤ ​ដែល​មាន​ទាំង​មន្ត្រី​មាន​អំណាច​កំពុង​ត្រូវបាន​ពិនិត្យ​រឿង​នៅ​ពី​ក្រោយ​ខ្នង​ការកាប់​ទន្ទ្រាន​យក​ដី​ដ៏ក្តៅគគុក​នៅ​កោះរ៉ុង ហើយ​មន្ត្រី​ជាន់ខ្ពស់​ខ្លះ​នឹង​មិន​ត្រូវ​ឲ្យ​ចូលរួម​បង្កើត​រដ្ឋាភិបាល​ថ្មី​នៅ​​អាណត្តិ​ក្រោយ​ឡើយ​។