ក្រុងឡុងដ៍ៈ ក្រសួងសុខាភិបាលនិងគាំពារសង្គមរបស់អង់គ្លេស បានថ្លែងកាលពីថ្ងៃចន្ទថា អ្នកជំងឺកូវីដ ១៩ ចំនួន ៥៥ នាក់ផ្សេងទៀតបានស្លាប់នៅក្នុងប្រទេសអង់គ្លេស កាលពីរសៀលថ្ងៃអាទិត្យ ដោយបាននាំឲ្យចំនួនអ្នកស្លាប់សរុប ដោយសារវីរុសកូរ៉ូណា នៅក្នុងប្រទេសមួយនេះ បានកើនឡើងរហូតដល់ ៤០ ៥៩៧ នាក់។
តួលេខនេះ រួមមានបូកបញ្ចូលចំនួនអ្នកស្លាប់ទាំងអស់ នៅក្នុងនោះមានមន្ទីរពេទ្យ នៅតាមផ្ទះនិងសហគមន៍នៅទូទាំងប្រទេសជាច្រើនទៀត។
ការកើនឡើងចំនួនអ្នកស្លាប់ ដោយសារវីរុសកូរ៉ូណាជារៀងរាល់ថ្ងៃ គឺជាចំនួនទាបបំផុត ចាប់តាំងពីនៅមុនការបិទប្រទេសកាលពីថ្ងៃទី ២៣ ខែមីនា កន្លងទៅ។ មិនមានករណីស្លាប់ថ្មីត្រូវបានគេប្រកាស ទាំងនៅក្នុងប្រទេសស្កតឡែន និងអៀរឡង់ភាគខាងជើង សម្រាប់ថ្ងៃទី ២ ជាប់គ្នា។
តួលេខដែលបានរាយការណ៍រៀងរាល់ថ្ងៃចន្ទ ទំនងជាធ្លាក់ចុះដោយសាររបាយការណ៍បានពន្យារពេលរាយការណ៍កាលពីចុងសប្តាហ៍៕ SK