The Phnom Penh Post Search

Search form




Logo of Phnom Penh Post newspaper Phnom Penh Post - ការ​តវ៉ា​ប្រឆាំង​រដ្ឋាភិបាល​ស្វាគមន៍​ថ្ងៃ​ប្រារព្ធ​ខួប​ឆ្នាំ​ទី​១​របស់​លោក​ហូឡង់​

ការ​តវ៉ា​ប្រឆាំង​រដ្ឋាភិបាល​ស្វាគមន៍​ថ្ងៃ​ប្រារព្ធ​ខួប​ឆ្នាំ​ទី​១​របស់​លោក​ហូឡង់​

ការ​តវ៉ា​ប្រឆាំង​រដ្ឋាភិបាល​ស្វាគមន៍​ថ្ងៃ​ប្រារព្ធ​ខួប​ឆ្នាំ​ទី​១​របស់​លោក​ហូឡង់​

130507_18c
ប្រជាជនចូលរួមក្នុងបាតុកម្មនៅក្រុងបារីស ប្រឆាំងលោកហូឡង់ AFP

ក្រុងប៉ារីសៈ ​ក្រុម​អ្នក​តវ៉ា​រាប់មឺន​នាក់ បាន ចេញ​មក​តវ៉ា​តាម​ដង​ផ្លូវ​នៃ​ទីក្រុង​ប៉ារីស​កាលពី​ថ្ងៃ​អាទិត្យ ដើម្បី​ស្វាគមន៍​ខួប​ឆ្នាំ​ទី​មួយ​ក្នុង​តំណែង​របស់​លោក​ហ្វ្រង់ស័រ​ហូឡង់​ដោយ​ចោទ​លោក​ពី​បទ​បែរ​ខ្នង​ដាក់​ក្រុម​ឆ្វេងនិយម​។

នៅ​មុន​ថ្ងៃ​ទី​៦ ឧសភា ដែល​ជា​ខួប​មួយ​ឆ្នាំ​នៃ ការ​ឈ្នះ​លើ​បុរស​ស្តាំនិយម​នីកូឡាះ សាកូហ្ស៊ី ក្រុម​ជនរណសិរ្ស​ឆ្វេងនិយម​ដែល​គាំទ្រ​ដោយ​កុម្មុយនីស្ត​បាន​ប្រមូល​ផ្តុំ​អ្នក​គាំទ្រ​ដើម្បី​ដើរ​ក្បួន​ពី​ទីលាន​បដិវត្តន៍ សាំងបាស្ទីល​។

ក្នុង​ពេល​ជាមួយ​គ្នា​នេះ មនុស្ស​រាប់ពាន់​នាក់​ក៏​បាន​ជួបជុំ​គ្នា​សម្រាប់​ការ​តវ៉ា​ដោយ​ឡែក​ជាច្រើន​នៅក្នុង​ក្រុង​ប៉ារីស និង​ក្រុង​ជាច្រើន​ទៀត ដើម្បី​ជំទាស់​នឹង​ផែនការ​រដ្ឋាភិបាល​ដាក់​ឲ្យ​អាពាហ៍ពិពាហ៍​ភេទ​ដូចគ្នា​ឲ្យ​ស្រប​ច្បាប់និង ការ​ស្មុំ​កូន​ចិញ្ចឹម​របស់​គូរស្នេហ៍​ភេទ​ដូចគ្នា។

បាតុកម្ម​ទាំងនេះ បាន​កើតឡើង​ជាមួយ ការ​ស្ទង់​មតិ​បង្ហាញ​ថា លោក​ហូឡង់​ជា​ប្រធានាធិបតី​មាន​ប្រជាប្រិយ​បំផុត​នៅក្នុង​ប្រវត្តិសាស្ត្រ​បារាំង​ទំនើប។ អ្នក​បោះឆ្នោត​ភាគ​ច្រើន ខឹង​សម្បា​នឹង​សេដ្ឋកិច្ច​នៅ​នឹង​មាត់​ជ្រោះ​នៃ​ការ​ធ្លាក់​ចុះ និង​ការ​អត់​ការងារ​ធ្វើ​ខ្ពស់​ឈាន​ដល់​១៦​ឆ្នាំ​ហើយ។

បេក្ខជន​របស់​រណសិរ្ស​ឆ្វេងនិយម​លោក​Jean-Luc Melenchon បាន​អំពាវនាវ​ឲ្យ​មាន​ការ​តវ៉ា​នេះ​ពី​ខែ​មុន​ក្នុង​រឿង​អាស្រូវ​កម្រិត​ខ្ពស់​ជុំវិញ​អតីត​រដ្ឋមន្ត្រី​ហិរញ្ញវត្ថុ​របស់​លោក​ហូឡង់ លោក​Jerome Cahuzac ដែល​កំពុង​ត្រូវ​គេ​ចោទ​ប្រកាន់​ពី​បន្លំ​ពន្ធ។

លោក​Melenchon បាន​ប្រាប់​ហ្វូង​មនុស្ស ដែល​អ្នក​រៀបចំ​ថា​មាន​១៨ម៉ឺន​នាក់​ហើយ​ប៉ូលិស​ថា មាន​៣ពាន់​នាក់​ថា រដ្ឋាភិបាល​សង្គមនិយម​នេះ បាន​ក្បត់​អ្នក​គាំទ្រ​របស់​ខ្លួន​ដែល​ជា​ក្រុម​ឆ្វេងនិយម។

នៅ​ចំពោះ​មុខ​អ្នក​គាំទ្រ​ដែល​គ្រវី​ទង់ក្រហម​របស់​ចលនា​ឆ្វេងនិយម​លោក​បាន​ថ្លែង​ថា​៖​«យើង​មិន​ចង់​បាន​ពិភព​ហិរញ្ញវត្ថុ​កាន់​អំណាច ទេ! យើង​មិន​ទទួល​យក​នយោបាយ​កាត់​បន្ថយ​ចំណាយ​ទេ»​៕ IN

អត្ថបទគួរចាប់អារម្មណ៍