The Phnom Penh Post Search

Search form

Logo of Phnom Penh Post newspaper Phnom Penh Post - ការ​ផ្ទុះ​គ្រាប់​បែក​នៅ​អ៊ីរ៉ាក់​សម្លាប់​១៨​នាក់




ការ​ផ្ទុះ​គ្រាប់​បែក​នៅ​អ៊ីរ៉ាក់​សម្លាប់​១៨​នាក់

ការ​ផ្ទុះ​គ្រាប់​បែក​នៅ​អ៊ីរ៉ាក់​សម្លាប់​១៨​នាក់

130401_19c
ពលរដ្ឋអ៊ីរ៉ាក់ ជួបជុំគ្នានៅកន្លែងផ្ទុះគ្រាប់បែក AFP

ក្រុង​បាកដាដៈ ការ​ផ្ទុះ​រថយន្ត​ជាច្រើន​នៅ​ក្បែរ​ព្រះ​វិហារ​និកាយ​ស៊ីអ៊ីត​ជាច្រើន ដោយ​យក​ក្រុម​អ្នក​ធ្វើ​សក្ការ​បូជា​ប្រចាំ​សប្តាហ៍​ជា​គោលដៅ​ដោយ​សម្លាប់​មនុស្ស​យ៉ាង​តិច​១៨​នាក់​កាល​ពី​ថ្ងៃ​សុក្រ ជា​ការ​កើន​ឡើង​នូវ​ភាព​ចលាចល​ថ្មី​បំផុត​នៅ​មុន​ពេល​ការ​បោះ​ឆ្នោត​ដំបូង​របស់​អ៊ីរ៉ាក់​ចាប់​តាំង​ពី​ឆ្នាំ​២០១០​។

ការ​ផ្ទុះ​ដែល​ធ្វើ​ឲ្យ​មនុស្ស​ជាង​១០០​នាក់​រង​របួស ផង​ដែរ​នេះ បាន​វាយ​ប្រហារ​ក្នុង​រង្វង់​ពេល​មួយ​ម៉ោង​ពី​គ្នា​នៅ​ក្នុង​សង្កាត់​ជាច្រើន​ក្នុង​ក្រុង​បាកដាដ ដូច​ជា សង្កាត់ Binook, Qahira, Zafraniyah និង Jihad និង​ខេត្ត​គើគួក​ភាគ​ខាង​ត្បូង​ផង​ដែរ​។

ពុំ​មាន​ក្រុម​ណា​មួយ​អះ​អាង​ភ្លាមៗ​ទទួល​ខុស​ត្រូវ​ចំពោះ​ការ​វាយ​ប្រហារ​នោះ​ឡើយ ប៉ុន្តែ​ក្រុម​សកម្ម​ប្រយុទ្ធ​និកាយ​ស៊ុននី​ដែល​មាន​ទំនាក់​ទំនង​នឹង​ក្រុម អាល់កៃដា​ជា​រឿយៗ​យក​ក្រុម​មូស្លីម​ស៊ីអ៊ីត​ជា​គោលដៅ​ដែល​ពួកគេ​ចាត់​ទុក​ថា​ជា អ្នក​បោះ​បង់​ចោល​សាសនា និង​ជា​អ្នក​គាំទ្រ​រដ្ឋាភិបាល​ដែល​ដឹក​នាំ​ដោយ​ក្រុម​អ្នក​កាន់​សាសនា ស៊ីអ៊ីត​។

សរុប​ទៅ អំពើ​ហិង្សា​ដែល​បាន​កើត​ឡើង​នៅ​ប្រទេស​អ៊ីរ៉ាក់​កាល​ពី​ថ្ងៃ​សុក្រ​បាន​ផ្តាច់​ជីវិត​មនុស្ស​២១​នាក់ និង​១០៩​នាក់​របួស​។

ក្រុម​មន្ត្រី​សន្តិសុខ និង​សុខាភិបាល​បាន​និយាយ​ក្នុង​លក្ខខណ្ឌ​អនាមិក​ថា នៅ​ក្រុង​បាកដាដ ការ​ផ្ទុះ​រថយន្ត​បួន​ត្រូវ​បាន​បំផ្ទុះ​នៅ​ក្បែរ​ព្រះ​វិហារ​មូស្លីម​និកាយ​ស៊ីអ៊ីត​ទូទាំង រដ្ឋធានី ដោយ​បាន​ផ្តាច់​ជីវិត​មនុស្ស​១៤​នាក់ និង​របួស​៣៥​នាក់​។

ប្រមុខ​សុខាភិបាល​ខេត្ត​គើគួក​លោក សាឌីក អូម៉ា រ៉ាស៊ុល បាន​និយាយ​ថា នៅ​ក្នុង​ខេត្ត គើគួក ចម្ងាយ​២៤០​គីឡូម៉ែត្រ ខាង​ជើង​នៃ​រដ្ឋធានី មនុស្ស​៤​នាក់​បាន​ស្លាប់ និង​៧២​នាក់​រង​របួស​ពី​ការ​បំផ្ទុះ​រថយន្ត​មួយ​យក​ព្រះ​វិហារ​ស៊ីអ៊ីត​ជា​គោលដៅ​។

អ្នក​សូត្រ​ធម៌​នៅ​ព្រះ​វិហារ​ក្នុង​ខេត្ត គើគួក លោក​Salim Aziz Al-Bayati ដែល​រង​របួស​បាន​និយាយ​ថា​៖«​ខ្ញុំ​កំពុង​តែ​សូត្រ​ធម៌​នៅ​ខាង​ក្នុង​ព្រះ​វិហារ ហ៊ូ សេនីយ៉ះ​ជាមួយ​អ្នក​សូត្រ​ធម៌​ដទៃ​ទៀត​កាល​ពី​ថ្ងៃ»។

លោក បាន​បន្ត​ថា៖ «បន្ទាប់​មក​ស្រាប់​តែ​មាន​ការ​ផ្ទុះ​មួយ​យ៉ាង​ខ្លាំង​កក្រើក​ញាប់​ញ័រ​គួរ​ឲ្យ​រន្ធត់ ហើយ​ដំបូង​ព្រះវិហារ​បាន​របើក និង​ធ្លាក់​លើ​ក្បាល​ពួក​យើង​»។

អ្នក​តំណាង​របស់​បព្វជិត​និកាយ​ស៊ីអ៊ីត​ដែល​គេ​គោរព​បំផុត​របស់​ប្រទេស​អ៊ីរ៉ាក់ លោក Grand Ayatollah Ali Husseini al-Sistani ដែល​កំពុង​តែ​ដឹក​នាំ​ការ​សូត្រ​ធម៌ លោក Mohsen al-Battat ក៏​ទទួល​រង​របួស​ដែរ​។ លោក​បាយ៉ាទី​បាន​និយាយ​ថា៖ «ខ្ញុំ​បាន​ឃើញ Battat នៅ​លើ​ដី»៕ CC

អត្ថបទគួរចាប់អារម្មណ៍