The Phnom Penh Post Search

Search form




Logo of Phnom Penh Post newspaper Phnom Penh Post - ការ​វាយប្រហារ​អ្នក​ទោស​ប៉ាគីស្ថាន​នៅ​ឥណ្ឌា​បង្ក​ការ​តវ៉ា

ការ​វាយប្រហារ​អ្នក​ទោស​ប៉ាគីស្ថាន​នៅ​ឥណ្ឌា​បង្ក​ការ​តវ៉ា

ការ​វាយប្រហារ​អ្នក​ទោស​ប៉ាគីស្ថាន​នៅ​ឥណ្ឌា​បង្ក​ការ​តវ៉ា

130506_18c
សកម្មជនអង្គការឥណ្ឌា ដុតទង់ជាតិប៉ាគីស្ថានក្នុងពេលតវ៉ា AFP

ក្រុងមូហ្សាហ្វា​រ៉ាបាដៈ អ្នក​តវ៉ា​ប្រមាណ​ជា​២០០​នាក់​បាន​តវ៉ា​តាម​ផ្លូវ​នៅក្នុង​តំបន់​កាស្មៀរ​ដែល​គ្រប់គ្រង​ដោយ​ប៉ាគីស្ថាន​កាលពី​ថ្ងៃ​សៅរ៍​ដើម្បី​ធ្វើ​បាតុកម្ម​ប្រឆាំង​នឹង​ការ​វាយប្រហារ​លើ​អ្នក​ទោស​ប៉ាគីស្ថាន​ម្នាក់​នៅ​ឥណ្ឌា​។

បុរស​របួស​ជា​ឃាតក​ដែល​ត្រូវ​បាន​កាត់ទោស​ឈ្មោះ សានូឡះ រ៉ានចាយ រូប​នោះ​ត្រូវ​បាន​គេ​វាយប្រហារ​ពី​ព្រឹក​ថ្ងៃ​សុក្រ​នៅ​ក្រុង​ចាម្មូ​ភាគ​ខាងជើង​មួយ​ថ្ងៃ​បន្ទាប់ពី​រដ្ឋមន្ត្រី​មហាផ្ទៃ​ឥណ្ឌា​បាន​បញ្ជា​ឲ្យ​បង្កើន​សន្តិសុខ​សម្រាប់​ជនជាតិ​ប៉ាគីស្ថាន​ដែល​ជាប់​គុក​។

ការ​វាយប្រហារ​នោះ បាន​កើតឡើង​បន្ទាប់ពី​អ្នក​ទោស​ឥណ្ឌា​លោក​សារ៉ាប់ជីត ស៊ីង​ដែល​ត្រូវ​បាន​គេ​កាត់​ទោស​នៅ​ប៉ាគីស្ថាន​ពី​បទ​ចារកម្ម​និង​ការ​បំផ្ទុះ​គ្រាប់បែក​សម្លាប់​មនុស្ស បាន​ស្លាប់​កាលពី ថ្ងៃ​ព្រហស្បតិ៍​បន្ទាប់ពី​ការ​វាយដំ ដ៏​ឃោរឃៅ​ក្នុង​គុក​មួយ​នៅ​ទីក្រុង​ឡាហ័រ​ដែល​ជំរុញ​ឲ្យ​មាន​ការ​ឆ្លើយតប​ទាំង​កំហឹង​ពី​ក្រុម​អ្នក​នយោបាយ​របស់​ឥណ្ឌា​។

អំពើ​ហិង្សា​បែប​រោគចិត្ត​បាន​ធ្វើ​ឲ្យ​មាន​ទំនាក់ទំនង​តានតឹង​រវាង​ប្រទេស​ជិតខាង​ទាំង​ពីរ។

អ្នក​យក​ព័ត៌មាន​AFP​ម្នាក់​បាន​និយាយ​ថា មនុស្ស​ប្រមាណ​២០០​នាក់​បាន​ដើរ​ក្បួន​នៅក្នុង​រដ្ឋធានី​មូហ្សាហ្វារ៉ាបាដ​របស់​កាស្មៀរប៉ាគីស្ថាន​ប្រឆាំង​នឹង​ការ​វាយប្រហារ​លើ​លោក​រ៉ានចាយ​។

ហ្វូង​អ្នក​តវ៉ា​បាន​ស្រែក​ពាក្យ​ស្លោក​ព្រម​ៗ​គ្នា​ប្រឆាំង​នឹង​ឥណ្ឌា និង​អំពាវនាវ​ឲ្យ​ក្រុម​ជីហាដ​បង្ខំ​ឲ្យ​ទាហាន​ឥណ្ឌា​ចាកចេញ​ពី​តំបន់​កាស្មៀរ។

ពួកគេ​បាន​ដុត​ទង់ជាតិ​ប្រទេស​ឥណ្ឌា និង​ទាមទារ​ឲ្យ​គេ​ធ្វើ​មាតុភូមនិវត្តន៍​លោក​រ៉ានចាយ​មក​ប៉ាគីស្ថាន​វិញ​។ លោក​រ៉ានចាយ​កំពុង​ត្រូវ​បាន​ព្យាបាល​ក្នុង​មន្ទីរពេទ្យ​មួយ​នៅ​ក្រុង​ចានឌីហ្គា​ភាគ​ខាងជើង​ឥណ្ឌា​ជា​ទី​ដែល​លោក​នៅ​តែ​ស្ថិត​ក្នុង​ភាព​ធ្ងន់ធ្ងរ​ដែល​ត្រូវ​បំពាក់​បំពង​អុកស៊ីសែន​។

ក្នុង​ពេល​ជាមួយ​គ្នា​នេះ​ដែរ ក្រុម​អាជ្ញាធរ​នៅ​តំបន់​កាស្មៀរ​ដែល​ត្រួតត្រា​ដោយ​ប៉ាគីស្ថាន​បាន​ប្រកាស​កាន់ទុក្ខ​មួយ​ថ្ងៃ​ជា​ការ​តវ៉ា​ប្រឆាំង​នឹង​ការ​វាយប្រហារ​នេះ​។

នៅ​ក្នុង​សេចក្តី​ថ្លែងការណ៍​មួយ​នាយករដ្ឋមន្ត្រី​កាស្មៀរ​ដែល​គ្រប់គ្រង​ដោយ​ប៉ាគីស្ថាន​លោក ចាវទ្រី អាប់ឌុល ម៉ាជីត​បាន​និយាយ​ថា​៖​«​យើង​កាន់​ទុក្ខ​មួយ​ថ្ងៃ​គឺ​នៅ​ថ្ងៃ​ចន្ទ​ហើយ​យើង​នឹង​ធ្វើ​បាតុកម្ម​នៅ​មុខ​ការិយាល័យ​អ.ស.ប.ដើម្បី​ចុះ​បញ្ជី​ការ​តវ៉ា​របស់​យើង​ប្រឆាំង​នឹង​ការ​វាយប្រហារ​រ៉ានចាយ​»​។

លោក​និយាយ​ថា​៖​«​យើង​ក៏​នឹង​ជួបជុំ​តវ៉ា​នៅក្នុង​តំបន់​កាស្មៀរ គ្រប់គ្រង​ដោយ​ឥណ្ឌា និង​ប៉ាគីស្ថាន និង​នៅ​តាម​បណ្តា​ក្រុង​ធំ​ៗ​ទាំងអស់​»​៕ CC

អត្ថបទគួរចាប់អារម្មណ៍