ក្រុងសេអ៊ូលៈ យោងតាមរបាយការណ៍មួយបានឲ្យដឹងថា មន្រ្តីយោធាកូរ៉េខាងជើង និងមន្រ្តីយោធាអាមេរិក បានជួបពិភាក្សាគ្នានៅព្រំដែនកូរ៉េកាលពីថ្ងៃអាទិត្យ ដើម្បីពិភាក្សាអំពីការបញ្ជូនអាដិ្ឋធាតុកងទ័ពអាមេរិក ដែលត្រូវបានសម្លាប់ក្នុងអំឡុងសង្គ្រាមកូរ៉េ។ នេះបើតាមការរាយការណ៍មួយ។
ការបញ្ជូនឆ្អឹងទាហានអាមេរិក ដែលបានស្លាប់ក្នុងអំឡុងជម្លោះឆ្នាំ១៩៥០‑៥៣ ទៅស្រុកកំណើតវិញ គឺជាផ្នែកមួយដែលកិច្ចព្រមព្រៀងដែលធ្វើឡើងដោយមេដឹកនាំកូរ៉េខាងជើង លោក គីម ជុងអ៊ុន និងលោកប្រធានាធិបតីអាមេរិក ដូណាល់ ត្រាំ ក្នុងអំឡុងកិច្ចប្រជុំកំពូលជាប្រវត្តិសាស្រ្តកាលពីខែមុន។
យោងតាមទីភ្នាក់ងារសារព័ត៌មាន Yonhap news របស់កូរ៉េខាងត្បូង ដោយលើកយកសម្តីរបស់មន្រ្តីម្នាក់នៅទីក្រុងសេអ៊ូលបានឲ្យដឹងថា កាលពីភាក្សាថ្មីៗបំផុតនេះ បានចាប់ផ្តើមនៅព្រំដែនក្នុងភូមិ Panmunjom កាលពីថ្ងៃអាទិត្យ។
សារព័ត៌មាននេះ បានដកស្រង់សម្តីម្នាក់ដែលមិនបញ្ចេញឈ្មោះថា៖ «យើងយល់ថា កិច្ចជជែកពិភាក្សារវាងកូរ៉េខាងជើង និងអាមេរិកអំពីការបញ្ជូនឆ្អឹងទាហានទៅស្រុកកំណើតវិញ គឺកំពុងដំណើរការ»៕ PS