The Phnom Penh Post Search

Search form




Logo of Phnom Penh Post newspaper Phnom Penh Post - កូរ៉េ​ខាង​ជើង​រិះគន់​រដ្ឋមន្ត្រី​ការពារ​ជាតិ​កូរ៉េ​ខាង​ត្បូង ​ជុំវិញ​​សមយុទ្ធ​យោធា​រួម​ជាមួយ ​US

កូរ៉េ​ខាង​ជើង​រិះគន់​រដ្ឋមន្ត្រី​ការពារ​ជាតិ​កូរ៉េ​ខាង​ត្បូង ​ជុំវិញ​​សមយុទ្ធ​យោធា​រួម​ជាមួយ ​US

Content image - Phnom Penh Post
លោក​រដ្ឋមន្ត្រីការ​ពា​រ​ជាតិ JeongKyeong-doo ចូលរួម​ជំនួប​ស្តីពី​ថវិកា​នៅ​សភា។ Yonhap

កូរ៉េ​ខាង​ជើង​រិះគន់​រដ្ឋមន្ត្រី​ការពារ​ជាតិ​កូរ៉េ​ខាង​ត្បូង ​ជុំវិញ​​សមយុទ្ធ​យោធា​រួម​ជាមួយ ​US

ក្រុង​សេអ៊ូល៖ ​ប្រព័ន្ធ​ផ្សព្វផ្សាយ​មួយ​របស់​កូរ៉េ​ខាង​ជើង​កាល​ពី​ថ្ងៃ​ចន្ទ​បាន​រិះគន់​រដ្ឋមន្ត្រី​ការពារ​ជាតិ​កូរ៉េ​ខាង​ត្បូង ​ជុំវិញ​សមយុទ្ធ​យោធា​រួម​របស់​កូរ៉េ​ខាង​ត្បូង​ជាមួយ​អាមេរិក​ ដោយ​ចាត់​ទុក​រដ្ឋមន្ត្រី​រូប​នេះ​​ថា​ គ្មាន​អំណាច​សម្រេច​ទៅ​លើ​ជោគ​វាសនា​នៃ​ការ​ធ្វើ​សមយុទ្ធ​យោធា​រួម​របស់​ក្រុម​សម្ព័ន្ធមិត្ត​នោះ​ទេ​។ ​

Meari ជា​វេបសាយ​មួយ​ក្នុង​ចំណោម​វេបសាយ​ព័ត៌មាន​នៃ​ប្រទេស ​កូរ៉េ​ខាង​ជើង​ បាន​រិះគន់​រដ្ឋមន្ត្រី​ការពារ​ជាតិ​លោក​ JeongKyeong-doo ​ថា​ ចាញ់​ប្រៀប​ទាហាន​អាមេរិក ​ដោយសារ​ខ្វះ​អំណាច​ ហើយ​បាន​និយាយ​ថា ​កូរ៉េ​ខាង​ត្បូង​នឹង​ធ្វើ​ហើយ​នៅ​ចុង​បញ្ចប់​ អាមេរិក​ជា​អ្នក​សម្រេច​។

ប្រព័ន្ធ​ផ្សព្វផ្សាយ​នោះ​បាន​និយាយ​ថា​៖ ​«ដើម្បី​ឲ្យ​កាន់​តែ​ច្បាស់​នោះ យោធា​កូរ៉េ​ខាង​ត្បូង​ក៏​គ្មាន​អំណាច​អ្វី​ទាំង​អស់​ដើម្បី​សម្រេច​ទៅ​លើ​ការ​ធ្វើ​សមយុទ្ធ​យោធា​រួម​នោះ​ដែរ​»។

ការ​រិះគន់​នោះ​បាន​កើត​ឡើង​រយៈពេល ​២ ​ថ្ងៃ ​ក្រោយ​ពី​​លោក ​Kim Kye-gwan ​អតីត​អ្នក​ចរចា​នុយក្លេអ៊ែរ​ជាន់​ខ្ពស់​របស់​កូរ៉េ​ខាង​ជើង ​សើច​ចំអក​កិច្ច​ប្រឹងប្រែង​របស់​កូរ៉េ​ខាង​ត្បូង​ក្នុង​ការ​សម្រប​សម្រួល​ការ​ចរចា​រវាង​ក្រុង​វ៉ាស៊ីនតោន​ និង​ក្រុង​ព្យុងយ៉ាង។

កូរ៉េ​ខាង​ជើង​កំពុង​បង្កើន​សម្ពាធ​ទៅ​លើ​កូរ៉េ​ខាង​ត្បូង ​និង​អាមេរិក​ជុំវិញ​ការ​ធ្វើ​សមយុទ្ធ​យោធា​រួម​របស់​ពួក​គេ ​និង​ការ​បង្ហាញ​អាវុធ​​នៅ​លើ​ឧបទ្វីប​កូរ៉េ​ ដោយ​​និយាយ​ថា ​ខ្លួន​នឹង​មិន​ចរចា​ទេ​​បើ​សិន​ក្រុង​វ៉ាស៊ីនតោន​មិន​បញ្ឈប់​គោល​​​នយោបាយ​បង្ក​អរិភាព​ប្រឆាំង​​​កូរ៉េ​ខាង​ជើង​​។ ជា​យូរ​មក​ហើយ ក្រុង​ព្យុងយ៉ាង​​ចាត់​ទុក​សមយុទ្ធ​ជា​ការ​ហាត់​​សម​​ឈ្លាន​ពាន៕ Yonhap/PSA

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។